大飯糖甜品小食屋

营业中

休息中

通常同一大班朋友食完飯，未傾夠就會想一齊搵個地方食埋糖水，但係人多要求就多，朋友提出帶我哋嚟大飯堂食糖水，覺得真係好明智嘅選擇！因為佢地方好大好闊落之餘，甜品仲有非常之多選擇，中式西式雪糕奶昔，就連鹹嘅小食都有，一定照顧到你需要！我同朋友每人嗌咗一個「爺爺」系列我叫咗芒果爺爺，朋友就叫咗雜果爺爺其實所謂嘅爺爺就係軟雪糕，搭配生果，再搭配椰汁果凍首先覺得呢度嘅軟雪糕非常之滑，芒果爺爺搭配嘅雪糕係牛奶味，而雜果爺爺配嘅雪糕係芒果味，兩者都非常香非常滑！水果就唔需要多題啦，都係想像到嘅味道但係個椰皇果凍就非常之好食！佢似係單純用椰汁整成果凍，無任何添加糖嘅鮮味，食落去一啲都唔Heavy好似食咗一個好light嘅甜品咁!另外個朋友就叫咗個朱古力芭菲其實呢度所有雪糕係可以選擇雪糕球或者軟雪糕建議大家都係揀返完雪糕，因為好香滑下面嘅配料都係想像得到嘅味道，拿破崙好鬆軟，好香牛油味！期待下次再同朋友嚟試其他甜品！

Happy friday 同朋友去大飯糖，見時間尚早無乜人，可以舒舒服服食左個下午茶。下午茶時段係二至六，我地好彩五點零去到仲食得切。下午茶餐有唔少丼飯選擇，朋友揀選左牛嘅丼飯，我就揀咗豚肉嘅丼飯。跟餐可以揀一個小食／甜品，我揀咗鹽酥雞扒，朋友就食鹽酥薯角。下午茶餐除咗免費一杯白桃烏龍茶／荔枝檸檬茶外，仲有自助沙律吧，沙律菜同餐湯可以無限添食。雖然餐同小食嘅兜，係細細格睇落好似份量少，但食落都覺得飽嘅，而且味道唔錯。另外我再揀咗個甜品 夢遊仙境，有紅豆、西米、芋圓、椰汁啫喱同椰奶。食落去都幾清甜，芋圓凍食都仲好煙韌無變硬，份量都幾多，仲有碗仔可以俾我同朋友share😊

食完父親節飯後黎左洪水橋既大飯糖食甜品，我叫左一碗芝麻糊湯圓，大份得黎味道都算好。屋企人就叫左西式甜品，雪糕沙冰、特色甜品都唔錯。睇餐牌仲有好多唔同小食，下次冇咁飽再試多d。

今次覓食嚟到遠少少，係J小編咁大個女第一次去嘅洪水橋😂成日凝住入面真係無乜野食 (雖然真係唔算多選擇🤣)，但呢間人氣嘅糖水鋪可以話係入面嘅其中一個光芒，開得夠夜之如，又夠好食，推介推介👍🏻大飯糖特別在其實佢哋唔係淨係賣甜品，仲有小食、下午茶、同正餐都有！所以真係宵夜嘅最佳之選🤩除左洪水橋之外，錦田同大圍都有分店嫁，想試嘅朋友就去試下啦🙌🏻

大飯糖是由舊鋪年代已經常常會去的甜品鋪之一。它的心太軟基本上是我係香港食過的數一數二。今日難得經過附近，當然要再去！叫了咖哩拼盤，手撕雞腸粉及心太軟：1. 黃金流心心太軟配3.6軟雪糕 HKD68黃金流心心太軟的外皮酥脆，內餡流心，質地很柔軟，口感非常好。流心內餡充滿咸蛋味，搭配上3.6軟雪糕，口感十分綿密，牛奶味亦很濃郁。除了一般的朱古力味外，黃金流心亦值得一試！2. 咖哩拼盤，麻辣手撕雞腸粉咖哩拼盤一般般，價錢略貴，由2X加到現在要4X麻辣手撕雞腸粉 - 麻辣味足，份量算合理小總結❤️❤️❤️❤️📌價錢略進取📌心太軟值得一試

這間店舖在之前也是有吃過的，只是那時候是吃心太軟，這裡的心太軟確實很不錯的，雖然它需要伴在一起吃的生果/雪糕較為普通，但整體來說還是一個很不錯的餐廳來。而這次叫的則是一個名為紫霞仙子，有紫米芋圓芋頭雪糕等的一個台式甜品，不過這次是外賣的，其實店內環境蠻大的，也很空曠、光猛，只是這次想帶回家吃🤣🤣嗯中心有些冰的，所以咬起來也不錯吃，讓整體質感上也是有了點提升，當中的奶、椰汁，其他各種配料也是蠻充足的，並不會有淡味這樣的狀況，算是還不錯的甜品

呢一間甜品店比較大，不過座位就坐得唔太舒適，有啲櫈比較細，好似比小朋友坐咁😂。價錢方面，就比較貴，不過就多款式選擇，除咗甜品之外，仲有小食、飯類等…選擇，但係我之前試過小食就一般般！所以今次主要都係食甜品，我好鍾意喺呢度食佢嘅朱古力心太軟配榴槤雪糕，因為佢嘅心太軟好流心，甜度適中，榴槤雪糕好有榴槤果肉味，好似係用D24榴槤，伴碟仲有啲熊仔頭形狀嘅朱古力脆脆片，香脆可口。此甜品整體評價高，推薦👍。

同朋友係元朗食完晚飯，朋友帶我黎呢間店食個飯後甜品，再傾多陣偈。呢間糖水店除左有甜品食之外，仲有小食同正餐飯類，都幾多元化。桃膠腐竹糖水 $58💮凍冰冰就想食啲熱辣辣既湯水💮一送上枱，已傳來腐竹既香味💮入口好綿，質地微微黏口💮桃膠份量都唔少，養顏滋潤💮桃膠入口彈牙，充滿膠原感💮仲有濃濃既椰皇味道，甜度都剛剛好💮整體好香甜又帶滋潤朱古力心太軟配朱古力雪糕球 $58 💮一匙銳落個心太軟，濃濃既朱古力漿就慢慢湧出黎，不稀不稠💮熱辣辣既甜心，朱古力味好濃郁💮外層蛋糕有少少香脆又軟熟💮朱古力雪糕球正常水準😁💮好完美既配搭

元朗糖水宵夜好去處大飯糖 （洪水橋）～～～～～～～～～～～～～～～～～小編今日嚟到大飯糖甜品小食屋食糖水🥰🥰，係元朗宵夜的好去處～～小編Order了心太軟配扭紋軟雪糕 （$66），焦糖燉蛋配朱古力軟雪糕 （$52），手芋家圓 （$48）～～心太軟軟雪糕：係佢哋嘅招牌甜品，即叫即整嘅心太軟， 配上非常軟滑嘅軟雪糕，甜入心～～🥰🥰🥰焦糖燉蛋配朱古力軟雪糕 ： 焦糖鬆脆香口，配上淡淡香甜燉蛋，味道一流～～手芋家圓 ：內有香芋雪糕球， 芋圓，紅豆粒，水晶，涼粉，椰奶忌廉～～淡淡香芋配上芋圓，喜歡香芋的朋友可以一試喔。

洪水橋好多hidden gem，今次去咗味道唔錯的大飯糖，甜品加小食做午餐。雜果爺爺（$75）有點貴，不過配搭好好味，有軟雪糕，下面有芒果、木瓜、西瓜、香蕉幾款水果，食完水果仲有驚喜，最低層係充滿椰皇味嘅大菜糕。讚！雜果芋圓（$36）有10種唔同口味嘅雜果，口感煙韌，好好味。但宇圓多咗啲，多番啲雜果就完美喇！咖喱拼盤（$39）有腸仔、魚蛋、蘿蔔、豬皮，基本上烚完加咖喱汁，唔算入味，豬皮有少少毛，有啲失色。腸粉（$20）腸粉略嫌蒸得太耐，冇乜口感，上枱時只落豉油，要食客自己加甜醬麻將辣醬。肉燥雞扒飯（$42）雞扒好似翻炸過，唔算新鮮。肉燥汁有啲“傑”，味道一般。總括而言，甜品唔錯，但飯類小食有點失色。

飯後甜品係好要架 😙，因所以附近食完晚餐，就同朋友一行4人去咗大飯糖，食返碗糖水再傾多陣計～大飯糖係有飯食有糖水食，所以肚餓食飯又得，口痕食小食又得，想食甜品🍮又得～餐廳位置有啲"隔涉", 喺個迴旋處倔頭路，但好多人揸車/踩單車去～門口多人外賣，坐位多(約100個)翻枱快基本上都唔駛等位 👍🏻 不過就真係嘈到好似飯堂咁，又咁啱有張大枱喺度猜枚 😒😒 中式西式糖水都係麻麻，應該係一早整定，唔駛5分鐘就到齊曬，但整定都可以咁麻麻真係難得 😞 中式糖水無驚喜，兩碗"熱"嘅中式糖水(綠豆沙$26同紫米露$26+小丸子$8)只係"微暖"同超甜；西式都係普通，呂宋芒果🥭配雪糕球水晶$52啲芒果好酸好酸，宇治金時配焦糖燉蛋$62啲黑糖好甜.... 反而最好竟然係個酥炸燒賣 😂如果同朋友純粹搵個聚腳點還好，但真心想傾計同埋想食好味甜品就唔建議了～

諗住有一排未去大飯糖，突然又想吃糖水。來到洪水橋這間，我們一行4人，叫了2碗熱渣渣，一碗蛋白杏仁茶，一個香芋雪糕加紅豆粒。但渣渣變得稀巴巴和很甜，不是以前的味道不好吃👎，問侍應點解渣渣咁稀嘅，佢問完廚房回覆是渣渣交來佢店再調校😖 （想多賺錢把材料調得稀巴巴，下次都吾再幫襯了）

週末的節奏( ´ ▽ ` )ﾉ 唔食宵夜對唔住自己😙楊枝金露 配3.6軟雪糕 💰$55 ❤️手芋家圓 💰$46 🧡酥炸燒賣（12粒) 💰$27 💛蜜脆雞翼（4隻) 💰$36 💚心太軟 配3.6軟雪糕 💰$64 💙 除咗有糖水食，仲有好多正餐選擇架( ̀⌄ ́) 收工嚟真係一流😚 不過長期都好full 週末夜晚有排等位~ 平日過去就唔洗等啦😆* 免收10%服務費

呢間小食屋餐牌有好多選擇 除左甜品小食 仲有正餐嘅飯麵提供😂呢次就試左幾款糖水😋🍧芒果山(轉芝麻雪糕) $70入面有芒果綿綿冰+星星+呂宋芒果+水晶+芒果雪糕👦🏻將雪糕轉咗做芝麻🙈芒果山比我想像中份量偏細 我以為會係一座大嘅芒果綿綿冰😋綿綿冰嘅口感好順滑 放入口唔洗咬都會自己融化 冰既味道甜甜地 淡淡既芒果口味 唔會好膩 好快就食哂🤤呂宋芒切得好大塊 有5塊大既芒果果肉🤤成個甜品最有驚喜嘅係芝麻雪糕 好有芝麻香味聽講係新出🤫🍨紫霞仙子 $42入面有小丸子+紫米露+西米露+香芋雪糕成個甜品都好夾 好有紫米香芋果種香🤣佢嘅西米係有咬口嘅 唔會煮到淋哂小丸子都好煙韌 就算放喺凍嘅糖水入面都係好軟熟 呢個我好欣賞🙈香芋雪糕就重奶香 都幾重香芋味🍨鮮雜果楊枝甘露 $42好多新鮮生果好足料🥭🍍有香蕉西瓜芒果菠蘿😍$42黎講 性價比都幾高 味道唔錯 平時見有糖水舖用西瓜同奇異果就當雜果咁賣出去🥺

📍大飯糖📍💡元朗宜家日日都6點就冇堂食，食飽飯想食凍冰冰甜品都冇咁方便，冇得簡唯有係外賣係車上面食😋🐥茫果爺爺($72)椰皇入面係椰青水果凍，好似大菜糕既質地，同平時食開椰皇唔同唔係燉蛋白。果凍好味好清新天然😚上面有粒粒茫果，仲有3.6既牛乳雪糕，非常香滑而且奶味濃，成個甜品份量好多，食落一d都唔膩💗因為外賣所以都要分開2碗，不過食完都好滿足，真係好正☺️食完已經等下次#元朗 #元朗美食 #元朗推介 #香港美食指南 #香港美食 #香港美食 #hkfoodie #hkfood #taiwanfood #hkfoodie #hkrestaurant #hkiger #hkfoodstagram #hkfoodlover #hkig #hkfoodshare #taipo #globaleats