天ぷらまきの

营业中

休息中

終於都黎食喇 由佢未開張等到今日我地差唔多5點鐘去食 呢個時段冇人Lucky 唔洗等🤡我地兩個人都叫左特選天當$178幾豐富 低溫油炸 食落去一d都唔油膩 仲脆脆地不過調味就唔系好夠 要自己加鹽或者七味粉天婦羅衣薄 唔會食到麵粉味 好食上盤熱辣辣 正 個人最鐘意系蝦 比較彈牙穴子比較乾 唔太juicy 雞蛋流心 正😄其他就冇乜特別 配菜特別 比較黏 香港少食到 不過都唔錯不過飯略嫌唔夠 以呢個價錢黎講 性價比唔高 一試無妨 不過未必會再食🥸仲有好多天婦羅既過江龍可以揀

呢個星期想食吓天婦羅，怕上火嘅筆者叫咗醬漬三文魚配天婦羅雞蛋丼，醬漬三文魚唔只大份，而且好新鮮，油香味好夠，估唔到配搭外脆內軟嘅天婦羅蛋幾夾，而且兩樣都好好配飯！天丼配蕎麥麵呢個碳水化合物組合非常日式，但蕎麥麵同汁個種清新好適合油份重嘅天婦羅。呢度嘅天婦羅都係熱辣辣上菜，又唔會有油益味，配搭菇類、南瓜等軟身食材，口感好豐富，特別鍾意呢個set入面嘅魷魚天婦羅。紫蘇牛柳係另一個驚喜，紫蘇味唔勁，筆者討厭紫蘇，但都覺得唔錯。海苔明太子新鮮，不過因為明太子本身幾咸，如果想試嘅話，記得要留返幾啖飯送住食。菠蘿梳打唔會酸，解油膩一流。個人覺得性價比唔算低，而且就算怕熱氣都有刺身類或其他丼類食物可選擇，可以再戰。

天丼定食入邊有大蝦、雞胸、魚、南瓜、茄子、菇、豆同溫泉蛋魚係入面比較普通，天婦羅溫泉蛋雖然好特別，而且真係做到流心嘅效果，但係炸粉太厚蛋白嘅位置其實只係食到炸粉其他嘢質素都好好，炸粉厚度岩岩好，亦好夠脆。大蝦好新鮮，雞胸好滑好Juicy，野菜亦好食大蝦野菜天婦羅盛合 呢個同天丼定食最大嘅分別就係佢有跟返最classic嗰隻天婦羅汁，大蝦有三隻，但就冇魚、雞胸同溫泉蛋 男朋友覺得其實天丼定食好似抵食啲 但都要睇個人口味 因為我就覺得天婦羅都係要配返蘿蔔茸天婦羅汁先係最好食Overall價錢唔算太貴 都值得再回頭試嘅一間餐廳當日去係食lunch Menu都會想再去試埋晚市 因為見到佢出面啲圖夜晚有炸蠔 炸牛柳好似都幾吸引

兩個人叫左兩個天婦羅餐，一個海鮮一個野菜。所有嘅天婦羅都炸得好好，外面嘅脆皮薄之餘點埋汁都仲保留到脆嘅口感。🍤野菜入面最有驚喜嘅係西蘭花天婦羅，好似無乜邊間有西蘭花出現。咬落去會有唔令人討厭嘅西蘭花味。🥦兩個餐都有炸菇，菇仲保留到菇汁而外皮都仲脆！成個餐嘅唯一缺憾就係麵豉湯有少少咸🤏🏼🥲

今日lunch見到呢間嘢唔多人，就入去，打開餐牌，其實可以選擇嘅唔係好多，好多都係set定好，單點的天婦羅類別不算多，都是他set一有的食物。叫咗一個大蝦野菜天婦羅定食佢嘅茄子同菇係一舊咁樣炸，略嫌唔夠精緻，虎蝦大大隻，有成三只，用料算唔錯，不過有少少over cook，南瓜唔夠甜，蓮藕唔多軟個飯真係啱啱夠，如果大食啲應該都唔夠食，其實佢樣樣都係爭少少，就好完美㗎喇！反而前菜幾有驚喜埋單$141 呢個價錢食到呢個天婦羅飯，不過不失啦。

呢間餐廳啱啱開咗冇幾耐星期六晚排隊都排左差唔多個半鐘先可以入去不過呢間餐廳真係幾好食所以就算要排隊都值得一試材料夠晒新鮮 天婦羅炸得非常之香脆天丼蕎麥麵定食😋值得一題係佢哋嘅炸帶子咬落去仲食到帶子嘅鮮味炸蛋亦非常之出色 流心蛋黃食得出係選用靚嘅雞蛋 另外 天丼入面亦都有炸魚 係我最鍾意嘅咬落去之後 魚嘅油脂仲保留住 👍🏻👍🏻而呢啲係散嗌嘅 因為仲想試吓佢哋唔同嘅嘢炸明太子☺️ 咬落去鹹鹹地 配埋冷烏冬就簡直係冇得頂炸紫蘇葉牛柳😍呢個都係我嘅最愛 生熟程度啱啱好另外 不得不提就係佢哋嘅炸蝦🤩咬落去非常之爽口彈牙 仲好大隻添 😍

見佢開左唔係好耐，睇落啲相好吸引，想試試佢等位既安排方面有啲問題如果過左號，建議大家即刻拎多張新飛，應該會快過等侯補堆人🤡我同老公都叫左特選天don因為海鮮種類方面係多過蕎麥麵嗰set，性價比高啲飯量比較少，唔怪得隔籬枱既男人要額外加個麵，但我哋唔肚餓，所以OK，食完感覺仲幾飽😂天婦羅虎蝦好味，彈牙又大隻，仲有三隻咁多👍🏻兩款魚一淡一濃有驚喜👍🏻帶子一般流心蛋炸粉勁厚又不成蛋型😥其餘炸物層粉都好厚，所以口感好一般😥本身個set落嘅醬汁唔多，所以最好叫佢另上天婦羅汁試過一次就夠了，唔會有想再食嘅衝動順帶一提，由於我哋係坐喺吧枱前面，所以距離廚師好近見到有員工洗碗嘅時候啲水花好接近食物洗完又冇換手套就處理啲食物睇到就胃口一般…..😰😰

今日食午餐，叫左「至福天婦羅便當」同埋「海鰻海鮮天婦羅定食」，其中一個+$20轉左凍稻庭烏冬～再加隻日本天婦羅雞蛋～當中最有驚喜係鱚魚～鮮甜唔腥～雞蛋🥚做到流心嘅～價錢都算合理～睇住師傅一邊整，我就一邊食，覺得特別好feel~坐咁近都冇油煙，幾好👍🏻

最近午餐去左人氣天婦羅專門店-天ぷらまきの，呢間過江龍餐廳座落於沙田新城市廣場，非常多人排隊，一入座已座無虛席，所以必需提早羅位。初來報到，選了大蝦野菜天婦羅定食。天婦羅包括(虎蝦3隻、茄子、舞茸菇、南瓜、法國邊豆，蓮藕)。亦有前菜、白飯、麵豉湯及天婦羅沾汁(配搭白蘿蔔蓉)。炸虎蝦既蝦肉結實爽口，蝦味濃且炸得香脆，實屬水準之作。其次是南瓜香甜軟糯。至於茄子比較油膩，舞茸菇、邊豆、蓮藕味道未算太出眾。麵豉湯亦屬一般貨色。用餐後未算有強烈油膩味👍🏻。

如題，人均成2百幾蚊，結果食到幾舊菜類天婦羅有一舊舊2白色炸粉，完全係天婦羅餐廳嘅大忌，咁嘅質素，其實大把其他選擇，唔明點解食評讚到咁，想失望就去啦ps: 蝦係好食嘅，不過都幾油

新店試吓先。等得都有點耐，新店應該係會咁。吧檯位置抽氣不足，有油煙味，食兩食就感覺飽， 仲有烏蠅飛嚟飛去。準備食物位置與客人好近感覺有點不衛生。天婦羅蔬菜反而好食感覺清新，可能由於空間油器味影響。裝嘢食個盤有防滑設計，好細心。坐吧檯就見到兩個金波，原來係炸野時防止弄到客人。忘記影沖繩苦瓜天婦羅，最好食係佢，好清新。黎到先知天婦羅下面有個白飯，好大食咁，但其實份量唔多。 上菜較吸引，其實都普普通通。新店幫襯有野送，手巾仔，但張貼紙貼手巾仔爛咗。好飲呢個牌子。呢個地點開店價格自然高了點。味道來說有點差距。

呢間日本過江龍最近好多人食，今次同朋友特意來試試，平日六點左右時間等咗差唔多一個鐘就有位，店鋪唔算大，環境裝修都好日本feel，我哋兩個人食就安排坐bar枱位置，感覺都幾舒服，食物方面揀選左特選天丼定食，呢個set幾豐富下，有三隻虎蝦，海鰻半條，魷魚(當日轉左帶子），饎魚，菇，南瓜同日本雞蛋，虎蝦大大隻，炸得好鬆脆，蝦肉彈牙，帶子好鮮甜，海鰻冇骨嫩滑，雞蛋流心配飯好正飲品叫左菠蘿梳打解渴好飲整體黎講有水準，算係香港食過天婦羅店好味之一

Tempura Makino 🍤📍 沙田正街18號新城市廣場一期1樓159號舖♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎Tempura Makino日本🇯🇵人氣天婦羅進駐香港😽，之前去旅行🧳既時候，已經知道呢間天婦羅專門店係神戶好出名😁，不過果陣因為唔順路，所以冇去到。好幸運咁係沙田開店啦，仲要咁近我😂。佢地大部分既食材都係來自日本🗾，天婦羅炸得唔會好乾，同平時食開既， 確實有唔同👍🏻😆。🌟 稻庭烏冬（冷）$48呢個冷烏冬個面層會放幾粒冰，確保烏冬係凍既，而個一個筲箕既盆放上烏冬，水份可流落個底部，食落口唔會好濕。🌟 特選天丼 $178小編點餐冇為意 丼，其實係有飯😂。不過呢個丼 確實好足料，有虎蝦（3隻）、鱔魚、海鰻、魷魚、北海道舞背菇、南瓜、法國邊豆、日本雞蛋🥚。超級多野食呀😍。🌟 生蠔🦪 $30 / 1隻呢個天婦羅生蠔 確實係幾好食😋。🌟 帶子 $45 / 1隻呢個正呀，啖啖肉😆，炸粉又唔算好厚。整體推介指數：❤️❤️❤️❤️🤍♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠︎♠

日本關西過江龍即叫即製天丼、天婦羅，關西人氣天婦羅專門店於2006年，在日本兵庫縣開設首家店舖。Tempura Makino「天ぷらまきの」是日本人氣天婦羅專門店，主打手造即叫即製天婦羅。這家日本關西過江龍天婦羅，最近登陸香港！首店選址沙田新城市廣場。專程去試食當日，係平日嘅午市時間，等候時間大概45分鐘，當日分配坐位有點混亂，而且冇顧及二人、四人安排，要不時向店員詢問，而且坐位唔算多，地方唔算寬躺，想試午市定食就要早啲到，因為三點截單，直至五點先再營業。🏷Makino特選天丼定食 $178虎蝦（3隻）、鱔魚、海鰻（半條）、魷魚、北海道舞茸菇、南瓜、法國邊豆、日本雞蛋。🏷海鰻海鮮天婦羅定食 $148海鰻（半條）、魷魚、鱔魚、虎蝦、茄子、北海道舞茸菇、南瓜、法國邊豆。午市天婦羅定食有7款，價錢由$88-$178。如果鍾意海鮮類，👍推薦《Makino特選天丼定食》，基本全部都齊哂所有款式，不過價錢就係最貴，但如果唔係大胃王，我見意另加一份烏冬或蕎麥麵都足夠二人分享。海鰻海鮮天婦羅定食，虎蝦就只有一隻，其他就同特選天丼定食唔大分別，價錢親民少少。🏷雞肉天婦羅定食 $98+$20轉稻庭烏冬雞胸

今日下午去食左個穴子天婦羅set luch ，舊穴子有小小腥腥地，d油多到成張天紙都吸唔哂，舊帶子一夾起，係可以留番d帶子既水出黎，一睇就知係用急凍貨！！！下次一定唔會揀呢間食!!!!