天仁茗茶 (已結業)

趕上買一送一嘅尾巴，試下新嘅夏日凍飲🍸百香鮮橙綠茶|少糖去冰|加珍珠 $38百香果味好香好重，百香果嘅粒粒增加咗成杯野飲嘅口感層次🤤相對鮮橙嘅味道冇咁重，淡淡嘅橙香同甜，配埋珍珠，真係幾夾😬兩個人飲，一個話酸度岩岩好，一個話酸咗d，都係試下先實際🤣🤣🤣

呢間位於誠品入邊嘅天仁奶茶，平時星期六嘅晏晝係要大排長龍，排半個鐘都不誇張，但係我又會甘心去排，因為係誠品睇書，打下書釘， 企企下都會覺得口渴。叫咗珍珠鮮奶茶少甜小冰，以前都曾經鍾意過人普通嘅珍珠奶茶，但係自從知道咗係用奶精未沖，就覺得好唔健康，於是就轉左飲鮮奶茶。真係覺得味道係比較純粹天然嘅，珍珠唔會太甜，軟硬適中，真係好鍾意咬下嘅口感。留意到上個禮拜依間連鎖奶茶店有做優惠，叫少甜就會減兩蚊，但係當時嘅人龍仲誇張過平時，所以都作罷。

天仁一向係我嘅首選 因為貪佢質素夠穩定同埋珍珠好食 換為佢啲珍珠用蜜糖浸 同埋煮得岩岩好 好好咬 我最鐘意嗌嘅係913鮮奶茶加珍珠 913有人參味 加埋珍珠中和味道岩岩好 夏天飲真係消暑一流呀

天仁茗茶既奶茶，奶綠係受大眾歡迎既飲料😍去銅鑼灣行誠品行到夜一夜經過天仁茗茶，都已經聞到啲茶香🤤，畢竟係賣茶葉出身，😊忍唔住同朋友幾個一齊叫左黎飲🤤, 不過都夜晚，今次就冇飲珍珠奶茶，決定飲珍珠鮮奶綠😋🥤 其實最中意都係珍珠😍😍朋友們就飲913茶王，但我都係鍾情於珍珠鮮奶綠😂試左幾啖朋友叫既913茶王，em…自己就覺得唔太特別，只係普通茶味😅 反而當我杯珍珠鮮奶綠到，忍唔住即飲🤣，朋友都試，都覺得我杯鮮奶綠好飲過913茶王😂🤩珍珠咬感適中👍，而且奶味十足😋，唔會話好大茶味，始終怕如果叫奶茶夜晚訓唔著🙄

一年幾前就係呢間鋪頭嘅珍珠奶綠令我鍾意左飲奶綠🤤鍾意佢d珍珠質感同甜度都係啱啱好😍價錢同一般手作飲品店嚟比較算係好平 夏日炎炎買到一杯嚟飲真係好滿足 不過略嫌weekend多人個陣出杯速度偏慢

食完飯想飲杯嘢，朋友就推介話飲天仁茗茶，因為佢話有個選擇係特別好飲嘅。我一向飲天仁茗茶都係揀913茶王，好少會飲其他味嘅。既然佢話特別好飲，我就比面佢試下啦。佢就幫我叫咗913鮮奶茶茶濃少甜走冰，我飲第一啖就覺得真係幾好飲，奶味和茶味平衡得幾好，兩樣嘢不會邊個搶曬風頭，融合得天衣無縫，飲落幾香，幾清新。果然無介紹錯！下次飲天仁茗茶，這個選擇就是首選！

記得天仁茗茶啱啱喺香港開嘅時候，條隊起碼都要排半粒鍾先買到一杯天仁茗茶嗰個去誠品唔係為咗買書，而係去天仁茗茶朝聖作為台灣茶界嘅先驅，天仁茗茶嘅飲品可以話係質素嘅保證小妹最鍾意飲天仁茗茶嘅蜂蜜綠茶探佢嘅蜂蜜味好天然，健康得來又好飲<蜂蜜綠茶$16>好耐冇飲啦，黎開誠品買書特登上去上去買杯天仁茗茶飲依舊都係叫返蜂蜜綠茶，而家因為天日名茶有好多分店，所以銅鑼灣誠品老店條龍都冇咁長，排咗一陣就得到杯綠茶啦蜂蜜綠茶嘅蜂蜜味依然好天然，但係茶味就好似淡左少少啦不過$16一杯咁樣嘅質素都算唔錯嘅

「唔該，一杯熱珍珠奶茶，微糖」通常一到天仁茗茶，這句熟能生巧的對白，就會不自然地出現天仁茗茶嘅珍珠奶茶，茶底十分出色珍珠QQ，不會太硬，不會太軟今次可能是平日的緣故，等待的時間不是很久

鍾意聞書香而少有地睇晒成本書，因為成日睇到一半，已經自我參透後半部分會講咩，已經冇恆心去完成一本書。這是一個壞習慣，所以屋企嘅書都係揭至一半就擺到封塵，從此以後屋企人就唔鍾意我再買任何書籍。我唯有周不時到書店打打座，聞聞書香。上誠本，呢到嘅書香已經被茶香掩蓋。改不了的來杯嘢飲先～喺香港算係最初有嘅幾間外賣茶飲店中，所剩的幾間之一了，一路求發展，一路轉變，迎合港人的口味，又要與世競爭，天仁算係做得出色，keep住有一班追隨者。如果鍾意甜啲，可以揀黑糖珍珠鮮奶茶，比較甜，奶味香濃，有啲蓋過咗啲茶味，珍珠都係比較硬身些少。普通珍珠奶茶就比較淡啲，茶味相對濃，冇乜奶味。

平時得閒鍾意天仁茗茶買珍珠奶綠同洛神花冰茶。珍珠奶綠基本上，是必定要試的，我就鍾意叫小甜或微甜，正常甜度對我來說太甜啦。洛神花冰茶就酸酸甜甜，非常解渴，而且顏色非常吸引是紅色的。

係台灣試過後就愛上了,係香港都時不時幫襯,通常會叫珍珠奶茶或913,雖然常常都有人龍,但通常落order後十分鐘內就有得飲!我覺得茶味好夠但又唔苦,奶香味濃但又唔太甜,總之就茶奶配搭恰到好處,珍珠又彈牙,正呀!

呢間係大家強烈要求嘅天仁呀！係終極老牌天仁呀！其實去到先發現唔係純淨牛奶底嘅黑糖珍珠，#九一三黑糖珍珠奶茶 $28，原來係有茶底嘅奶，咁即係奶茶啦，咁樣去比較好似唔太公平 🤡 佢嘅九一三茶王拉左唔少分，的確真係好香，冇左茶杯野應該係 0 😂 奶味好明顯冇乜，主要都係茶底濃，茶黎講其實就好平架姐，成杯嘅成本低左好多，所以賣 $28 其實算貴，而黑糖珍珠黎講就真係好唔得，一啲黑糖味都冇，如圖啲珍珠係爛哂淋哂，真係唔好飲，專心搞返茶算數啦，冇氣講太多廢話，一句講哂，真係唔飲唔鬆化 💕-天仁茗茶

 誠品最出名唔係書,係天仁長期都有人排隊買飲品今次試菊花普洱茶蜂蜜綠茶$20一杯總共$40大約5分鐘就可以取飲品先講菊花普洱茶菊花味淡,太過苦澀,泡茶時間太久沒有茶香味,不推薦之作蜂蜜綠茶標準 $20綠茶味清香,蜂蜜甜味突出果然係店家招牌之作價錢合理,款式多,比起好多過江龍水準都要好銅鑼灣軒尼詩道500號希慎廣場10樓誠品書店SK01 專櫃eslite, 10/F, Hysan Place, 500 Hennessy Road, Causeway Bay港鐵銅鑼灣站 F2 出口

天仁茗茶，我好鐘意佢嘅茶味，一開嘅時候，都好好生意，長期打蛇餅。初初開嘅時候，都有排隊買過黎飲，我多數都買珍珠奶茶/913奶茶加珍珠。當時味道係唔錯嘅，都會想一買再買。今次難得冇咁多人，即刻買杯吊下引，不過等左我都好耐下，咁我照舊叫返杯913珍珠奶茶飲，仲要加濃味，味道吾錯，濃茶更是我最愛。😍😍😍😍😍仲有啲珍珠都ok，都幾彈👍平時去開上水飲，不過嗰間茶味略為淡左少少，所以呢間值得再試。

最初我以為自己飲開有感情所以成日覺得銅鑼灣誠品十樓間天仁最好味，點解同十個講個個都話「係呀」。原來係一個大家都知嘅事實！去到任何一間我都只會叫奶綠半糖，比較好容易分辯出唔同味，有啲分店奶多茶少，有啲半糖都太甜… 港九我試過起碼五間，最後都只會翻頭幫襯銅鑼灣這間（雖然呢間都試過失手，但算少數出錯）。茶香而奶粉不濃未有搶茶味，就算多人都夠熱無求奇。銅鑼灣開多咗台奶店後樓上人龍比以往少了，對飲basic 的人黎講是一大喜訊！而且天仁比較抵飲…