太興 (南寧街)

营业中

休息中

太興這些連鎖店區區都有，食物質素及服務應該每店總有一些差別。嚟到已有7、8人在排隊，一直不知原因，此店不論任何時段，門口總是長期有人龍。等了10分鐘被安排座位，店內並不特別多客，位置只係被2張大圓枱霸佔了。疑團拆解了！叫了2個晚市精選，乳香蓮藕炆煵仔㷛、北菇蠔豉扒生菜全冇南乳味，個汁水咁稀👎好耐冇食過咁唔好食嘅小菜個獻汁都推唔均，一舊舊嘅😖套餐另加$19有一碗飯+熱飮，凍飲再加$3。怕冰鎮奶茶太甜，叫了一杯少甜，但一時唔記得叫小冰，所以半杯都係冰😓成餐飯最好味就係杯奶茶！呢個價錢，應該有好多更好嘅選擇！

1. 乳豬皮變燒肉皮2.香飯煮到好硬好乾枯，飯粒又爛，唔能夠做到每粒分明。好差唔值得再試，有欺騙顧客成分，難以服眾。3. 至於味道就一般，唯一可取是燒鵝，係值得一讚。其他不考慮。

呢間野係伏中之伏，以為正正常常食個太興唔會有咩事，點知野食又難食，服務又差。叫左個魚香茄子煲同濕炒牛柳河，個牛河底用2條大大條既菜墊底，其實份量得好少。個牛河仲要炒得唔均勻，有d無味既。個魚香茄子煲茄子大大條，配料大大舊，好似草草煮好咁，一d魚香味都無，係我食過最差既魚香茄子煲。服務先最有問題，要個飯等十世，個侍應叫左好多次起飯，但都無人黎。見到成間野d食客都係咁舉手催野食催飯，d侍應繼續唔知係咁做乜。唔知呢間野出現咩問題，又慢又唔好食。

昨晚凍凍地經過香港仔中心見到有間裝修得好靚嘅太興，就入去試下，地方清潔，招呼幾好，職員推薦新出禦寒羊腩煲、送一碟唐生菜，姑且一試，果然足料:羊肉入味份量都唔少，林和入味、支竹、馬蹄、冬菇和其他配料恰到處，加個燒肉套餐，兩個人吃非常滿足

去ATM攞完錢，路過太興,看到掛了二隻紅紅燒鵝,被吸引入內，我們2個人，叫了一個不切鵝脾飯，一份羅宋湯通粉鷄翼，一杯熱奶茶，一杯🍋狀！奶茶、檸水很快到，奶茶很香很濃又滑正呀，檸水有三大片檸檬，有香味.鵝脾新鮮有肉汁，咬落香嫩好味.真係皮脆肉滑，重有D熏煙味.羅湯夠味，D通粉又不太林有口感，鷄翼有點小，但炸得很香脆.地方裝修不錯，光猛舒服，坐位不少，坐得很舒服.招呼都熱情，侍應多是亞姨.侍應不多，服務業真係難請人！ 呢一餐都滿意不過商場維修扶手電梯，有得上，無得落，不方便老人家，還好有部電梯，亦有充足指引打電話就可以便用電梯上落.

好耐冇食燒味飯, 見今日唔洗等位就去太興會一會佢!🤩入便啲呀姐都幾風趣幽默, 好nice令我心情都放鬆了唔少!😝話咗要食叉燒飯, 就嗌個『特搜叉燒飯』💲68 啦!都幾多舊叉燒喎, 果然係💲68蚊! 可惜我唔記得叫半肥瘦🤭對我嚟講, 有幾舊有啲啲柴,同埋佢唔『蜜味』😅可能慣咗港式叉燒要多啲『蜜汁』先夠好味係我心目中太興既叉燒飯或者燒味飯真係唔錯!完全係物超所值既, 但今次真係有點失望!☹️而且佢個配菜有啲苦, 唔知係咪咁岩個批菜問題定點.Overall嚟講, 雖然佢叉燒多飯多菜都多,但全部水準都一般.好食度😋😋希望下次會好味啲啦!🤨

一向都是太興的常客，由香港仔中心二期搬到現在香港仔中心四期，都一路有幫襯，但自從七月中搬過來之後，真的越做越差，最近幫襯的時候了，同朋友點了兩個下午茶，一個是燒鵝燘米配熱檸蜜，另一個是公司三文治配凍檸茶走甜，都是很普通的食物，燒鵝燘米比較咸，但明白這都是一般食店的做法，最令人失望的竟然是杯凍檸茶，我要了走甜，一來到上枱發現完全冇走甜，於是叫人跟進，但等了10分鐘之後，換來另外一杯凍檸茶走甜更加令人氣憤，一望杯凍檸茶，茶色好淺色，然後半杯都係冰，一飲之下，仲係小甜，完全沒有茶味，已經諗到佢地將第一杯凍檸茶溝水，之後再加半杯冰，諗住整走杯茶啲甜味，實在太過份，真係當人客係儍仔，除此之外，份公司三文治有一邊完全係燶晒，竟然可以夠膽送給人客，對太興真係好失望，其實再之前幫襯的時候，已經見過有人客因爲等食物等得太耐而作出投數，我想太興都要檢討一下，希望能夠作出改善。

今晚去咗太興的新舖食飯，叫咗紅燒豆腐⋯難食惹味牛肉麵⋯一般叉燒薰蹄（例）⋯一般白飯⋯正常出事，都係叫返碟頭飯安全D再叫星洲炒米和鹹魚雞粒炒飯⋯正常味道但都幾油叫咗兩碗豬肺湯，終於都算係好味 — 覺得失望。

以前未搬店舖嘅時候覺得好一般，又貴，啲servcie都幾好.搬左之後，嘢又咁貴，但係質素差左成個level.第一，啲食物質素同出面啲普通燒味店賣二幾三十蚊果啲冇分別，咁都算，叫左啲小菜，如海皇豆腐煲有陣味，個類似經理嘅人話：「係咁㗎喎.」第二，入座之後，冇人會理你，我同屋企人每次有需要，要叫起碼三次先有人理你，但係店入面又唔係好多客喎，如餸菜黎到時想要起飯，叫左三次唔該，淨係見到啲職員喺度你推俾佢，佢推俾我，似唔多想做生意多啲，感覺勁唔舒服.第三，見到啲職員圍埋喺中間位置唔知做乜.第四，上菜好慢，如拼盤我哋後面加單，等到食曬檯上小菜先上.此店除左個名，其他方面都衰個其他普通燒味店

完全中伏！一肚氣，未試過咁嬲，嬲到唔瞓都要打埋呢篇食評！6/7趁新裝修去試下晚飯1.晚飯時段明明餐廳有好多位，但要客人係門口呆等15分鐘，全程排隊罰企，有自制人龍之嫌。門口成20幾嗰客集體鼓躁，有10幾人嬲到走咗，但經理完全無處理，只係間中係場內hea話：「出面有好多客係度嘈！」然後座位就照吉，客人就繼續等2.職員包括經理極無禮貌，阿姐落單離三丈遠，我哋想要三拼燒味飯（燒腩、切雞、燒鵝），阿姐就一句得過嚟話無燒腩，邊檸轉頭邊大聲叫：「你諗清楚先落單啦！」然後極速離開，當我哋無到。之後要山長水遠再揾阿姐落單，阿姐又再以指罵訓示客人，話餐單圖片入面嘅係燒肉，燒腩要加錢，串我哋話：「你一早叫燒肉咪得囉！」（但講真憑圖片鬼知係燒肉定燒腩，就算細字有寫，都唔使咁無禮貌呀！）3.食物質素差，三拼燒味飯所有嘢食似賣剩蔗，咁嘅價錢，大家樂仲好過佢簡單講句：無下次