影片
自从美心执咗之后，喺丽港城想食烧味就只可以去太兴。其实佢嘅叉烧好睇彩数，上次买外卖返屋企，佢嘅叉烧又肥又多汁，而且好松软，好味过湾仔米芝莲嘅烧味。今日突然之间想食烧味，晏昼3:00去咗太兴，当时冇乜人。下午茶叫咗一个叉烧烧肉双拼饭，虽然包一杯嘢饮，但系64蚊下午茶来讲有啲贵。今次旧叉烧稍为咸咗啲同埋偏瘦咗啲，下次都系讲明要半肥瘦好过。上菜呀姐仲好窝心惊我唔够饱，问我使唔使加多啲饭。烧肉个皮爆唔起，唔够松脆，而且有啲咸。之后见到原来下午茶餐仲有叉烧红肠饭，都系双拼不过平$20，下次叫佢好过
继续阅读
今日中午到丽港城太兴买外卖，当我等外卖时有问题要问职员，得到不礼貌对待，好似我无付款，要来讨食物，为何有这样的职员在太兴存在。回家后打开已买的烧味饭一共三盒，全是头头尾尾，为何太兴退步到这个地步，太失望了，不会再帮衬。
继续阅读
叫咗外买成粒钟，都未出到。话人手唔够，又话揾唔到张单。试过堂食都系一样。所有野一个字形容：「等」，重搅咩外卖，多啲单就handle 唔到。太兴点train 啲员工。
继续阅读
呢间太兴员工啲态度差到冇得形容我同隔离枱举哂手大嗌啲部长都可以扮听唔到有个听到见到仲即刻扮野掉头走到上小菜又唔上埋白饭要专登自己去问上野饮问有冇少甜就扮听唔到唔答你态度仲差过四五十蚊既茶记简直贴钱买难受
继续阅读
太兴平时都好少食，今次嚟到晚餐时段想试吓啲新嘢，于是就试太兴了。通常俾人嘅感觉都系要食叉烧或者烧味饭，但系今次就想试吓佢哋嘅小菜。叫咗一个只系$58嘅德国猪手，仲有鱼香茄子煲，咕噜肉，觉得要食依类小菜先可以试到佢哋嘅真功夫。咕噜肉方面，佢哋系切做一条条嘅形状，酸甜味十足，只系略嫌份量较少。鱼香茄子煲好正，有咸鱼嘅咸香味，而且热辣辣，仲有唔少配料，好似榨菜等等。佢哋嘅德国猪手真系好大只，两个人食要两碗白饭都够晒了！
继续阅读