大飯糖甜品小食屋 (已搬遷) 新店位置

真係好, 洪水橋開了一間糖水舖. 裝修得好fresh好靚, 最緊要係糖水款式多, 同埋價錢公道(一d都吾貴). 當晚係舖頭開張第一天, 好好好多人, 但職員好快安排到坐位比我一家三口(其中一個係bb). 而且糖水都好快上枱. 味道好好, 尤其係我喜愛的凍綠豆沙, yummy!. 老公則叫了雜果西米, 雜果好多, 有4款, 又大粒. 一d都無欺場. 又吾貴.

新開張環境乾淨企理,裝修幾靚~試左芒果河粉,D花奶夠多,芒果又甜,河粉夠爽口.法式焦糖燉蛋唔係間間糖水舖都有得食,又唔貴.甜度啱啱好,食完唔滯唔"流"~面頭焦糖都好香~最後外賣左朱古力木糠布甸同埋楊枝甘露,楊枝甘露好多西米,花奶好香,推介!

經朋友仔介紹洪水橋有間新啟市o既甜品舖, 裝潢以綠色做主題, 清爽整潔, 已經加印象分啦, 因為乾淨好緊要ga ma, 再睇睇有什麼好o野食先睇到是日精選有鮮芒果水晶河粉, 嘩......$14就有得食喇, 响大埔糖水舖食都要成$20落樓啦, 依家貢抵食, 梗係即刻嗌o黎啦, 咪講笑, 而禾老公就試咗有"正"字o既芒果白涼粉, 想睇吓同黑涼粉有咩唔同先........hehe^u^鮮芒果水晶河粉: 又一個嘩喇......隻碗真係有d 大喎, 入面d 芒果有半邊芒果咁多呀, 驟眼睇真係以為上咗碟炒河o添呀.....hehe.... 真係睇到食指大動呀, 因為真係食"河粉"關係, 要用叉o黎食o架, 原來d 河粉好香好滑好好味o架, 感覺就好似食緊椰青入面o個d 白色肉肉咁囉, 不過仲爽口香滑一d 喎..........仲要貢抵食, 即刻俾10個"讚"佢先............芒果白涼粉: 再o黎o既係"白涼粉", 乜東東o黎o架??.....呈透明o既涼粉咬落去, 好彈牙喎, 有d 食蒟蒻咁樣樣囉, 好得意特別.....真係新奇又好味道試完呢兩款甜品之後, 禾覺得好抵食兼夾好好味呀..