天然甜品

营业中

休息中

嗰日同一班朋友去呢間甜品食，選擇多不過都唔係咁好食，都唔緊要。但佢服務態度真係差到立刻走咗。我哋嗰陣一路傾計一路食嘢，個男老闆好惡咁話依度唔係俾你地玩遊戲嘅地方，我哋係做生意嘅唔好咁大聲。咁每個客人入嚟係咪淨係可以食嘢唔可以傾計？仲要明明成間鋪裏面得我地一班人，本身同個朋友食甜品慶祝生日即刻冇晒心情買單走人。超嬲！個老闆好似唔憂做唔想做你生意咁，食甜品都係想放鬆下休息下，結果俾人激番轉頭，以後都唔會再去！

基本上每次入長洲都係衝着佢同甘永泰而嚟呢間甜品真係不得了佢嘅芒果甜品我認為係香港數一數二嘅 同一般街邊嘅芒果糯米糍真係冇得比無論係芒果糯米糍, 桂花芒果卷, 雪凍, 芒果湯圓, 海藻芒果卷總之全部都好好味, 而且係出邊係唔會搵得返今次餐後帶兩個小朋友嚟食, 佢哋揀咗三色雪糕, 我就要咗桂花芒果卷同芒果糯米糍😁桂花芒果卷係用有桂花香味嘅蒟蒻包住新鮮芒果肉, 口感特別唔再講, 外皮有美味嘅甜味加上桂花嘅清甜, 加上來陳新鮮芒果嘅味道, 簡直一絕😍

呢個係真真正正長洲先食到，並唔係一般坊間的普通長洲糯米糍咁！1️⃣桂花芒果卷$10，爽滑既桂花外皮，包住香甜芒果（唔係勁濃既芒果，不過咁平仲想點）。 2️⃣海藻芒果卷$10，海藻外皮，其實咁多年都唔明點解個皮叫海藻，無海藻味的，爽爽甜甜咁，唔知咩祕製野，好味。3️⃣香芒湯圓奶凍$28，香芒湯圓，同平時見到既好唔同，並唔係用糯米做外皮，而係大菜整既芒果圓子，爽爽脆脆。/其實由我中二第一次去長洲後，每次去都會再食呢間天然甜品，雖然地方好迫，又唔夠凍，但實在太好味，第二度食唔到。

5月中，趁天氣仲未熱到出唔到街，去長洲青春踩車一下6:00pm交車前，去*天然*吃個甜品解吓暑先~5:15pm左右入到去，有一班當地學生，同3、4個街坊幫襯見佢地點豆腐花多食嘢期間，店員同客人講湊仔經，可見小店作風，同街坊好熟好warm呀~其他甜品款式眾多，傳統同新穎甜品都有不過我哋想健康啲，於是都係揀水果系列餐牌都分門別類好，雖然好多款但係都好易搵到心水由於我哋都aim at水果，所以最後揀了香芒湯圓什果椰汁西米露除了面頭水果，下面仲有好多ga~有好多夏天水果：西果、蜜瓜、哈蜜瓜、芒果、火龍果...椰汁同西米份量都夠2人吃成豌都夠凍的香芒湯圓就係呢粒：透明外表包有芒果心入口好似潮式清心丸，爽口嘅，唔係好似珍珠煙un嘅~一碗都有4、5粒，好特別呢間人情小店，客人絡繹不絕在店上食嘢期間，不斷有人買外賣而且當我哋喺度自言自語上網搵緊船期時，有個後生女店員聽到，佢好nice即刻講得出有班船係6:20pm開仲快過我哋上網搵

來到長洲最後一日，一招就租架三輪單車踩，唔踩單車都唔知長洲原來都咁多地方去，強烈建議你長洲要租架單車踩，特別係夏天，流少好多汗，人都舒服啲踩咗半日單車，食完個午飯，有咩做好?咪又係食糖水囉，今次嚟到呢間，相信好多人都食過，叫天然 喺呢個流行健康嘅世代，呢間叫天然嘅糖水舖，個名真係改得好好，係人食糖水都想食得健康啲，唔好有咁多罪惡感。一入到去，店舖嘅面積唔算大，乾淨企理，冷氣夠涷， 見到個menu 真係樣樣嘢都想食，我最鍾意食嘅糖水，係芒果同椰子，我睇到有一個芒果椰子冰 唔使講我至愛，出咗呢個芒果椰子冰之外，我哋仲叫咗一個雪糕湯圓楊支甘露，同埋一個奶凍，仲有芒果同榴槤糯米糍。首先講囉米糍，芒果維持一貫嘅水準，夠甜，皮唔算好厚 ， 另外榴槤糯米糍令我喜出望外，榴槤肉非常多 榴槤夠cream，不過真係一個起兩個止，食多會漏。跟住就係雪糕湯圓楊枝甘露，個雪糕係芒果雪糕嚟 但食落去個芒果味唔係好夠， 另外佢嘅湯圓唔係我哋一般所認識屋企食到阿媽整嗰啲湯圓， 啲湯圓咬落去，大菜糕嘅口感，同我想像嘅湯圓有啲落差，另外個楊枝甘露，可以再凍啲就更加好。最後係我嘅至愛芒果椰子冰，呢個真係唔使講嘢 夠凍有椰子

今日同男朋友入長洲，除左食有名既芒果🥭糯米糍，魚蛋之外，都仲有好多好東西可以食。呢個甜品店，每次泥長洲都會過泥食。因為天然又吾甜，而且用料都好足。重點價錢吾會好貴！甜品選擇好多，真係眼花撩亂，每次我都揀好耐，好多野想食想試鮮果雪凍黑糯米:都算好大碗，鮮果有西瓜🍉哈密瓜🍈火龍果，芒果🥭。見到網上人地推薦呢度既雪凍。雪凍其實係雪米糍，店主係外面自己加一層脆皮花生朱古力，變做一種特別既甜品，值得一試既。芒果豆腐花：滿滿芒果肉🥭好甜，豆腐花好香大豆味，可以揀凍熱。🤪

天然甜品係長洲咁多間糖水舖裏面， 係最抵食店內提供多款甜品選擇，有中式傳統嘅糖水， 糯米糍同埋其他沙冰等等我哋今次點咗紅豆沙湯圓同埋涼粉綠豆沙冰紅豆沙煲到好綿，芝麻湯丸亦都好好味夠煙韌簡簡單單唔需要加其他配料已經好好味而涼粉綠豆沙解暑一流下次會再去！

入到長洲，除左大魚蛋係必食之外！仲有就係天然既甜品❤️❤️❤️雖然鋪仔細細，但人流極高！放學時間仲有好多學生幫襯。我叫左芒果丸子，丸子非常彈口😂每次都會好想叫多碗，但最後都會決定叫糯米池😍芒果好甜，皮又薄！

其實每次去長洲，我都一定會去呢一間甜品店！甜品店入面有多款嘅糖水，有熱嘅有凍嘅。甜品平均都係20幾蚊一碗！佢有一種水晶波嘅配料，會加係好多嘅糖水入面！水晶波入面仲有芒果，又睇得又食得！除此之外，每次去必叫既，就係佢嘅海藻香芒卷同埋桂花香芒卷。今次去海藻香芒卷已經賣晒，好彩仲有桂花香芒卷！表面係用桂花啫喱皮，咬落去好有咬口，而且佢啲芒果都好甜！

實不相瞞，熊妹每次黎長洲都一定去《天然甜品》食個糖水，係《天然》的忠實粉絲，因為價錢便宜，料多，而且佢自家製的雪凍同牛奶布甸🍮都好特別。熊妹每次都會帶唔同朋友黎試下，今次當然都要帶熊大黎試下。店鋪七點🕖關門，熊大熊妹六點🕕黎到，唔乜人，大擺位任坐。店舖小小，門口牆壁周圍都貼滿糖水的圖片，唔望餐牌都可以點餐。睇餐牌就一目了然啲。其實都係大路的西式糖水🍨，西米露，黑珍珠，涼粉，再配合各種配料雪糕生果，亦有中式糖水🥣，紅綠豆沙，🍠蕃薯糖水，芝麻糊，豆腐花，湯圓等等。有選擇困難症的熊妹面對咁多款式的糖水，花多眼亂，呢樣又想食，個樣又想食，不嬲由熊妹發板的熊大一貫地坐在旁打機，由熊妹慢慢自己玩，揀左半個鐘，終於卜鎚揀左一款西式，一款中式。香芒湯圓什果涼粉黑珍珠，$27熊妹咩都想食，就雜不lun咩都叫哂喇。熊大望到個香芒湯圓唔知係咩黎，常客的熊妹來介紹一下就係芒果啫喱型的湯圓，入面有一粒芒果饀，其實都係噱頭野。什果都有好多款，西瓜🍉，蜜瓜🍈，哈蜜瓜，芒果，火龍果，全部熊妹都喜歡的。涼粉同黑珍珠就無咩特別喇，勝在份量多，夠大碗，好抵食。芝麻糊湯圓，$18都幾大碗，典型芝麻糊味道，應該唔係自家製，無炒

每次入長洲～必食甜品👏🏻👏🏻芒果糯米糍👏🏻👏🏻以前食$6大大件，而家加左價仲要細件左好多，真係好唔值，晏就3點，想食芒果海藻卷，點知又賣曬⋯最尾就叫左芒果豆腐花，好普通⋯⋯

每次去長洲都必食芒果糯米糍，今次我的好友話一定要食佢平時食開個間，仲話係最正宗既。所以不得不試下最正宗既長洲芒果糯米糍。黎到尼間，叫做「天然」。因為我地早到，所以入面無咩人，天氣又熱又焗，所以我地決定買完要堂食，嘆下冷氣，坐下休息。我買左最classic既芒果糯米糍，我的好友就買左桂花香芒卷。聽講出左好耐，但我一直都無試過。我的好友比我試左一口，真係有驚喜。桂花作為皮，爽滑，完全同糯米糍的口感（軟軟的，黏口的）相反晒。桂花皮再夾香芒，真係估唔到甘夾，甘好味。好清新。另外，佢既芒果糯米糍不過不失啦。

好耐無幫襯天然，又想食豆腐花，又想食涼粉，所以就揀咗三色雪凍香芒湯圓 （$30）可能是平日的關係，店員非常有效率，下單後不消3分鐘就已經送到面前。 店員只說了一句「旁邊有黃糖/糖水可以自己落。」先試食一口，涼粉和豆腐都是無！加！糖的！簡直是「天然」的享受+節食人士的喜訊！無添加糖的涼粉配搭新鮮芒果+水晶湯圓+花生雪糕球，令到整體甜度適中。怕肥，又想食甜品？ 無糖涼粉和豆腐花是你最佳的選擇

天然係由我幾年前嚟長州已經係我最鍾意既甜品鋪我覺得佢keep住質素好(最緊要芒果夠甜)同埋好抵食今日食左輪小食又好似準備落雨咁就嚟坐低食下甜品啦我叫左個芒果西米露我一向超鍾意呢個甜品好味得嚟又解渴有時仲可以買一杯一路食小食一路飲芒果味到濃郁而且好甜 絕對係甜品之選另外叫左個雜果西米露有消暑既西瓜 蜜瓜 哈密瓜另外仲有火龍果同芒果 份量都幾多每一款生果都好夠甜熱辣辣既天氣食d瓜類真係好舒服之後仲叫左個海藻香芒卷平時食芒果糯米糍就多啦 海藻卷冇乜機會食海藻卷好有咬口 裡面芒果好足料而且好甜呢間甜品鋪我每次嚟食都好滿足價格低質素高 而且芒果次次都好甜

從來都鍾意食甜品，但係對於糯米糍就好抗拒。因為呢種甜品好多鋪頭都整得唔好食。但係喺呢度食咗第一個糯米糍之後，以後無論在何處都食唔番嗰種味道 。香甜嘅芒果加上外層鬆軟嘅糯米麵粉，估唔到佢可以令我這個唔鍾意食這種甜品嘅人一試難忘！買咗一盒返屋企，雪咗兩日都依然味道不變，估計用料新鮮， 而且獨立包裝，食得好斯文乾淨 。下次去長洲真係一定要再買多幾盒返屋企