天奴豬扒外賣

营业中

休息中

元朗必食天奴豬扒飯，相信都唔使多介紹，今次我都係嗌佢嘅外賣，茄子豬扒飯！茄子一如以往咁大，加上大大塊嘅豬扒同埋一隻半熟煎蛋，再配上黑椒汁，送飯一流，價錢又平，真係大份夾抵食呀！想平平哋食好食嘅豬扒飯嘅話，就一定要幫襯啦！

其實呢間嘢呢喺元朗之前嘅好出名㗎，真係由細食到大，唔知咩原因前嗰排佢執咗笠，最近就喺元朗雞地開返，開返嘅係外賣店，佢開淨喺開心豬扒飯隔離，當然有咁嘅自信係一定有返咁樣嘅實力㗎啦，咁其實佢豬扒飯呢嘅精髓係茄子，佢條茄子真係出色，個個朋友食完都係講條茄子豬扒都唔夠茄子黎，同埋唔好睇佢鋪仔細細，佢入邊都好多個員工，所以出餐都唔算慢，呢間嘢嘅豬扒都出色，所以有陣時會食吓開心豬扒，有陣時都會食下天奴豬扒。元朗必食豬扒飯頭三

以前天奴係一間有得坐嘅茶餐廳放假有時會去食吓早餐/午飯最出名係焗豬扒飯 但佢其他煎豬扒/雞扒都做得好出色 佢之前結業後時不時會諗起佢嘅飯知道佢重出江湖 點都要再黎食吓不過今次就不設座位 只限外賣🍂黑椒雞扒煎蛋飯黑椒汁另上 帶有辣勁 唔算杰身雞扒煎得啱啱好少燶邊配菜茄子世一 煎完後腍腍地咁 又唔會太索油🍂蒜蓉汁豬扒蛋意粉 豬扒好juicy 而且好大塊 亦都係煎到好香口可惜意粉麻麻都係配飯比較好🍂凍檸茶 凍奶茶凍檸茶個茶底同以前一樣咁香濃 跟飯都只係加$3

下午茶餐，沒有堂食只有外賣，主打嘅豬扒好大塊，吉列即炸，香脆jucy好味😋，薯條就比較普通。等候時間唔太耐，價錢可接受，可以平啲更加好😅，下次會再試其他餐。