太平洋咖啡 (凌霄閣)

营业中

休息中

一直都有行山噶習慣，不過最近太多野做冇咩時間，今次就趁得閑黎翻次山頂，睇下成個香港景色！睇得差唔多就入黎太平洋咖啡店坐翻低享受一下，呢度緊系都可以睇風景啦，而且氛圍都好好，推薦一下呢度噶carrots walnuts cake味道口感都系一流啊！

話說是日行山到上山頂。全身出汗兼夾又攰又餓，於是乎就諗住快速坐低搵啲嘢飲下食下。見有位坐，就去到呢一間Pacific Coffee啦。我老公就咖啡控，於是乎叫咗一杯Americano。價錢同Starbucks係差唔多。不過質素就爭好遠。可以話呢間咖啡店嘅咖啡係一啲都唔香啦。飲咗落去唔知自己飲緊啲乜嘢。唔識去形容佢嗰種味道，好似係冰水溝咖啡渣嘅感覺。總之就極度後悔啦。見佢啲cake好似懶靚咁於是乎又叫啦。結果芝士蛋糕冇芝士味，只係一浸糖嘅粉。冇黏性、餅底又超硬。我嗰個Rock and road 蛋糕亦都係惡夢一樣.甜到飛起，好溜。總括而言，山頂冇得揀求其搵定坐，涼下冷氣。建議大家買支水就算數啦。

全香港最優質地段非山頂⛰️莫屬，我想這裡必定是全港景觀最美的Pacific Coffee。景觀開掦，還可以看到山頂名物 - 纜車🚡之進出。另一邊遠眺維多利亞港，所有香港著名建築物盡收眼底。頓時有「大地在我腳下」之感！嘆一口冰凍Mocha......透心涼😀海鹽芝士餅果然餅如其名，一入口鹽香味份外醒神，明顯地跟一般的芝士餅咸味不同。這塊金牌其實是曲奇，好味，一定比朱古力做的好👏盬味cheesecake幾特別，甜味恰到好處。有此美景、美食、好啡⋯生活就是如此簡單。Have a nice weekend 😊

年初三，行大運。我們選擇來行老少皆宜的太平山。說起來真慚愧，小妹來山頂的次數一隻手都數完，借此機會也來重遊舊地吧。出發前，我們打算先為身體提供足夠的能量。時至今日，山頂經已發展成一旅遊熱點，年初三自然有大量遊客湧入，覓食略有困難。逛了好幾間食店，最後發現Pacific Coffee竟然是山頂充飢果腹的性價比之選！靠窗部分位置更可以飽覽部分維港景色。食物方面和平常的分店一樣，都是三文治、蛋批、鬆餅之類。Spinach & feta cheese roll菠菜芝士卷 $28烤肉卷和菠菜芝士卷經過加熱後，聞到滿滿酥皮香味。酥皮外層包著芝士菠菜餡料，芝士味濃，菠菜倒是不太明顯，口感類似芝士薯蓉。Pork sausage roll 烤肉卷 $24烤肉卷塞了一整條香腸，絕不欺場，香腸比較紮實，個人還是比較喜歡菠菜芝士卷，不知道貨源是哪裏呢？Mango chillino $39Matcha wonder chillino $41沙冰類飲料來說，Pacific Coffee實在沒有對手出品的好喝，味道比較假，特別是Matcha chillino，一喝就感覺到是糖漿混出來的味道，唯一可取之處就是夠冰凍。

早前有個星期六，我見天朗氣清，藍天白雲，又無當時的下星期六咁熱！我自己又走去行山頂嘞！由於上次走到位於山頂凌霄閣的 <Kala> 食芝士吐司，令我回味不已！意猶未盡之下，一放工便走上山頂食芝士吐司 lunch 醫肚，然後才行山吧！行完山，我便走去山頂凌霄閣的 <Pacific Coffee> 食點東西，其實，行山前一小時，我已經食了芝士多士及飲品填肚，見到當時那迷人的景色，實在忍不住要安坐下來，細心欣賞！以落地玻璃窗的店子，光猛開揚！可說是我去過最好環境的一間分店， 週末下午時份一位難求！卻被那睡覺的食客破壞氣氛，完全大殺風景呀！恰巧！我找到一個剛剛有鬼佬離座的座位，飽覽維港景色之餘，可以看到山頂纜車經過，面對維港景，心情也頓時輕鬆愉快起來！Carrots Walnuts cake $30 表面鋪滿合桃粒，蛋糕夾雜甘筍絲，真材實料！白色相間那層是軟滑的忌廉芝士，蛋糕甜度剛好，又不算太乾身，也算不錯！

之前實在太忙啦，根本無時間出嚟玩下或者出去嘆嘆世界，難得今日終於忙完所有噶野啦，於是就嚟Pacific嘆嘆下午茶，enjoy一下我噶生活芝士蛋糕，coffee shop當然唔單只喺賣coffee啦，仲可以賣西點，我就好鐘意佢呢度噶芝士蛋糕，芝士味道非常濃郁，而且食落去好滑好香摩卡，口感好香滑，非常有摩卡噶香味，而且暖粒粒飲落肚好舒服牛肉批同埋芒果汁，真係絕配！！芒果汁酸酸甜甜好開胃，牛肉批牛肉真係好多好多，好滿足啊，個批外皮非常酥脆，牛肉又嫩滑多汁！！布朗尼就一般搬啦，同其他西餅店噶味道差唔多

天朗氣清的周末，從灣仔走上山頂。出了一些汗水，心情也特別舒暢。累了，就找個地方休息。無可否認，我們是被Pacific Coffee的景觀吸引。選擇坐在戶外，除可飽覽維港美景外，也可感受輕柔的陽光和微微的清風。不飲咖啡和奶茶，唯有叫朱古力沙冰，面頭還有忌廉作點綴。說實話，這飲品最大的好處是夠冰凍，可以消消暑。至於味道方面，則是不太討好。主角朱古力很怪異，好像是過期的味道。它的冰碎打得太幼，失去了應有的口感。相比Starbucks，我喜愛它的Frappuccino一萬倍。

I like the way Pacific coffee have marketed their new dessert range.They have made it in a game of tic-tac-toe, and when you eat the specified cakes in a line or a row, you can get free coffee.So far I have only tried the raspberry dome, bundt, banana trifle, and chocolate ganache.Raspberry dome This was the best, raspberry mousse with passionfruit jelly inside, however I didnt like the base, a bit too hard.Bundt: rather tiny and cheaper compared to the cakes in its range.Tastes like a normal fa

上咗山頂行行，累了找地方坐低最近有買一送一的copoun, 去咗pacific coffee 坐坐叫咗杯mocha 和朱古力樂園朱古力樂園好味d, 但朱古力始終不夠濃,mocha, 沒有朱古力味, 咖啡豆味亦不重相比同類的咖啡店, p記始終做得不夠s記好的(這是我個人意見~ )但因為買一送一,又可以係山頂hea, 都係不錯選擇的

吃完阿甘蝦後，竟有一絲的空虛感，眼見纜車站外打晒蛇餅，一時三刻落唔到山，不如歎杯咖啡才走吧。這次放棄了星巴克，走入凌霄閣的 Pacific Coffee，全因這裡可飽覽維港夜景，試想想有如此美景相伴，杯咖啡嗒落應該寧舍有味道的，結果卻是事與願違．．．我選擇了iced mochaccino ($35)，喜歡其在濃郁的咖啡中加入朱古力，中和少許甘香，多了一份甜蜜滿足。這晚嚐到的卻完全失準，一口吸入，只得朱古力的甜味，就已經知道中伏，因為杯飲品根本「未搖勻」，只好不停以飲筒在杯內攪個不停，惜為時已晚，近尾聲時只剩下強烈的咖啡味，味道並不合一，很是失望。另外一杯 hot chocolate paradise ($33)，沒有絲毫燙口的快感，感覺溫溫吞吞的，令朱古力也失色，又是一個不合格。看來在分店品質監控的範疇上，星巴克稍為領先，Pacific Coffee則仍有改善的空間。維港夜景彌補了咖啡味道上的不足，心情本可放鬆一點，唯帶點反光的落地玻璃，迅即破壞了氣氛，就連服務也馬馬虎虎的，上手客的雜物久久未有人清理，捉到鹿脫唔到角，可惜可惜！

琴日同左女友去左山頂行,行到咁上下去左呢間到坐底飲杯野休息下,去到個地下都幾污糟下,有d地方甚至有野搗瀉左都冇人理,佢有o既優勢係個無敵維港景!!叫左一杯石板街,味道好好,好香濃,而且有大量綿花糖,好有口感,唔錯.但唔會再去呢間分店,因服務真係好差!!

今天和男友上山頂,行到攰一攰,袋上又有張優惠劵, 買一送一,就拿出來用呀一杯凍MOCHA一杯熱希蘇NUTSMOCHA , 男友話味道OK, 但我就覺得無乜咖啡味呀.希蘇NUTS , 我叫佢吔重D手, 果然係味道好咗, 都OK既上到山頂都可以, 又可以休息下... GOOD

呢間coffee shop 係我以後都唔會幫親既coffee shop，我俾過好多次機會佢，但佢都係冇改善。食物間間都好難食，甜到死，而且貴。野飲都一樣，所謂之唔同既味就係俾d唔同既syrup你，真係好難飲！仲有，d service 都差過人，唉！！

我食過你所講放在銀盤內既brownie 喇,都係唔好食ga~你果隻就甜到死既,而哩隻係冇味ga~只係食倒dd咁多既choc味ga ja~口感一d都唔似brownie,似choc cake多d,我去買garden既choc雪芳蛋糕都冇咁嬲呀

Pacific 有兩種Brownie的. 一種係放在玻璃框內. 另一種就係放在框上銀盆. 後者未試過. 而我叫左框內個款. 唔得. 面頭的o個塊厚厚的Chocolate Coating 好甜. 因為佢甜所以咁厚大食佢就係"活受罪".食一啖就要飲啖Coffee 沖下個口. 中和下個陣"甜爺爺"..Well.. 第二啖..唔洗喇. 要"走" Coating喇...