大飯糖甜品小食屋

营业中

休息中

回頭度🍪8/10｜人均消費💰~$70-120-大飯糖一定係元朗人飯堂🥰除咗高質又抵食嘅甜品仲有唔少主食選擇😍惠顧主食 仲可以任添沙律🥗餐湯🥘真係好抵食🥳-👍🏻雜果爺爺（轉扭紋雪糕）$78賣相已經好打卡able🤩雪糕都算滑🍨同埋份量都多椰涷嘅椰子味都重🥥仲有唔少款式嘅水果有香蕉🍌西瓜🍉芒果🥭等等味道🌕🌕🌕🌕🌑-👌🏻懷舊牛扒餐配黑椒汁 $102牛扒有啲筋 有啲難切🥩但係以呢個價錢 其實都唔錯至少牛味都出 同埋大塊😋有得揀跟意粉/飯/薯菜味道🌕🌕🌕🌑🌑-👌🏻黑椒汁豬扒意粉 $70豬扒好大塊 都煎得幾香脆🐽黑椒汁份量都好多夠撈晒成個意粉🍝味道🌕🌕🌕🌗🌑-整體味道🌕🌕🌕🌗🌑抵食🌕🌕🌕🌕🌑

一直都好鍾意去既餐廳 甜品種類超多，而且大部分都好好食最鍾意“紫霞仙子” 即係紫米露啦，裡面有小丸子，仲加埋椰汁 超好味其他甜品我都有試過，芭菲杯賣相最好睇佢啲小丸子好Q彈唔會軟爛 水果都幾新鮮香甜 至於主食，我推薦五重芝士系列芝士味好濃 而且雞扒都炸得好正我差唔多每次都點呢個>< 宜家仲加埋自助區 可以自己整沙律同埋裝水/茶 不過要注意沙律吧要收費！ 整體食物質量非常好，環境都好乾淨 唯一既缺點就係價格比較貴 不過我覺得佢對得起呢個價錢

元朗 洪水橋 大飯糖🍨自𝟸𝟶𝟷𝟷年開業都而加好耐之前已經好鍾意食佢，次次新年或者過節去人哋度玩嘅時候都會去買佢嘅糖水做宵夜🥹🥹到而家佢已經開咗幾間分店，嘢食嘅款式都多咗好多我記得佢以前淨係買糖水，或者好似有腸粉之類嘅，太耐了我都吾太記得🥹🥹但係而家多咗好多熟食炸物主食🥹而加我次次去襯都會食五重粟米芝士炸雞扒麵🧀🧀🧀雞扒炸得勁脆勁ᴊᴜɪᴄʏ 🩷另外每次一定嗌既就係朱古力心太軟配軟雪糕🍫🍦好鍾意將佢切開，然後睇佢爆漿嗰種感覺🥹記得嗌呢個嘅時候要嗌軟雪糕唔好嗌雪糕球😂我自己就次次都係食扭紋雪糕👅佢仲有其他好好食既邪惡食物🫢例如有炸燒賣，xᴏ醬炒腸粉🥹🥹講都講吾哂之後我發現原來佢發展到有鐵板餐食，我嗰日係星期一大約夜晚𝟷𝟶點左右到，都發現佢好多人嗌呢個餐🥹同埋佢都一路入客唔會停咁滯🤤🥹元朗人一定要食🤭🤭👯‍♀️👯‍♀️

飯後甜品 🍧 你總是心太軟 心太軟🍨幾時都話女人有第2個胃🤤 說好的減肥呢 ？食左先算！ 心血來潮想食甜品🍨，好耐冇食朱古力心太軟！洪水橋 大飯糖 冇人唔識佢啦！元天團唔會冇人唔識架～佢由細食到大😍 價值合理 暖粒粒朱古力溶化我心🥰唔算太甜 加埋 雲呢拿雪糕一流😋🍦佢最特別鋪路唔單只係食甜品，仲有飯 同小食 合適朋友一班人放工相聚飲野填肚。唔洗驚唔夠飽！就算唔係深夜宵夜 ，佢一樣有早餐同 午餐供應 🥰😋🍽🫶你總是心太軟 心太軟

點了六盛午餐主食輕量雞扒蔥油飯，因為是午餐所以只能夠揀小食或甜品是但一樣，最後加$8點了凍腐竹薏米蛋花糖水配雪燕，這個我覺得最難吃，所以食剩好多，要了羅宋湯餐湯是個不錯的選擇，忌廉湯則沒有嘗試！以前很喜歡到這裏吃腸粉魚蛋豬皮，但現在把腸粉改了做XO醬腸粉，42大元，很乾，豉油乾煎腸粉，和配對了一堆有腥味的配料，這便是XO醬腸粉！心太軟和朱古力味的雪糕沒有太大驚喜！期間限定拼盤，有碗仔翅，味道普通，蝦多士唔錯，酸辣鳳爪都好好吃！最後芒果汁底芒果涼粉，芒果汁底唔錯，芒果夠甜，但涼粉冇口感太腍，很失望

2次去元朗遊車河都揀左去大飯糖食甜品，餐廳唔喺市中心，附近都係村屋，慶幸搵到哩間開得夜嘅隱世餐廳。入面地方原來好大，用餐環境乾淨企理，而且夜晚11點去都係人流好多好熱鬧，無論獨自品嚐,定喺同三五知己小聚,都可以喺到這裡盡享悠閒放鬆的時光。今次食左芒果芭菲，雪糕部分轉左芒果雪芭，如果有得轉一定要叫！ 雪芭芒果味好濃好綿密，而且食到有真芒果汁同肉，有小小黃糖係面多左層脆脆口感幾加分，另外下面有椰果，小丸子等等配料，每一啖都有豐富口感，價錢都係$58，絕對係好味又抵食。

平日收工，諗起大飯糖除左糖水都有飯食。▪︎大盛黑椒鐵板(牛局脾,雞扒黑豚里脊)▪︎$110個飯令我諗起某間多分店嘅 鐵板飯，兩款肉嚟講都幾好食， 然後配料有西蘭花、粟米同菇，底有汁撈埋一齊都幾好味。飯上面有好多飯素👍👍👍個餐配埋一杯 冷泡白桃烏龍茶，同可以出去任裝湯，個日娘親飲左碗羅宋湯(唔記得影😂)，另外都好似有中湯。麻香海哲手撕雞$52一上枱勁大碟雞，麻辣好惹味，麻辣汁既雞送飯一流，配埋海哲＆木耳好好味。▪︎芒果爺爺▪︎$76外層係牛奶味好重既雪糕，奶味重但唔會死甜，又滑又綿既感覺，食曬雪糕會見到入面有芒果粒同類似椰子果凍質地既啫喱。足料芒果新鮮，椰子果凍有輕輕既椰子味，感覺好清新同好似食緊椰青水晶凍咁，不過芒果爺爺份量都幾多，2-3人做飯後甜品比較好。

大飯糖甜品小食屋今次已經係第二次回訪呢間「大飯糖甜品小食屋」，上次食完餐廳比咗兩張現金券我，趁住到期日前我就約咗朋友一齊去食，今次我哋就揀咗午市半自助餐，一般人眼中半自助午餐係無野食，但呢度只要揀一款午餐就可以加配小食+甜品+飲品，仲可以出去拎沙律同餐湯，無時間限制可以慢慢食，只係知道午市半自助餐去到晚上六點！呢間餐廳門口有斜路，好啱輪椅人士入去食野，餐廳入面幾闊落，相約朋友聚舊一流！1.白汁雞皇飯（輕量300g）$60（8/10）呢個白汁雞皇飯係我好細胃口嘅朋友叫，雖然要咗輕量，但佢都食唔哂，雞肉都唔算少，雞肉肉汁唔鞋，白汁味道啱啱好！2.麻香海蜇手撕雞飯（辣）（午餐量600g）$68（9/10）呢個麻辣海蜇手撕雞份量好多，手撕雞好嫩滑，麻麻辣辣好惹味！3.溫泉蛋雞扒蔥油撈飯（午餐量600g）$68（9/10）呢個溫泉蛋雞扒蔥油撈飯份量好多，雞扒好香脆，大約有6舊雞扒，溫泉蛋蛋味香濃，加埋蔥油一齊撈飯，正！4.溫泉蛋Prime牛小排丼飯（午餐量600g）$90（9.5/10）呢個溫泉蛋Prime牛小排丼飯份量好多，牛小排唔韌，溫泉蛋蛋味香濃，非常正！自選小食：5.鹽酥雞扒（9/10

未搬舖之前都已經好鍾意食佢嘅心太軟之後搬咗舖都係繼續食佢嘅心太軟啲質素都冇變過一樣咁好味係個雪糕球少咗啲公仔其實佢都仲有好多其他嘢食不過我就主要鍾意食甜品今日咁啱老公約咗朋友嚟食甜品但我又未食飯所以叫咗個主食 60幾蚊嘅芝士粟米豬扒意粉加$25轉咗杯香蕉奶昔估唔到原來佢啲主食都咁好味主食包沙律吧同埋有兩款湯佢嘅湯都幾好飲沙律bar係去到9:00 由於嚟到嘅時候都已經八點九所以就好快手咁裝咗兩個湯同沙律相入面嘅羅宋湯已經係第二碗其實蘑菇湯都好好飲不過佢就得返好少冇得添飲其實飲完湯食埋個沙律我都已經好飽食咗幾啖就攞個私家飯盒裝埋啲豬扒意粉返屋企食食吓店員仲大叫抄牌叫啲客人出去攞車非常識做大飯堂真係keep住都爆場

$60包主食🍚小食🍢甜品🍡仲送一杯白桃烏龍茶☕️仲有餐湯同沙律吧🥗因為怕太多 所以今次就揀咗輕量主食想飽啲 可以叫返午餐量主食🤣不過價錢都會相對提高-🤍溫泉蛋雞扒蔥油撈飯 $60🤍麻香海蜇手撕雞飯 $60兩款主食都係超級足料的🤤雞扒夠香脆 手撕雞都夠惹味味道🌕🌕🌕🌗🌑-✨鹽酥豬扒✨鹽酥燒賣兩樣都炸得算香脆🥰不過個人就覺得真係重味咗少少味道🌕🌕🌕🌗🌑-✨玫瑰桂花羅望子酒釀芋圓芋圓好煙韌🍡仲明顯食到酒香🥂同埋都食到玫瑰🌹同桂花味🌼仲有蛋花🍳味道🌕🌕🌕🌕🌑-回訪嗎：🙋🏻‍♀️味道 🌕🌕🌕🌗🌑抵食 🌕🌕🌕🌕🌑

半自助午餐有沙律(自助)+餐湯(自助)+小食+主食+甜品+飲品，主食重可以揀細份/正常份量，唔太肚餓可以揀細份，唔洗浪費食物。食物質素都唔錯，推介牛肉飯同肉醬意粉，抵食又滿足

去完下白泥就揸咗車嚟附近食嘢 ✨Prime牛小排丼飯配熱即磨杏仁糊雪燕配咖喱拼盤 + 冷泡荔枝檸檬茶 $110牛小排都唔少 都幾有牛味😋😋 咖哩拼盤有魚蛋 豬皮 腸仔 蘿蔔 豬皮唔夠爽 腸仔同魚蛋正常發揮啦 蘿蔔最好 幾腍甜杏仁糊嗰個杏仁味唔算好濃 但我都係麻麻地呢陣味✨麻辣海蜇手撕雞飯配椰皇果凍星星撈配鹽酥雞扒 + 冷泡白桃烏龍茶 $88呢個手撕雞飯好正😋😋 個麻辣幾夠辣好惹味 雞同海蜇嘅份量都好多 👍🏻👍🏻 鹽酥雞扒就不過不失啦 唔係好香脆 雞都唔係好嫩 🙈 但個甜品都好正 芒果味好香 個果凍香椰味 爽爽地 總括黎講都非常抵食 呢個價錢有主食 小食 甜品 飲品 👍🏻 QR code 落單好方便 都冇話有限時仲有羅宋湯同沙律任飲任食味道❤️❤️❤️❤️抵食❤️❤️❤️❤️💔服務❤️❤️❤️💔環境❤️❤️❤️💔💰晚餐人均～$100（唔收+1）

大飯糖相信住喺新界西的朋友們都有聽過呢間舖頭由細食到大洪水橋分店自從裝修完之後大飯堂更加係變咗一間大鋪但係都一如以往咁人山人海座無虛今次嚟係因為想試吓新出嘅小寧波湯圓系列分別有三款：十三色芋圓芝麻湯圓芭菲杯 、爆炸糖椰絲榛子芝麻湯圓糖不甩、玫瑰桂花羅望子酒釀芝麻湯圓因為冬天想食熱嘢嘅關係我就比佢的玫瑰桂花羅望子酒釀芝麻湯圓吸引咗我發現佢嘅湯圓帶有豐富嘅口感同層次感綿綿嘅芝麻湯圓,入口即溶散發出濃郁嘅芝麻香氣每一粒都QQ彈牙另外一款就係小丸子系列另外我哋仲叫咗一個揶皇燉桃膠腐竹糖水呢個甜品非常滋補養顏入邊非常足料個塗膠超大粒食一個都已經好飽糖水帶嚟一絲絲嘅甜蜜每一 口都令人回味令人愛不釋手 除左甜品,哩度都有其他小食我哋叫咗個咖喱拼盤入邊有魚蛋腸仔蘿蔔豬皮不得不讚佢嘅咖喱非常出色濃濃嘅咖喱汁每一口都令小吃吃得如痴如醉難怪這裏的客人一如以往把整個店都逼滿因為他多年來也保持水準看見隔籬枱再打邊爐想不到冬天這裏連火🔥煱都有下次要再和朋友來吃火鍋和甜品

今個聖誕假卡卡無選擇出走旅行✈️決定留港消費💰💰💰前晚仲帶咗班仔去食糖水😋真係好耐無堂食喇通常都係買外賣返屋企比佢地食三個仔仲食得好開心添🤭同卡佬見到有新餐牌大飯糖聯乘小寧波湯圓見三款都咁吸引😍即刻叫哂嚟試下《#小寧波湯圓特色甜品》（３款)❤️ 玫瑰桂花羅望子酒釀芝麻湯圓➡️送上枱時已經聞到好香嘅玫瑰同桂花香味，再配上帶有少少酸味嘅羅望子，想不到與酒釀煮出來的糖水係咁夾😋加埋小寧波的芝麻湯圓，真係食唔停呀！❤️ 爆炸糖椰絲榛子芝麻湯圓糖不甩➡️卡佬最愛糖不甩，想不到用榛子取代花生碎來得更香脆，配上爆炸糖一起食糖不甩，真的很有創意！當爆炸糖一齊與糖不甩於口中時，於口腔不停有卜卜聲，真係好過癮又好食呀！❤️ 三色芋圓芝麻湯圓芭菲杯➡️呢個真的要大推，因為隨了好打卡之外，仲要好好味😍這個芭菲杯用上日本3.6牛乳所做嘅軟雪糕超有濃奶味兼柔滑，配埋香濃嘅黑芝麻醬，完全係絕配！鍾意食黑芝麻嘅你真係唔可以錯過😍配埋軟糯的三色芋圓，真係食多杯都可以呀！《#芒果三點盛》每碗都以呂宋芒為主角🥭細芒果迷城➡️用上甜美的呂宋芒果、星星、西米露、水晶、椰奶忌廉來做這糖水，再配上凍冰冰嘅芒果雪糕球，真係啱哂呢個突然回暖返嘅冬天🤭

大飯糖甜品小食屋嚟到洪水橋除咗食「雲川百味」米線之外，飯後甜品一定唔好錯過嘅係「大飯糖」，佢哋最出名就係小寧波湯圓，皮薄超煙韌，又唔會痴牙，經開本來諗住買外賣比媽咪食，點知自己入埋去食！🤣🤣🤣呢間甜品店好大間，入面好闊落，而且門口已經整咗斜路，好方便輪椅人士入去慢慢食甜品啦！1.芝麻糊（100％自家磨制）（凍）$35（10/10）食得出係佢哋自己磨制，黑芝麻味超濃郁，而且超濃稠，唔會好似其他甜品店咁好稀好淡，份量好多，夠2人食！2.D24榴槤芭菲杯$68（8/10）呢個D24榴槤芭菲雪糕杯入面嘅雪糕超幼滑，榴槤肉喺最低層，要食哂雪糕先食到，榴槤肉算多，可惜榴槤味唔算重，其他配料有蒟蒻同小丸子等！3.玫瑰桂花羅望子酒釀芝麻湯丸$42（10/10）玫瑰同桂花味超重，羅望子甜中帶少少酸，加埋淡淡酒香，味道好夾，芝麻湯圓一共有8粒，粒粒都皮薄大粒，一咬芝麻爆哂出嚟，超掂好味！4.玫瑰桂花羅望子酒釀小丸子$38（9.5/10）玫瑰同桂花味超重，羅望子甜中帶少少酸，加埋淡淡酒香，味道好夾，小丸子細細粒好煙韌，目測大約有30粒，份量超多，好味！5.三色芋圓芝麻湯圓芭菲杯$58（10/10）呢個芭菲雪