太興 (已搬遷) 新店位置

當日8月30號中午,同男友經過西灣河太興,轉型之後都諗起好耐冇幫襯太興,於是同男友去試,坐底之後,就叫了一碟八寶飯和一碟乳豬燒鵝飯.碟八寶飯賣相非常之靚,雖少每樣得兩舊,但仍然拼得好靚.乳豬和燒鵝D皮好脆,我地都食得好滿意.想走的時候,諗起今晚食抄飯,便到燒味部買义燒,同一名師傅講$15可唔可以切粒,師傅話:唔緊要$15都是幫襯,冇問題!想唔到個師傅咁nice,抵佢咁後生做到副主管.比起舊式呀伯師傅好得多.唔怪之太興燒味咁成功啦!!!

今日中午一行5人食太興燒味見個師傅有4隻油雞比同一隻油雞翼未切, 小弟叫了油雞切雞飯+凍飲成$41個師傅都要切隻油雞翼比我, 一隻小小油雞翼可以切六件, 全部都係碎骨!好野! 另外切雞得兩件雞空尾肉內部+3件油皮!正一孤寒刀法, 相信一塊小小皮都可以切10件! 好孤寒刀法!

今日中午一行5人食太興燒味見個師傅有4隻油雞比同一隻油雞翼未切, 小弟叫了油雞切雞飯+凍飲成$41個師傅都要切隻油雞翼比我, 一隻小小油雞翼可以切六件, 全部都係碎骨!好野! 另外切雞得兩件雞空尾肉內部+3件油皮!正一孤寒刀法, 相信一塊小小皮都可以切10件! 好孤寒刀法!

在幾款早餐之中選擇了：秘製手打厚多士(要奶醬$18) –心想有什麼秘製東西？如何手打多士？頂級午餐肉滑蛋公仔麵($20) –想知午餐肉如何頂級？用X花牌？吃完也不知答案，不過明白它是貴得有點道理。厚多士外脆內軟，公仔麵亦確是用料不差，看得出其誠意，難怪門外經常有人輪候。

逃離呂仔記後,徒步到西灣河......吓,都冇反肚,不過味精的魔力發功\,要喝點好喝的. 見到前面不遠是譚校長會老二之處.門口賣的廣告是--港式奶茶.食物:牛河- 黑的(見別人吃,不知味道如何)花生醬多- 不太厚的\'厚多\', 賣相肖有點dung. 不過home made的醬ok.猪扒包- 不知所謂. 馬交用香軟包芯的豬仔飽,炭燒豬排. 太興的是麥當當式軟包,入面重有D好似泰式辣醬.至於港式奶茶,九流茶味,港人之恥也.

太興一向走新潮茶餐廳路線，就算材料來來去去去都沒有什麼突破，煮法方面一定要特別點﹗如馬拉盞通菜，太興用了瓦煲炒，特別之餘還可以keep住熱度﹗脆肉咕嚕肉，名附其實，外面真的很脆。用了瘦肉，少了一份肥膩﹗不過要趁熱，放涼了就成了"不脆肉咕嚕肉"了﹗

雀局前，要到這裡交收，順便吃個夜晚。10點半，估唔到都坐到半滿，唔少人在打躉，是街坊茶記特色。食燒味要睇餐牌都係第一次，款色多到你唔信，連諗都費時，就叫個四寶飯。阿姐問問廚房，走返來話四寶埋晒，原來少左燒腩唔可以搵其他野代替，真係唔知係咩規矩，於是就叫個叉雞飯。10點幾，有雞睥同叉燒食，上天對偶都算係咁（同時間同事在附近潮興歎魚蛋粉），油脾油水幾足，肥肥地，明知係冰鮮的，都無問題，叉燒就好削，柴皮而亦唔夠蜜汁，當然叉燒燒好後隔一陣食就最肥美，但臨收舖都仲有得食，都係個句，上天對偶都算係咁，「無得彈」。

食夜晚飯，諗住食完之後就番道場我同我個fd 一齊食~~有卡位~好開心~我叫左個化皮乳豬飯，都幾好食~~價錢都算合理果陣都算人多，但係唔駛兩個字就有得食~So 效率都幾高餐廳都算整潔

尋晚同friends打完波去食飯,叫咗碟燒肉,炒通菜同金菇肥牛..燒肉ok,但未至於講到咁好,通菜都可以嘅,最差碟金菇肥牛..嘩,粉絲煮到爛晒,一pat pat,肥牛又凍..我哋夾咗幾注冇吔咯..唔次唔會再黎..

其實我諗起名氣夠盛,我食過幾次佢哋嘅燒臘,發覺都係不外如是.隔離嗰間永安,啲燒肉仲脆啦,但人哋係舊啲咋.又貴又唔抵食,係嗰度食一餐=同區既餐廳1倍呀,唔值！

食過兩次我都係唔太識欣賞但係不能否認真係幾特式叉燒蜜桃可算是我覺得最不錯的奶茶方面拎起黎就放唔返落去呢個都幾大問題而且我覺得奶茶只屬不般而已可以選擇我還是寧可俾15蚊食個普通燒味飯

男友話呢度燒肉好脆，尋晚同佢黎食。我係後門入，見有張卡位，想坐低，有個經理物體就黎截住我，話張有人留，叫我等其他！我望其他仲有4張剩，問佢果d坐唔坐得，佢say no！咁算啦，我等.....陣7點4，我等十幾分鐘，冇埋單，我想走，另1個樓面帶我坐其中1張空，我問唔係有人咩？佢話唔係，只係想留定d晚市用！我男友話有冇攪錯？？？我話算啦，一心想黎食好野，好味搭夠咪得咯！點知叫左個青芥辣焗燒肉飯，等20分鐘，冇黎.......問d樓面，又話焗要耐d，等啦，我全部食晒，奶茶又飲埋，都未見影！再問個經理物體，佢check兩次至話冇落單........ ！！！！！最就係，佢好霉氣問仲要唔要呀？我男友話都成半個鐘，乜都飲晒食晒，仲點要？點知條友細聲話句：正乞兒！我男友問佢講乜，經理物體就即刻行左去！我知男友陣係炆到爆，咪即刻拖佢埋單走，放低$200唔駛佢找！！！臨尾走陣幾張所謂有人留既仲空架！！！！！呢間咁既衰野，係我有生而來食過最衰架！！！！住係附近既人，要黎呢度食野一定要諗清楚！！！！！

有晚落左黎食宵夜，叫左10 號餐芝士焗龍利柳天使麵，跟冰鎮奶茶，$ 33-。焗得好香，但係d 天使麵太"林"同埋淡，我覺跟飯應該好d (但佢只係跟天使麵)，杯凍奶茶好香滑可口。

8-12-2005 1614為左考試，請了兩日假讀書準備，到了下午茶時段就例牌落去食番個tea，不過今次幾重量級，因為冇食午餐。這裡平日與假日的茶餐會有唔同，當然平日會平少少，我就叫了好耐冇食的青芥辣焗燒肉飯。佢地既青芥辣份量唔係好多，但係都幾攻鼻下，燒肉係半肥瘦無骨既，係焗得稍為焦一些，油份也比較多一些。當然日日咁黎食緊係唔好，過下口隱都還可以。哈，睇番自己差唔多1年前亦在此寫了一模一樣的東西。

同家人一起來吃飯,為慶祝姐夫的生辰.但一開始又執漏了一個位(碗筷),咪叫d侍應大人補返,他們極度忙碌,只應了我一聲'等等!轉頭來!',等了好久都無人蘇我,簡直完全唔掂!之後就叫了幾碟小菜,味道普通.雖則他們轉型了,外型較高格調,但d服務態度仍是很差勁x10 !!!如果他們態度好些,我會多些幫襯!