影片
港铁牛头角站 B5 出口, 步行约7分钟
继续阅读
电话号码
98868501
营业时间
今日营业
08:00 - 18:00
星期一至六
08:00 - 18:00
星期日
全日休息
以上资料只供参考，请与餐厅确认详情
去開毅力，發現呢間手工餃子店，見佢下午茶餐勁抵，六粒餃子加小食加飲品，都只是hk$50.餃子有9款可選，本來想揀西洋菜鮮肉餃子，但店員話呢款好受歡迎一早賣晒，咁我唯有揀左椰菜鮮肉餃，小食就揀左醉雞翼，飲品凍檸茶⋯⋯轉凍飲都唔洗加錢👍餃子大大隻，餡料食得出好新鮮，椰菜好爽甜👍跟餐小食醉雞翼竟然有4大隻中翼，而且非常入味，4隻排在盒中每隻仲各放一粒杞子做裝飾，我連4粒杞子都食埋，呢個好驚喜個餐份量不少，食完好飽好滿足下次再經過都一定會再幫襯
继续阅读
依排悶到飯都唔想食，就轉去食餃子喺觀塘食過幾間，試到依間覺覺得幾岩心水西洋菜餃真係食到西洋菜味，唔會全肥糕，算大隻同埋皮薄外賣盒包裝都做得好好，攞返公司食，完全唔會漏同埋老細同收銀姐姐都好有禮貌+人情味希望佢地愈做愈好今次自己有盒去裝，下午茶餐，6隻餃子+4隻中雞翼+杯熱檸水$50 好飽好抵食支持🫰🏻
继续阅读
😋觀塘打工仔外賣推介超大隻😍😍😍入面超多餡料🥩肉餡新鮮有口感👍🏻👍🏻皮又薄🎃咖喱南瓜鮮肉餃必試推介，加入左南瓜🥹🥹令到成隻餃子好鮮甜好正🥟韭菜鮮肉餃煎餃一定係揀韭菜餃😋😋好香食唔停口🫚蓮藕鮮肉餃🥬西洋菜鮮肉餃💓$42 有8 隻可雙拼 或揀 半煎餃｜半湯餃🍲湯餃可跟紫菜湯 或 古法魚肚准山湯🍜另外可以加$10 配出前一丁/幼麵/粗麵➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ 好味指數：😋😋😋😋😋回頭指數：💖💖💖💖💖🔖 天天餃子 (觀塘)觀塘觀塘道396號毅力工業中心地下G3號舖#lifeistooshortforbadfood#hkfood#香港好去處#食好西#foodiehk#吃貨#打卡#hkfoodblog#hongkongfood#hkfoodieblogger#hkfoodie#hkfoodshare#香港美食#香港旅行#香港打卡#香港美食指南#香港必吃 #香港必食#觀塘好去處 #觀塘美食#觀塘#餃子#煎餃#外賣#觀塘外賣#打工仔
继续阅读
最近發現公司樓下新開咗呢間「天天餃子」外賣小店，小店位於觀塘觀塘道396號毅力工業中心地下G3號舖，門面橙色為主，十分搶眼非常吸睛。小店內更設有少量位置供客人立食。除了主打餃子，更有各款小食、涼拌及飯等。亦設有早餐及下午茶餐。另外，更有各款不同健康飲料。餃子共有七款口味，可加配各款麵底，亦可淨食。淨食更可選擇放湯或香煎，或者半湯半煎。今次試左半湯半煎，餃子皮夠薄又煙靭，而餡料十分飽滿。今次試了香菇木耳餃及韮菜鮮肉餃，兩款餃子餡料本身味道比較濃，本人覺得調味適中，沒有很重味精味，所以可以品嚐到食材嘅原味。而湯底方面有紫菜湯及古法魚肚淮山湯兩款供選擇。我選了魚湯，本人尤推薦呢款魚湯超香濃，我全部飲清，值得一試。涼拌窩筍絲（$20），本人就覺得較清淡，味道不太濃，夏天小菜。
继续阅读
今日勁忙，同個拍檔一個唔覺意就過咗食晏時段不過錯有錯著，我哋食到一間之前冇食過嘅餃子外賣店間舖響觀塘「毅力工業中心」果度唔駛上樓，行行吓就會見到搶眼嘅橙色舖面我哋叫咗「韭菜鮮肉餃」同埋「粟米鮮肉餃」呢兩款都係煎餃嚟仲有兩款湯餃「西洋菜鮮肉餃」同埋「蓮藕鮮肉餃」湯餃仲跟埋個「古法魚肚淮山湯」添先講一講呢四款餃子佢呢度嘅煎餃全部都係即叫即煎嘅所以一定係好香脆「韭菜鮮肉餃」嘅韭菜味好搶而「粟米鮮肉餃」就夠哂香甜兩款煎餃嘅味覺衝擊雖然睇落截然不同但係其實呢兩款餃子係夾嘅而另外兩款湯餃，我哋響完全唔係西洋菜時令嘅季節反其道而行揀咗食「西洋菜鮮肉餃」食落有少少清新嘅甜味同埋完全唔見苦澀味另外「蓮藕鮮肉餃」口感一流，甘甜鮮美整體嚟講，呢四款餃都係好味，係視乎你個人喜歡煎餃定係湯餃除咗餃子之外，我哋仲叫咗啲小食一份「鹵水豬腸」同一份「鹵水腩肉」簡單嚟講，我係幾鍾意我好欣賞呢度嘅鹵味夠味入味但唔會過火食完兩份鹵水，我哋都一致同意完全冇出現死鹹嘅情況嗌多兩杯凍飲，總數都係$138人均唔駛$70，就可以食到一餐高質嘅餃子我哋都覺得下次要繼續支持學拍檔話齋下次早少少打定電話嚟落單落到嚟就即拎即走慳番啲時間食完飯抖吓打舖機好過啦
继续阅读