大雞大超級雞排

营业中

休息中

咁岩搭車經過個度見到有大雞大, 就俾佢吸引左過去排隊買黎食, 係我前面有5-6個人排隊買飛, 唔知點解要好耐, 差唔多等左超過5分鐘先到我........之後又排隊拎野食, 前面有7-8個人, 佢地就有兩個櫃檯, 應該好快喇......點知又係勁慢, D阿姐做野都好慢下, 仲要發現買飛個度已經排緊長龍, 但都係無人理佢地囉, 由得佢地排, 結果我前前後後都用左起碼20分鐘先買到2塊雞扒.....之後仲要發現完全唔好食, D雞好硬, 食到牙都痛, 其中一份要小辣, 但完全唔止小辣囉, 起碼大同中辣之間.........呢間野唔會再幫襯, 要食都係去番元朗個兩間食喇.......

一去到門口，見到好似有好多人排隊咁，覺得可能係因為岩岩開左無耐 ge 關系...但係行到去櫃台前面，我等左成 5 分鐘先有人同我落單囉！咁都唔係問題，落單果個仲慢到爆，無 "禁" 一個制都諗 n 咁耐！omg~我好覺得佢係度按章工作緊...之後去排隊，前面得幾個人，但都等左我十幾分鐘！d 人做野慢到爆，按章工作！間野有 2 個櫃台，5 個員工度，真係唔明點解可以慢成咁，唔該！做野慢都唔緊要，但問題係 d 雞唔好食，bb 雞好 "鞋"，落左好多味粉都無味，同元朗果間差好遠！下次都係去元朗食好過！

好耐之前係元朗食過大雞大已覺得普通，今次經過友愛輕鐵站有一大陣來自大雞大既香味所以就有興趣去試試，叫左一份 $17 既大雞大超級雞排 ， 個度的職員服務麻麻，可能新開比較多人，落完單去拎野都好亂，唔知邊個排先邊個排後。去到櫃台前，見到佢將D雞拎去番炸，然後就剪一剪搞掂，D 雞因為啱啱番炸完所以都夠熱既，都有香味(因為佢落左好多香粉)，但D 雞就真係有D"鞋"，應真唔滑，而且好乾，而小辣就係有小小辣粉而已，塊雞脆就脆GE 但係就真係外脆內硬，D 雞肉竟然會係硬!!! 總括來說是失望的，得個香字