天仁茗茶 (已結業)

今日行街街，食完魚蛋想飲翻杯野，甘啱經過天仁茗茶，就買翻杯橙茶飲下🍊宜家嘅黑糖珍珠開到成行成市都係，而且好多時飲水果茶都冇得加黑糖珍珠，加左味道又會好奇怪😑想有野飲又有野咬，揀天仁茗茶啱曬！我都幾多要求下，要杯橙茶🍊冇糖常溫加珍珠，蜂蜜珍珠同橙原本就甜，所以都唔會再加糖，仲要多茶多橙唔加水😂自己都覺得自己麻煩！不過店員都冇嫌麻煩，仲同我講解翻，茶多茶少會點樣，好有禮貌同客氣，呢樣認真值得表揚👍🏻因為唔係好多人，等左兩三分鐘就有啦，夠曬效率，雖然自己要求多多，不過完全啱曬自己口味，同米珍珠都有咬口😋

幾乎每一日都會有新嘅茶飲店開張，但我銀包就得一個，同埋聽講一杯珍珠奶茶已經係一碗飯嘅卡路里，真係唔係好敢下下都試新野㗎。今次有同事買咗呢杯913鮮奶茶，佢知道我怕甜，已經幫我叫咗微糖，913鮮奶茶同913奶茶嘅分別，就在於一個用鮮奶，一個唔係，咁溫度方面，好似係有一隻只能夠叫常溫冇得叫熱。咁其實913係咩呢， 913係一隻茶葉嘅名，都幾型呀，佢呢個名好似一個編號咁，但佢又真係幾好飲喎入口淡淡地唔會好強烈，連我朋友平時飲唔慣濃茶嘅，都接受到。

今日經過小朋友話想買嘢飲， 梗係搵間天仁茗茶開心下啦~小朋友始終要飲凍飲,, 所以我就唯order 凍 珍珠奶綠 +走冰 + 半糖 (50% ).雖然今日已經係過咗聖誕,但係佢個杯原來好特別㗎原來係可以寫埋個名上去// 或者啲特別嘅祝福語都得真係不得不讚 好細心

台灣嘅天仁茗茶同香港既天仁茗茶味道其實差唔多 價錢亦都差唔多😂😂 可能台灣有唔同台式飲品嘅選擇 所以少啲人排隊 如果香港嘅天仁茗茶都唔使排咁耐隊就好啦 應該會多啲飲😂😂其實天仁茗茶嘅茶底真係幾好飲 紅茶綠茶都幾香😂 但個人喜好係珍珠鮮奶綠 鮮芋奶綠 913紅茶😎😋👍🏻同埋天仁茗茶係有雪糕架 但係咁耐以來都未試過 如果有機會嘅下次會試吓😋🤣

每次經天仁茗茶，第一時間諗起嘅都會係佢嘅茶味雪糕🤣。天仁一共出左3款茶味嘅軟雪糕：鐵觀音🧧、阿薩姆紅茶🍂、嚴選綠茶🌱。每都只不過係$23，仲要大大枝，連Cone入面都充滿住雪糕，絕對係抵食👍🏻！其中鐵觀音係我嘅至愛，雪糕質地軟軟綿綿，每啖都食到濃濃嘅鐵觀音茶香，真係十分好食🤤。本身鐘意飲茶、又鐘意食甜品嘅人，一定要試天仁嘅茶味雪糕，你會一試便愛上❤️！講起平、靚、正嘅雪糕，一定係非佢莫屬👍🏻！

今日放假同女朋友旺角行街,路過天仁茗茶,緊係買返杯珍珠奶茶啦,排左一陣就買到,最鐘意佢茶味好重一飲就飲得出,珍珠有咬口唔會粉，而且有好多粒。比起其他台式飲品好太多,真係一分錢一分貨。

今天跟男朋友在金魚街選購，為家中的貓貓添置新玩具，走着走着也覺疲累，我便建議到天仁茗茶學一杯珍珠鮮奶綠。沒想到，我走到櫃檯前面時，便被廣告上的鐵觀音雪糕吸引了，很快便order了一客。其實這款雪糕經已推出良久，但今天還是頭一回品嚐。它的茶味非常香濃，只是口感不夠香滑，冰感很重，相信是茶葉的比例太過多，沒有足夠的牛奶，令整體不夠滑溜。不過有得必有失，鐵觀音味道濃郁，相信很多鐵觀音愛好者也會喜歡這杯雪糕的。

去了天仁茗茶，叫了一杯冰鮮榨水果綠，要少冰，7分甜。📝📝📝這杯要31元。🍸🍸🍸冰鮮榨水果綠有酸酸的橙味，好像有一點兒檸檬味...……………....至於有沒有其他水果，我就不太飲得出來。但的確每一口都好有綠茶味。👍👍👍👍😍😍😍😳😌😀本來以為會跟其他台灣飲品店一樣，但天仁茗茶好似真是不一樣的。飲料是綠色的，我猜，應該就是天仁茗茶的茶夠濃，所以連飲料的顏色都偏向綠茶的綠色。

我係天仁茗茶的913珍珠奶茶忠實fans，每次去天仁茗茶都必定飲佢。最欣賞佢913茶有香濃嘅茶味，配合鮮奶一齊飲，既有茶味又有奶味，兩者配合得非常好👍🏻不過旺角呢間分店長期都要排隊，所以落單加拎到杯嘢都需要一啲時間🤦🏻‍♀️不過我每次都會為左杯913奶茶而排隊😎

今次唔係經過 特燈行過尼買杯珍珠奶茶 飲開係少甜少冰 飲到悶曬 今次試左洛神花茶 酸度岩岩好 如果唔太飲到酸既可以唔洗叫少冰 食飯前飲好開胃 又唔係等左好耐 下次都會再同朋友尼飲

阿蕯姆霜淇淋🍦 Assam Black Tea Ice Cream💰HKD 23-係性價比超高嘅雪糕🍦，好味扺食仲大大支😆，無諗過天仁茗茶嘅雪糕有咁高水準！本來係想試鐵觀音味，點知得返紅茶味，但都超有驚喜！😍雪糕嘅紅茶味突出，但唔會完全蓋過雪糕應有嘅陣陣奶香🥛，雪糕嘅質感幼滑，口感豐富仲有少少紅茶嘅回甘味，佢亦唔會太甜！值得一提嘅係佢嘅雪糕筒係窩夫筒，香脆嘅cone加埋軟滑嘅紅茶☕️雪糕完全係味覺嘅享受😋An amazing treat for us to enjoy during the heat. If you’re a black tea lover with a sweet tooth, this ice cream is a perfect combo for your. ❤️The base of this ice cream is black tea-infused heavy whipping cream. You might be able to taste the unique malty or even smoky flavour.😜

午餐去左天仁茗茶買外賣，本身想食雪糕，但見佢啱啱開，好忙下，所以都係叫返飲品！我見天仁茗茶新岀左新產品，好似依家好流行既黑糖系列：913黑糖珍珠鮮奶茶！我不嬲覺得913奶茶幾好飲，有少少心動 但見佢$28一杯又係新產品，唔知好唔好飲之際～ 同事話飲過唔好飲，所以打消左念頭🙈 我叫反招牌珍珠奶茶！天仁茗茶既珍珠奶茶算幾隱定水準，而且係同款黎講，相比其他珍珠奶茶舖價錢平啲，所以性價比都幾高～ 珍珠好彈牙，唔會煮得好軟身，奶茶味好岀，我飲正常冰正常糖，都飲到濃茶味，幾好👍🏻👍🏻

一D茶味都無，好怪，我又吾係叫黑糖珍珠鮮奶，我係要黑糖珍珠鮮奶茶但最奇怪係連黑糖味都無我叫既係凍飲，但杯野係暖既，我又無叫小冰，完全吾知飲緊咩，飲左兩啖就掉左真心覺得吾好用28蚊買哩抔野吾想大家買黎試，試都無謂用20蚊去買杯普通珍珠奶茶好過，8蚊仲可以食串魚蛋哩間野愈開愈多，但就愈黎愈難飲。

天仁茗茶既分店開到周圍都係，本身係一件好事，因為可以好易就買到黎飲，不過與此同時，佢既質素又到底保唔保持到呢？一向叫開913奶茶，茶濃加珍珠。以前鍾意飲天仁茗茶既主要原因就係可以選擇茶濃，不過依家似乎店員都無視左呢個要求，茶味已經不及以前！另外，落單後等左好一陣子都見未有，但就見到有幾杯飲品擺左喺counter, 原來店員沖好茶後只擺counter 而無叫號碼，未知係另一位店員負責定係咩原因，最後我就自己拎左屬於自己既奶茶離開。

老公話天氣熱，想食雪糕，我減緊肥㗎嘛，拒絕左老公兩次之後，老公仍然向住天仁茗茶嘅方向行，一路行一路係咁話好味又唔肥⋯⋯率之我敗陣了🙈呢個係鐡觀音雪糕，真係冇其他地方有呢個味，你以為佢苦苦地，又唔係😏係有一陣鐵觀音茶香味，又唔太甜，感覺冇咁罪惡🤣🤣🤣又滑，又唔覺有奶味，總之係非常好味，肥唔肥就真係唔知喇，不過咁特別嘅味道又確係值得一試👍🏻👍🏻👍🏻不過我覺得冬天食好D，冇咁快溶🤣🤣🤣