天恩健康素食 (已結業)

早幾日同朋友去荃灣，朋友帶咗我去食天恩了。初時企係門口等位，心諗點解好似去咗大學飯堂咁心我地叫是日飯餐，真正的四餸一湯，飯就任裝先講個自家製無味精湯，係南瓜湯，超好飲啲飯有紅米食同薑飯任君選擇，我就特別鐘意薑飯，好夠薑，食後另人好開胃四個餸包括：生菜、薯仔煮肉碎、豆角炒肉片、煎芽帶魚頭兩味都冇咩特別，當場係好味啦最另我驚喜係炒肉片的肉片真係做個好似，食落去仲好有豬肉味而芽帶魚個外型係睇唔出唔係真芽帶魚，咬落去果時連一層層魚肉嘅口感都做到出黎，而個味道就鹹鹹地，唔講都唔記得自己係食緊齋四個餸都好好送飯，絕對可以食到兩碗。不過由於等位的人太多，通常ｄ人食完就走，唔好意思坐得耐行開荃灣一定要去試下

我好鐘意去港式嘅素食店，主因並吾係抵食，有係個種窩心。你吾會擔心食吾飽，吾會聽到粗口劃飛，吾會食到吾衛生嘅食物。每個人都靜心享受飯菜，店員辛勤咁工作。有時之間又會閒話家常，講下宜家D冇基因改造嘅黃豆幾貴，今日咩菜靚。菜色難登大雅之堂，但一定用心烹煮，健康好味。我就寧願係庶民飯堂享受Comfort Food，都不願係連鎖快餐店捱味精餐啦～　常日都好想去荃灣食飯，因夠多素食店可選擇，今日終於有機會！11點半去到，新一代已滿座，於是到天恩試試～乖乖揾位坐低，店員就即刻走嚟問食D咩。望望餐牌，全是簡單家常菜，當中亦冇嘢我吾想食，於是向店員指要全套餐。然後同其它素食店一樣，乖乖地出去攞餐具同主食。呢間小店不設任添湯水，可不要（平幾砇），亦可再加錢再添。主食則有紅米飯，紅米薑飯，粥。第一次先要左粥，見到有用少少腐竹同冬菇煮。回到座位，阿姐已經拎住餸菜同湯水嚟。謝過後，忍吾住立即試試：新鮮時菜：本人慣食少油菜，因此覺得略為油膩。豆角鮮菇：同樣為蔬菜，但明顯較生菜少油，菇則是雞脾菇。西芹什錦：本身吾知什錦有素肉，但幸好數量不多，且素火腿添加嘅味道不太濃，感覺不錯。梅菜蒸素脯：吾太清楚咩係素脯，上網查先

是日放工, 青蛙又相約了媽媽在荃灣開飯。但礙於每次都是吃紅薯粉, 今次決定轉一轉口味-- 吃素!!經過《天恩健康素食》, 看見食客頗多, 於是決定一試。青蛙跟媽媽各要了一個白飯、白粥及薑飯任食的四餸套餐,因為觀察到這款有比較多食客點了。轉眼間, 食物就上桌, 不過賣相一般~合掌瓜湯: 清甜, 用料十足, 不俗。灼油麥菜: 由於是白灼, 所以就是菜原有的味道, 但不過火, 仍爽脆。節瓜木耳片: 木耳失蹤, 節瓜夠腍又夠味。銀芽三絲: 爽口但偏咸。粟米蓉豆腐: 比較清淡的一款, 略嫌豆腐太大舊, 若切粒會比較易伴飯吃。白粥: 非常香綿, 媽媽忍不住吃了兩碗。薑飯: 薑味夠, 帶點糙米, 感覺更健康。偶爾吃一頓素菜感覺都不錯,可以清一清腸胃, 向更多美味的食物進攻 ^^

上回提到，我去了荃灣看醫生，誤打誤撞撞到入來地鐵站附近的其中一個舊式商場，於是就給我發現在芸芸時裝飾物店之中，竟然已經有兩家素食餐廳和一家素食材料店！這家天恩健康素食是其中一家。此家庭式素食店裝修欠奉，就像家附近的那些街坊式素食館一樣。這裡已有 set 好了的套餐，想吃些什麼小食的他們也有提供。反正也要吃晚飯，便叫了個四餸餐（$34），包一碗湯、飯（紅白米飯、薑飯）或粥任裝。是日例湯是五指毛桃椰子湯，甜美無味精，飯我則選了市面很少見的薑飯，我初時想出去𢳂飯的時候發覺已經沒有了（可想而知它有多受歡迎），好在老闆娘很快已添加，於是我就有新鮮熱辣又香噴噴的薑飯吃了。至於那四款素菜（款式見圖，菜式天天不同），味道就一般般啦，也不太夠熱。不過單是吃那個飯和湯我覺得也值回票價。