大飯桶 (已結業)

佢有香港台灣同日式丼飯 然後佢竟然有煲仔飯! 覺得住附近/天后翻工嘅朋友可以去試下😎😎 👨🏻‍🍳🤳🏻 台山豉汁果皮黃鱔煲仔飯 加配膶腸臘腸 $98+$15+$15 ❤️‍🔥上台決定落幾多豉油 建議等多2－3分鐘等飯焦成形呢度煲仔飯嘅飯x 好食個鱔大舊彈牙，入口真係有微微果皮香🥰👍🏻蘿蔔無渣有清甜味 同埋改咗切片上枱我覺得好睇咗😛❗極度非常推薦大家加潤腸/臘腸/both 🔥 一嚟覺得潤腸/臘腸係煲仔飯必備, 會令到個飯更加香🥹二嚟我哋加完都覺得呢度嘅膶腸臘腸好食，尤其係膶腸 無腸衣 油香又啱啱好❤️‍🔥👨🏻‍🍳🤳🏻 豬軟骨肉燥飯豬軟骨夠腍 連骨嘅肉會嫰啲易咬啲 😛軟骨彈牙幾好食!!肉燥肥瘦肉碎都有調味好食 仲有糖心蛋🥚lunch套餐包咗個粟米蛋花湯羹🥣 個湯羹以鹹為主 同時會飲到粟仔米嘅甜🌽好似大半碗都係我飲咗 hahaha 餐廳門面同入面都好有空間感幾舒服 ✨

被此店寬大門面，高樓底而吸引，看過餐牌，有主打的煲仔，也有其他鍋品，見天氣秋涼，就入內一試。點了咸蛋肉餅煲仔飯及咖喱雞扒飯。咖喱雞扒煎好一大塊放於咖哩雜菜煲上，雞扒大件，紅咖哩比想像中辣，整體算惹味。咸蛋肉餅飯大煲，肉餅調味及質感乎合預期。整體食物質素滿意，所以客人很多，八成滿座。唯一感受不自在的是食飯的氣氛，店員的小舉動令我食得不自然，例如我們還未清洗筷子，店員便趕快的把水杯取走；煲仔飯送到，豉油也隨之而上，店員打開煲蓋便取走，未有給客人落調味後再蓋上煲蓋燘焗一下，當然店員也在食飯途中將豉油拿走，未有問客人是否仍然需要，然而我們仍然需要那支豉油的！

秋風起🍂凍凍地終於可以食熱辣辣嘅美食！天后最近開咗一間新開以煲仔飯為主打既餐廳，呢度嘅晚市真係冇得頂！又有各款定食、煲仔飯，而家地方/洗手間都好乾淨。今次試咗2個煲仔飯 🔥🍚 上菜速度快，好快有得食😋蒜蓉開邊蝦拼帶子煲仔飯($108)，加臘腸($15)，凍檸茶跟餐 ($8)。開邊蝦同帶子好新鮮，帶子仲有啲通透，每一口好鮮甜。蝦🦐就啖啖肉，挑咗蝦腸，配上大量蒜油，好惹味又邪惡🙈 煲仔飯嘅底部焦香香脆，重中之重係有飯蕉😆 正！按喜好加番幾圈豉油，甜味岩岩好，完全match！食煲仔飯點可以唔加臘腸呢？所以我忍唔住加左，D飯仲吸收左臘腸既精華，有臘味香😋🦐🍚🔥仲有一款：廿八味崩沙腩煲仔飯($108)，凍檸茶跟餐 ($8)！崩沙腩同蘿蔔煮得好入味同好淋，入口即溶！牛腩半肥瘦，又有膠質😍，肉質軟綿綿又多汁！手腩香滲晒入飯裡面，加返少少豉油，係傳統口味嘅最佳代表！尤其喺寒冷天❄️食，真係好正呀！🐮🍚🔥

最近天氣漸凍，就好想食d熱辣辣嘅煲仔飯😆我地經過e間店覺得幾特別😆菜式有湯又有丼飯☺️同煲仔飯款式都幾多樣化👍🏻餐廳裝修都幾靚🙌🏻以木系裝修為主，都幾舒服👍🏻我地叫左2個煲仔飯😋🌸帶子蝦醬豬頸肉煲仔飯，帶子好鮮味，口感彈牙，豬頸肉爽口帶香香嘅蝦醬味🤩煲仔飯吸哂精華好入味🥳又有飯焦🤩🌺台山豉汁果皮黃鱔煲仔飯，黃鱔係出面比較少食到所以就諗住試下😋味道有魚嘅鮮味，又冇骨😍

今日想食個比較方便既晚餐🌙見到天后呢間小店都坐滿晒人💙 望一望牆上嘅推介唔同嘅飯嘅款式都有🪵由煲仔飯去到日式丼飯既選擇都好多👍🏻 仲有唔同燉湯既選擇啱曬都市人🌆感覺好溫暖好有窩心既感覺💞⭐️ 西環臘味糯米煲仔飯 🥓原鍋用糯米煮成真係好有特色🍳 一粒粒嘅臘腸同潤腸口味帶油香🍖 粒粒分明嘅飯粒裹滿晒醬油仲有飯焦既效果🤤⭐️ 壽喜燒牛肉野菜鍋 🥩牛肉配上蛋黃同埋壽喜燒醬汁撈飯一流🥚 值得一讚有滿滿嘅野菜🥬係外面食飯真係好需要⭐️ 椰皇燉豬展 🥥每一啖都帶椰子嘅香同清甜🥰 滋潤得黎唔會太燥熱🏝️⭐️ 金銀花白菊花 🌼配上煲仔飯大推🥹 入口清甜不加糖🤪 自然既甜味中和返熱氣感

喺網上見有人介紹永興街有間隱世小店，主打煲仔飯同丼飯，咁啱今日要嚟天后攞啲嘢，趁機過嚟試下。餐廳裝修得骨子企理，地方頗大，店面開揚光猛，牆身以貼滿了食物相片嘅木板作裝飾，加上樓底夠高，完全無壓逼感。餐廳採 QR Code 形式自助落單，餐牌包羅萬有，除了大飯桶煲仔飯同日式丼飯外，仲有魯肉飯、泰式紅咖哩煲、野菜鍋、招牌燉湯同開胃小吃等供應。點咗黃鱔煲仔飯 同 臘味糯米煲仔飯。台山豉汁果皮黃鱔煲仔飯 ($98) 黃膳蒸熟拆肉後，再加入薑絲、陳皮醃至入味，鱔肉夠肥美，細嫩又冇泥味。煲仔飯火候控制得宜，飯粒乾身分明，均勻地沾上豉油，配合煲底脆脆嘅飯焦，味道甚佳👍🏼另外呢客西環臘味糯米煲仔飯 ($86) +臘腸 ($15)  水準亦一流，飯同材料分佈平均，糯米飯處理得啱啱好，粒粒煙韌可口，臘腸肥瘦比例適中、臘肉甘香味鮮，其他配料就仲有火腿、蛋絲同合桃等，非常豐富，食完好飽肚。

《抵食家常菜☺️》———————————————-#大飯桶 🍚-天后出咗名好多好嘢食，經過間木系裝修嘅小店，略帶點日式擺設，估唔到裡面係家常菜，而且好有鑊氣😝-🌾 西環臘味糯米煲仔飯用糯米嚟整嘅煲仔飯都係第一次食，估唔到都幾有驚喜，口感軟糯得來吸晒醬汁嘅精華😝 臘味嘅味道好香，油香十足，撈飯一流😝另外我哋配咗個招牌藥膳雞湯，藥材味香濃，入邊仲有原隻雞腳，非常足料～-🍛 泰式紅咖喱豬頸肉煲咖喱煲同樣係熱辣辣原煲上，充滿泰式風味，紅咖喱都算幾辣，超級惹味，一上枱就勁香😙豬頸肉有層酥脆嘅外皮，咬落去裏面又好軟嫩，層次豐富😎-⭐ 參考價錢︰西環臘味糯米煲仔飯：$164泰式紅咖喱豬頸肉煲：$87🍌 抵deal 指數：7/10💰 人均消費︰$130

大飯桶 地址: 天后永興街2A-2E號美城花園大廈地下B號舖物價驚人架香港，出街食餐lunch 明閒地都50元以上了，來到天后食個late lunch , 第要次來先望望menu 有飯有米線，價錢$60幾元起，就入去食了個lunch 飯類走台式美食路線，仲有煲仔飯，入秋開始見涼幾岩時機$68 香茅豬扒煎蛋飯，連泰式都有呀，簡單好食，豬扒入味，跟小配菜，有甜蛋片，中華沙律，蓮藕片同木耳$$65 安格斯牛肉滷肉，幾得意拼牛，另外加了$15 餃子做小食同溏心蛋$8 ，隻蛋配落滷肉飯度一流妙絕。餃子炸到脆卜仲送了個粟米湯$15 特飲檸soda 平民飯堂，抵食多款，飯量很多，女生食量細可以叫小飯不用浪費#香港美食 #大飯桶 #天后大飯桶 #天后美食 #香港探店 #香港必食餐廳 #香港平民美食"

廟街煲仔飯吃得多那天後的煲仔飯又如何呢？自己就不怎麼吃米飯所有跟朋友點餐時候一個少飯一個正常𝗪𝗛𝗔𝗧 𝗪𝗘 𝗢𝗥𝗗𝗘𝗥✨ 爺爺梅菜肉餅窩蛋煲仔飯 101清爽檸檬梳打 (+15) 梅菜肉餅加有焦味的飯也正了吧😎鍋不是平常看到的但仍有很重的飯焦味✨ 芝麻雞翼（2只）32兩只不夠啊 😂ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ大飯桶📍 Mayson Garden Building, Hing Fat St, Causeway Bay

呢間餐廳很大，每張枱之間都唔擁擠，職員友善；餐廳🍴同樣要掃QR code落單，食物價格合理😆 餐廳比人感覺係文青Feel～貼咗好咗6幅掛畫及美食相片😉比利時橄欖黑豚肉丼豚肉和白飯份量很足，口感軟腍不覺韌，肉味不俗，醬汁吃起來咸中有甜，調味恰到好處，的確惹味，白飯仲吸收咗豚汁精華後，顯得更美味😘西洋菜南北杏燉陳腎呢款湯鮮甜美味，呢排流感高峰期，呢款湯水不寒不燥，仲具化痰止咳、預防熱氣既功效，適合而家呢種天氣飲用，湯水非常足料又大碗，越勁都有，絕對推介👍🏻招牌釀茄子呢款茄子配上調味既鮮魚肉，釀上食材之上，魚肉鮮味，外層香脆，魚肉口感彈牙，味道更突出😆紫薯甘粟餅紫薯餅比其他餐廳嘅紫薯更甜，裡面D栗子切到細細粒，每口都食到栗子🌰🥳凍綠豆沙及檸檬茶正常發揮，與其他餐廳大致相同性價比不錯，絕對推介招牌湯水😍雖然唔太近天后地鐵站，但呢間餐廳都容易找到👍🏻

今日經過大飯桶，見佢門面幾特別，有窩心嘅感覺，就入咗去食午餐。餐廳入邊光猛整潔，職員好快帶左我哋入去坐低俾咗餐牌比我哋。午餐都有十幾廿個選擇，我哋兩個揀咗以下食物。28味滷水拼盤滷肉丼（$78）：呢個套餐跟咗個前菜。前菜包括蛋卷片，中華沙律，蓮藕同埋雲耳。淨係前菜都有4款野，味道清清地好健康。滷肉拼盤包括雞翼2隻，紅腸4片，豬軟骨4件，五花肉4件同半隻蛋。份量真係好多！所有食物都好入味，食材吸收咗滷水香料嘅香味。特別一讚豬軟骨炆得夠晒林。滷肉丼入邊有冬菇粒.滷肉唔會話切得太細粒，所以keep到個咬口。好想知道佢用咗咩香料，好野味。凍檸賓（+$5），檸檬同利賓納係絕配，好醒胃，利賓納味濃。黑蒜酸辣安格斯牛肉片米線（$65）：好少見嘅黑蒜酸辣湯底，估唔到佢黑蒜味咁濃郁，如果愛好黑蒜味者必點。佢嘅辣味唔係好勁，啱晒我呢啲鍾意食辣但又唔係食得好勁辣嘅人。佢除咗牛肉片仲有芝麻，半隻蛋，炸腐竹同埋芽菜喺入邊。牛肉片新鮮，炸腐竹吸晒啲湯底味。糖心蛋（+$8）真係做到流心嘅效果，一咬開蛋汁充滿口腔。凍檸水（+$5）：有三片檸檬，解吓膩既選擇。我哋另外仲叫咗炸餃子（+$15）同埋炸墨魚丸（+$15）。餃

向隔離順豐站拎完嘢，就食個簡單嘅晚飯，呢間見有煲仔飯食，就已經足以令我好想衝入嚟食😋😋叫左個蒜蓉蝦配帶子煲仔飯，食煲仔飯之前將所有材料撈勻，每一啖飯都有淡淡的蒜香味，外邊蝦都幾新鮮食落去冇雪藏味，而帶子就雖然薄咗少少，但味道都保持到鮮甜。另外叫咗個椰皇豬展湯，椰皇煲到可以入到口，豬展都幾多，好似食極都唔完咁😝另外中秋就到，天氣涼涼哋，就心郁郁想食個壽喜燒，呢度嘅壽喜燒好有家庭風味，材料到好充足，入面除咗牛肉，仲有獅子卷、墨魚丸、娃娃菜。好欣賞套餐裏面包含咗拌菜，伴菜嘅份量好大碟，入面嘅玉子燒同木耳都好好食。

今晚同家人行完街，在銅鑼灣準備坐車過海時，家人表示肚餓。所以橫過天后掃一掃描有咩好食。見到大飯桶入面都多人食，望下餐牌都覺得岩食就入左去。店員安頓好就用qr code掃一掃睇有咩食加自己落單，當然都有實體餐單。今晚點左推介既台山豉汁果皮黃鱔同鮑魚沙薑手撕雞煲仔飯。再加左菊花水台山豉汁果皮黃鱔煲仔飯-有主角飯，在底部有少少飯焦都算香口又唔會太燶。黃鱔肉質同味道都正常，唔會好腥。仲有配料蘿蔔都唔錯。加蔥加豉油自己慢慢處理。鮑魚手撕雞煲仔飯--鮑魚都正常，手撕雞都撕得好徹底。同樣都係有好香既飯焦

米線午餐～好大碗 望落去好似好足料點知⋯⋯椒鹽雞扒～竟然係得孜然味 雞肉係無肉質到連bb都食到蕃茄湯底～無蕃茄味 應該係滾水加兩粒蕃茄碎 配料～疑似薯仔既物體 但咬一口完全唔知咩來無食到 然後仲有幾片腐竹 但完全無味 都係無食到 仲有半隻滷水蛋 個蛋黃似係一掂就散 唔知浸左幾耐咁 又係無食到最後⋯⋯只係食左幾淡米線 半舊雞扒杯熱檸茶係飲晒既，因為係「正常」D5午餐碟頭飯～好大碟 好足料點知⋯⋯餐牌D5餐係寫蕃茄汁 點知係沙嗲汁 ～依個配搭真係未見過，再睇番個QR code餐牌午餐號碼明明係啱～但係沙嗲汁～好明顯佢個餐牌同電子版係唔一樣，唔怪得女侍應俾餐牌個時話QR code餐牌先update～大佬呀～你唔update意思係餐牌有既野，電子版係無或者相反都算～咁樣叫唔match, 而唔係update 熱咖啡～上到枱係有黑色未溶既野浮面～唔知想點最後⋯⋯朋友只係淨食個白飯同少少餸總結，行過天后如果突然落大雨，想揾地方坐下避雨可以去既，淨飲熱檸茶，不過唔知有無最低消費😴

－入門問店長有什麼好吃，她說什麼都好，自己看！於是我叫左兩個飯試試，點知…糯米飯燶到冇朋友，肉餅飯豬肉雪味濃，D side dish 仲差！雲耳完全沒味，拿醬叫我自己加，油菜又老又亂，飲品不如唔好做啦，完全冇茶味。店長服務態度超差，落單app 唔好用，叫幫手店長唔願幫手。我以為她一視同仁，但原來唔係，有枱大枱7- 8人，她態度完全唔同，不斷幫手推介，唔明點解佢唔係－視同仁，點解要用唔同的態度對待客人，唉！生意唔好，就要檢討吓，唔該！不過，再不光顧！