太興 (新文華中心)

营业中

休息中

唔知係咪真係我太黑仔，我見人地叫既野食份量都正常，唯獨我呢份。。。食完我都無心情寫，但係為左要劣評佢我都要出食評。同事叫既咸蛋蒸肉餅飯，正常樣正常份量。同事既燒鵝飯，有燒鵝脾，一隻咸蛋，佢話都ok，不過頗貴。我既油雞飯，唔好睇佢好似份量唔少呀，呢到係一隻雞中翼加個雞翼尖斬散佢黎架咋！！！！我62蚊食個雞翼咸蛋飯呀！！！！仲要唔係雞全翼呀！！！！嬲到震呀！！！！仲要雞翼既肉都鞋，我唔敢想像其他部位有幾鞋。燒味專家喎，無得彈呀奶茶ok，食評既1分係比奶茶的。

呢日去左尖沙咀，係紅磡站天橋落黎，諗住近近地食個lunch就去坐火車回程。星巴克旁邊本來有兩間食開既餐廳，原來剛剛開始裝修。四圍望下，見到平時少食既太興，就走過黎試下。係門口排隊唔夠5分鐘就有位。睇完餐牌，平時食得太多燒味飯，轉下口味叫個乾炒牛河，順便試下師父手勢。飲品先黎，係平時唔多見既咸寧水，感覺幾清新。跟住黎乾炒牛河，味道夠，牛肉唔算好多。

今晚公司無福食，唯有食自己……一個人，諗吓公司樓下食乜好？本來心血來潮係想食燒味，但咁岩自己感冒中，醒起唔可以食雞，廢時食完咳甩肺，改左食小菜，想食魚又賣晒，最後叫左梅菜扣肉煲，跟餐加豬肺湯，呢個配搭組合真係好魔鬼，因為梅菜扣肉超好送飯，起碼可以食2大碗飯，而且太興既水準一向都keep得唔錯，再加上香濃夠火喉既杏汁豬肺湯，真係無得輸！

平日午餐時間好多人，基本上12點半開始就要等位。如果1點先到好多時有部份受歡迎午餐都賣哂。好幾次再食涼瓜火腩都賣哂，可見太興深受附近寫字樓打工仔歡迎。想食燒味就自自然然諗起太興，雖然價錢係貴，但質素有保證。未去到話人間美食，但宜家要搵間叉燒好食既餐廳都唔易。附近茶記係平啲，不過啲叉燒已經唔係染色蜜汁叉燒，係超市果種李X記叉燒醬咁既味。我個人都係喜歡傳統燒味鋪既染色蜜汁叉燒。午餐叉燒紅腸飯$62免加一送熱飲份量係比較少，女士可以食得哂既量價錢都係比較貴，附近茶記燒味飯$50有找總結： 貴係貴左啲，但品質保證

下午茶餐 ~ 八寶飯! $74...完全唔值! 馳名的燒肉又硬又瘦，叉燒全肥，雞無味，咸蛋白水泡泡咁，最好味係紅腸! 🙄 ..💔 真心佩服師傅刀功，紅腸，墨魚可以切到咁薄! ..枱面無 menu 得一張推介精選餐牌，問個呀姐，佢竟然話 :係呀，下午茶無得揀㗎，係呢張㗎喇... 😒😒 吓！無嘢下 far，係咪整鬼我呀....直至另一個呀姐行埋嚟先話有餐牌，再望住隔離枱話 : 隔離枱攞多左份...🤣🤣 隔離枱人 O 晒咀 lor...

今晚出開尖沙咀工作，順便來太興食晚飯。這間店非常混亂....先講無人帶位，d遊客個個自出自入，見有位就坐，店員又唔管。終於等到人帶位啦，落單重亂....燒味賣晒無問題丫，叫㕑房菜一樣好味不過落單同事每樣都要問收銀賣晒未....落完單轉頭話唔好意思，無晒....前後兩次都係咁。最後阿姐話有叉燒，食叉燒飯好唔好？真係吹漲，一開始就係為左食叉燒

今日下午，去到新文華太興飲下午茶。價錢都OK 平環境大，坐得舒適。點了一杯奶茶，好滑 及香濃，味道不錯。另一杯是鴛鴦，OK 好飲。鮑魚汁撈雞翼公仔麵（HKD 40)雞翼夠入味，味道不錯，公仔麵撈了鮑魚汁，味道剛好，不會太鹹。有兩條青菜送，煮得剛好，色澤不錯。羅宋湯粉：粉有點淋，味道有點淡，可以接受，不過份量少了一點。反而四式卷有點驚喜，炸得剛好，有點魚肉味，不會膩，味道OK 好味。最後 ，兩人合共付了HKD 78😄

尋日(16-9-2017 Sat)晏晝o係尖東join老公買o野前,食個tea,佢話見到太興,咁我o地就試吓o黎呢間.我o地入到去,女侍應俾o左張四人卡位我o地坐,由於我o地都唔算好肚餓,於是叫一個tea兩人分.就決定要$48.00o既叉燒鹹蛋飯,加$8.00要鹹檸七.由於好似叫好少o野,又擔心有冇最低消費,又咁o岩見到menu底話凡叫任何o野食,都可享原價$48.00o既燉湯,第一盅$38.00,第二盅每盅起$28.00.咁我o地就叫一盅啦,揀o左木瓜雪耳燉唐排.冇耐,叉燒鹹蛋飯到o黎,我要o左最右邊有啲燶o既o個兩件,叉燒係全瘦偏鹹.口感唔太實,可接受;而飯呢,豉油汁唔多,飯唔係好夠腍,一般.而鹹蛋亦唔算靚,不過蛋白反而唔太鹹.木瓜雪耳燉唐排亦都到o黎,都算大盅,睇到都幾足料,味道都幾甜,木耳唔會太腍,o岩o岩好.服務:留意到呢o度o既侍應全部都係女長者,個個都好有禮貌.不過間間太興應該都有一個員工服務準則,就係客人入座後唔知幾多分鐘,就要棟o係o度等客人叫o野食.呢樣唔係唔好,但我諗時間長少少會好啲.環境:唔知係咪位於遊客區,呢間裝修幾靚.抵食: 2.8分

其實我好麻甩，今日收夜，朋友問我食咩好，我即時諗起燒味系列😂😂😂呢間太興裝修幾別緻，坐低後打開餐牌，除咗我想食嘅燒味，估唔到小菜款式係咁少，印象中其他太興款式比呢間多🤔🤔🤔我地叫左呢個四樣燒味的拼盤，$12x，油雞分蹄ok，叉燒good，燒鵝bad，冇鵝味又瘦😣👎🏻另外，白飯偏硬，未熟透，爭少少，原本想換另一碗，不過男友俾我試下佢果碗，好似冇我果碗咁硬，所以男友提議對調就算😔另外叫左粉絲雜菜煲，味道ok，冇乜粉絲，份量少😕整體有少少失望，不會再來呢間太興😉

勞碌左一日 屋企又冇飯食諗都唔諗 見到咩餐廳 就衝左入去結果今晚食左my hero太興叫左一個set 魚香茄子煲 加個 冰鎮奶茶一放低個煲 d咸魚味已經湧出黎 一打開煲蓋 仲係熱辣辣不過 略略比正常茄子煲多左d油而杯奶茶 繼續 茶香味濃 仲未有退步賣單 77 蚊 不過不失喇 正常性價比

同事SICK LEAVE, 勁忙...所以走左落街買飯盒.諗唔到食咩好, 最後去左 太興 買左叉鵝飯.由比錢到拎飯盒都唔洗10分鐘呀~! 拿拿聲上番公司開餐!噫! 竟然?!唔錯WOR! 色澤味道OK~! 諗住求其快食....點知一打開比到驚喜我瘦叉! 燒到岩岩好! 估佢唔到, 以為堂食先會斬得靚仔D..外賣都唔錯~食完....繼續開工  

太興的茶餐廳在港應該有很多分店，科技館附近的這個也並沒有其他特色，菜單上菜品還是蠻豐富的。 點了凍奶茶、三拼和餐蛋面。凍奶茶貼心的用冰塊保溫，有純正的奶香和茶香，不會太過甜膩，有少許的天然苦澀。 三拼的分量並不是很多，但是都系非常美味的。不愧是燒味著稱的。 餐蛋面中的雞蛋十分鬆軟，麵條跟即食面沒什麼區別，下次不會點了。

晚飯時間到，都唔知食乜好。行下見到太興出咗個新餐牌，蠔仔肉碎泡飯，睇落都幾啱口味，於是就入去試下。睇見餐牌張相，睇落好似好豐富咁噃，而且仲係標明2人份，78蚊2人分，好似好底喎，不過見到對面枱嗰鍋，都唔算大，所以決定再叫多碟煎肉餅。肉餅煎得好香口，味道略略salty咗小小，不過都可以。蠔仔肉碎泡飯嘅時間比較耐，不過可以食住肉餅先，還可接受。泡飯味道稍為鹹咗小小，蓋過咗蠔仔嘅鮮味。不過入面有好多蠔仔，而且都唔係細隻，啖啖蠔仔，正。 如果味道可以淡番d會更好。

趁年假未完，去溜溜尖沙咀。似乎很多人外遊未返。見新文華中心有間太興，入去幫趁。喜歡太興的燒味，但今回點了個經濟抵食的常餐$52。可能要調整租金高下，我家附近的太興，同一常歺只要$38。質素好正常，很有街坊茶記風味，環境很舒服乾淨。多士暖暖，雪菜米份量十足。食材新鮮，米線爽口，湯頭清甜，雪菜清爽有鮮味，淸淸的可以接受。 奶茶最正，奶香茶濃，入囗滑滑而帶厚重質感，香味留囗。店以卡位為主。可能旺地租貴，比我家附近的太興細，唔太舖服。侍應走過經常碰到椅背，或在手邊擦過。作為消費者，有時也要體諒經營極之困難！

Ironman的晚上, 先來點吃的吧, 還是回來這裡, 位置方便, 加上看Iron前吃太興, 合情合理.雙併燒味飯 $65: 6.5分, 是晚吃到的燒味, 水準只是一般, 叉燒的肉質比較實, 而燒肉的皮亦不夠脆身. 不過餐還跟生菜一碟, 就是不俗的.濃香星州炒米粉 $68: 7.5分, 反而濃香星州炒米粉是不俗的, 炒得幾乾身, 不太油, 也有鑊氣, 叫得濃香, 也真的幾入味的.凍檸樂 $5: 跟餐飲品改為凍檸樂, 加$5, 也合理.是晚太興的水準有點失手, 不過Ironman就還是很出色, 難得的是再聽到十面埋伏, 真好.