天天素食

营业中

休息中

回家經過此地見有數名婆婆在櫃檯前指指點點買素食好奇心驅使下走了過去看看有沒有什麼好吃的見有一盤並不顯眼的餅 - 蒝荽餅11元有2件與媽媽從來也沒有吃過於是買來試試有原味及蓮蓉兩種每樣要了一件上巴士後與媽媽開始品嚐餅是硬硬的有著一種草的氣味吃進口草味消失換來的是甜甜的味道第一次吃不知道餅身是不是應該硬硬的不過與媽媽都認為不是太好食而且11元2件有點貴.....媽媽吃了半件就放棄了我吃了一整個很飽肚啊.....

到附近覆診後，到這兒買些素食，只因為今天是十五。買了盒「羅漢齋」（$15）和「雜錦齋滷味」（$15），以些價錢，味道是不俗，份量亦然，唯味精和油膩感係一大問題。

某日夜晚經過見到有件齋雞,好想試下，所以買左件試下。點知食落去陣味好怪, 仲有d反胃既感覺，由於口痕又唔想哂錢，頂硬上繼續食，但係食到一半都忍唔住停口喇，過左陣個肚仲好唔舒服.....

老公開OT, 我唯有獨自一人先返家...食完朝早既蛋治, muffin, 檸蜜脆脆...full of butter! 想食清一點....又唔想行去妙法齋(太遠了), 於是在此處買了個羅漢三菇粥, $10! 回家後, 叮熱了....粥底算綿, 加了一些腐竹, 內裡既三菇, 我只分到一種- 冬菇, 份量夠, 不過, 還是粟米粥比較好食!

尋日經過..買左2件紫米糕同1個擂沙湯圓..紫米糕:不嬲都好鍾意食.不過尋日一試.覺得冇以前咁好味.水準好似下降左少少..擂沙湯圓:第一次食.本來唔奇望會好食得去邊.點知食落又幾驚喜.出乎意料幾好味.個糯米皮唔會太厚.軟硬息中.一咬落去又有好多芝麻餡.正!

Happy Friday 掃街之行，路過此店見有我既最愛擂沙湯圓賣，即刻整番件一試，一咬落口，失望．．．．食唔到餡之餘，個皮仲又硬又實．兩啖後，終於食到ｄ餡，失望．．．．d餡味道唔差，但死實實咁，擂沙湯圓餡唔係應該有少少流沙質地？又浪費左個quota......

食過呢度的食物好多次，都係癮起就會幫襯。點心overall都好味，大大件好飽肚。菊花茶同豆漿都是來貨，但水準ok。服務都好好，店員很有禮貌

今日放學行過就買十蚊三件黎做下下午茶。買左鹹既糯米卷、酸既沙律卷同埋甜既芝麻卷。糯米卷d糯米本身有味, 入面卷住好幼既甘荀同齋火腿各一條, 出面用紫菜包住再有一層薄薄地炸過既脆漿響出面, 口感幾好! 即使我買果陣凍晒, 糯米仲好煙韌, 炸既外皮唔會太油。沙律卷都係炸既, 不過買果陣又係凍晒架啦, 有菠蘿、粟米同甘荀, 加埋沙律醬做餡, 幾開胃, 不過沙律醬多左少少有d"漏"。芝麻卷不過不失, 味道ok。十蚊三件有呢個水準算唔錯啦!!!^^ 而且都幾多款!不過我比較建議揀兩件咸一件甜//酸既點心, 好似我今次咁, 食完沙律卷又要芝麻卷, 覺得有少少"漏"。

早幾日同朋友仔去荃灣佢同我都好鍾意食糯米磁專登黎買擂沙湯圓俾佢試下而家已經加左價喇以前10蚊4件點心而家變到10蚊得3件我地要左擂沙湯圓同佢最愛既白糖糕擂沙湯圓水準差唔多仍然皮薄餡多但今次好似甜左少少而且外層既綠豆粉比以前少左不過最唔得係白糖糕我試左少少一d甜味都未食到就已經酸到我忍唔住即係吐番出黎

朝早食完一大盒素點心,夜晚去荃灣比尾數時又想食,南豐中心呢間素食店都開左好多年,質素應該ok啦,唔係點可以開咁耐??夜晚六點幾都仲有好多點心款式,不過今次想買d飯後甜品,雖然有幾多選擇,不過都係對呢幾有興趣多d:芝麻卷:黑色菲林筒口感都算軟滑,但唔夠芝麻味,無左個種濃香感覺,唔算太好。紅豆卷:質感好軟,口感好好,紅豆蓉唔太甜又幾多,個人幾鐘意呢款。擂沙湯圓:湯圓好軟但煙un,口感好好;入面芝麻餡好多好香,真係好得手!! 呢個值得推介!!揀點心時見到有半隻齋雞,外型又幾得意,不過無打算試呢隻"雞"。

行完街街肚餓又黎買心掛掛既擂沙湯圓雖然今日好多人幫襯又只係得阿姐一個但佢對個個客都好細心咁答佢地既問題抵讚另一抵讚係佢而家有牌標明每樣食物既價錢甜品10蚊4件/5蚊2件/3.5一件點心就10蚊3件講番個湯圓質素又好番喇皮薄又煙韌餡料多又甜度適中正!比起好多酒樓做得好!

前幾日行過買左件擂沙湯圓本來打算拎番屋企整熱先食但因為太吸引(我好鍾意食湯圓架)忍唔住凍冰冰照食雖然無叮熱到但仍然好食甜度適中但個皮就比以前厚左少少無以前咁好食10蚊有4件不過單買一件要3.5

前言：到此處轉車，故亂買些食物裹腹。酷愛糯米糍的我，買了四件糯米糍（十元四件）和一盒雜錦齋鹵味（$15/細盒）。食物和評語： 1. 甜點心（十元四件）：選了兩粒‘香竽椰絲紫糯米糍’是以紫米作粉糰，以竽蓉作餡料，甜度適中，竽頭味濃。至於另一款‘擂沙糯米糍’味道一般而已，表面的綠豆黃豆粉略嫌不足，以致賣相都好一般！但一試無妨。 2. 雜錦齋鹵味：內有素叉燒、素鮑魚、咖哩齋、豉油齋、酸齋。其中，以素叉燒和素鮑魚較少油，其餘則過於油膩，影響口感。註： a. 就糯米糍的粉糰而言，此店的出品已經叫「不過不失」。但跟「百事x 餅店」或「大阪x 包」相比，又似乎略乾和不夠彈性（不夠QQ 的！）。

記得以前的咸甜點心是$10有4件, 但現在好似要逐件計, 小妹最鍾意食紫米糕, 馬豆糕, 雪凍食透心涼, 食完又唔會增肥, 茶果味道都唔錯, 其餘小食如齋鹵味就普通啦。