奇華小廚

营业中

休息中

今天去奇華買左個外買，大大隻字寫住31元雙燒味飯，去買時乜都冇得牛展和咸蛋都算了，我話好才知41元，我話個牌寫31元，個阿姐話今天打风加價，現在以4:00了激死人，呢D系吸血鬼，見人地要返工成機吸血，街邊生果檔都不加價啦！呢D大財團正一吸血鬼，D服務員又臭吋，以後都不吃奇華，月餅都不買

美味蜜汁叉脾飯係附近揾食一D 都吾易, 一放飯度度都係人 , 食過咁多間依間算係吾錯今日黎左食佢地D 招牌燒味叉燒十分軟林, 肥瘦適中, 有肥脂香味又不會太肥膩, 而且帶點焦香, 正呀燒脾充滿蜜糖味, 非常香口, 而且肉質又不會太韌, 好味

在荔枝⻆上班的朋友推介這間小廚給我，今天終於來試試。這裡環境一般，雖然有很多座，但午飯時間當然座無虛席。食客需要自行找座位。等了大概十五分鐘終於找到了。這裡的菜色以家常便飯為主，如蒸肉餅 ，水蛋，炒菜等等。我點了蒸金銀蛋配飯。蒸金銀蛋老實說，蒸蛋不夠滑，蒸得有點點過火。不過味道不錯，吃得到蛋味，豉油不算太咸，恰到好處，送飯一流。可惜皮蛋幾乎找不到，希望可改善。這裡人手明顯不夠，員工忙過不停，找人來點單需花一些時間，但可體諒的。員工態度仍十分友善，值得一讚。雖然食物不算很出眾，但工廠區午市來說，算是很不錯，還會再來。

原來奇華在荔枝角開咗間小廚，今日去開先見到，不過門口比較唔起眼，唔知嘅以為係旁邊餅店嘅廚房，磨紗玻璃望唔到入面，門口又細，加上個招牌在好頂端！真係唔係咁啱望到都唔知道！入內地方好大好深，近門口光猛啲，再深入比較暗，地板比較黏黏的，唔太乾淨，普通茶餐廳格局，有店員落單！已經係下午茶時間，客人只有半滿！因為趕時間，所以即刻落單！食物超快到！鹵蛋肉燥撈新竹米粉（$28）下午茶價錢幾抵食，份量唔細！米粉幼身爽口，咸肉燥多，好濃好香，味道唔錯，可惜米粉隔水唔夠徹底，所以水汪汪的，令到個肉醬淡晒！失色！鹵蛋好普通，比較硬身，蛋黃唔入味，好淡！菜心爽口！整體比啲水扣分！熱檸水：正常！店員幾好禮貌又爽手！行去廁所條路地板好黏，廁所板有痰！好噁心！同事食嘅炒粉唔錯！

今日同好紙美去佢公司附近食午飯,佢就推介呢間小廚~放飯時間入去到好多人好熱鬧總算好快有位~餐牌上面款式唔少,有燒味同小炒,我一眼就睇中海南鷄飯,鬼叫我對海南鷄飯情有獨鐘~!!等左一陣阿姐就成SET咁拎上枱,我以為佢係成個托盤放底,誰知佢一件件咁拎上黎,搞到有少少手忙腳亂,張枱又唔大,個套餐又多配件~可能佢地唔夠托盤用,我理解…成個套餐有湯有飯有菜有鷄, 無論那部份的份量都好足夠~我個人要好努力先處理完佢成碗飯佢D飯唔係一般白米鷄油飯.,而係疑似有少少糙米感覺健康D~!!海南鷄太熟, 鷄肉部份一D都唔滑,幸好有鷄亦尖頂住~!!只係一食就知係冰鮮鷄~冇咩鷄味白菜仔凍冰冰,而且煮得太淋了,湯好啖,隱約見到D蘿蔔粒,但唔多~可能仲有翠肉瓜..同樣有點涼意,令人費解更奇妙既係呢個套餐唔包熱茶..最後要叫阿姐比杯水..問返紙美為何推介呢到.先發現這裡是這一區出品是’’最好的’’了 ^__^  

$52 碟「叉鵝飯」絶對不會再去。燒鵝只有四、五件，沒有特別，皮又不香不脆。叉燒又只有少許，連叉燒都無。飯又凍又淋。這個價錢連餐飲都無。服務員同你落單時無 la la 走開又不講聲，去check 吓仲有沒有可以講聲呱。都吾知佢忙咩，走咁快想問其他加嘢都吾得。經此一餐絶不再去。

奇華小廚賣的並非堂食中式餅食, 而是大眾化的茶餐、熱炒小吃。 扒類早餐$29...要吉列豬扒配煎蛋, 落單時向侍應表明要求太陽蛋 sunny-side up, 結果送來時是全熟蛋 吉列豬扒炸至焦黑, 肉質既乾且硬；那片牛油多士烘得熱脆鬆軟, 原本還希望可以沾蛋漿同吃；茄汁豆似有兩羮之多, 可惜溫度冷冷$29不應該是工廠價, 實在太貴了

叉燒硬，啲飯凍，難食！難食！！！以後唔會再去食！失望！差差差

呢間餐廳幾年前食過都ok,,而家就真係好差, 服務又差...waiter 十問九唔應火腩豆腐飯$40火腩有d黑色一點點 汁好咸,, 同個經理講佢竟然話"下次唔好叫呢個食囉, 叫燒味咪新鮮d", 咁都得...撈面 $32撈面咸到食唔到,,叫waiter 俾d清湯我,, 跟住佢話俾d熱水我"六"下d 面.....咁都得 真係以後都唔會再去奇華小廚......都唔明lunch hour 點解仲有咁多人去食......

試好野, 阿姨們帶領, 轉戰香工. 搞掂哂之彼, 齋好話要行多一陣. 人山人海的香工實在不好受. 我便自行出去找間茶記, 坐坐.一出門口就是奇華, 然而, 奇華餅店旁邊, 另有一個入口. 名字叫奇華小廚. 奇華餅店開的茶餐廳, 咁有意思一定要入黎食個Tea. 看了FL的食評, 才知道這兒不只是一分為二, 是一分為三, 角位, 餅鋪, 前鋪茶記, 後鋪員工飯堂. 我有位朋友曾在食品公司任職, 一樣有free lunch 服務. 相信奇華員工, 應該也是 free lunch 吧. 人, 始終是為食的, 齋妹看到相片時, 怒bea了的一下....(又食野)........係.....我唔甘心入到黎淨飲tea. 叫份茶餐才像話. 於是, 就輕便的, 叫一份吉列扒配沙律.下午茶的吉列扒, 通常都是薄扒. 因為塊扒薄, 所以最重要是唔好炸到乾. 有D茶餐廳, 搞到塊扒變成脆肉餅, 咁就唔好食啦. 呢度雖然塊扒薄薄, 咬落, 除頭尾外, 中間既肉汁依然, 雖只是極普通既扒, 但最重要是有味. 沙律, 是水果沙律, 而且又有椰果. 不是普通茶記的薯仔沙律. 味道因為多水果而覺得特別清甜開胃. 奇華,

看完裝修工程進度，抽十分鐘吃個早餐，飲杯咖啡，充足電再應付往後的工作。是茶餐廳格局，分開兩部份，前面是對外開放的，後面則是奇華員工飯堂，幾企理。有中、西式早餐供應，想飲咖啡，還是西式的跟咖啡比較匹配。來一份最似英式的早餐。煙肉、炒蛋、雞肉腸、焗豆、薯條和厚多士每樣少少，並不算大堆頭。煙肉不會太韌，卻有些少硬；炒蛋不滑，但又有點蛋汁，差唔晒；焗豆明顯是罐頭貨，亦沒有加熱，我還是喜歡吃熱的焗豆；薯條炸過了火位，乾又硬；最好可能是厚多士，香脆，塗上香滑牛油最好。拉上補下，算是普普通通擺。熱咖啡香濃，早上飲一杯，醒神！放低廿二蚊，坐車返回工作崗位。

係加價潮之下, 奇華的特價燒味午餐只係 $20每日的燒味款式都不同, 但只得一款無得揀而且仲有例湯送, 係荔枝角來講, 確實係超值的燒肉同油雞都唔錯, 值得推介

年廿九個日去香工諗住執下平野過年, 黠知到多人過維園,行到甘上下, 就去左附近既奇華諗住食個乳豬飯啦,因為之前食過都幾好食, 點知去到咩燒味麵賣晒,得返雞同燒骨,甘係無得揀既情況下,唯有食呢兩樣啦...d燒骨真係得骨,但味道都ok, 最衰就係d雞, 唔熟既(我知有時d雞有小小血係正常, 但係呢碟甘既野係連d肉都未變色), 甘叫個waiter埋黎同佢講啦, 點知佢仲係到死牚話我地中國人食雞係生生地, 真係火都黎埋, 我就同佢講叫佢食一舊黎睇下, 之後佢先死死氣拎碟野去叮, 點知叮完都未叮係一樣, 真係不知所謂....之後叩佢cancel返又係到伊伊哦哦...卒之要叫個類似經理既人先搞得掂....真係煩....一定無下次...

自己係附近番工,有時會一大班同事去食飯,食物味道唔錯,小菜小炒味道一流, 員工態度可以接受,不過要自己搵位唔係咁方便,呢間餐廳最得意既地方係有中國茶飲,食飯加幾蚊就有壺茶飲都幾寫意.裡面的燒味聽說不錯, 可以一試!唯一唔好就位環境差少少, 廁所又好污糟,卡位好硬坐得唔舒服, 要改善一下~

轉左新公司後呢間係我既外賣飯堂, 每日都有一單併燒味飯及一款炒粉做特價, 只係$19, 燒味仲包埋湯添喎. 特價餐無話燒味份量少d, 有時師傅仲會照斬肶比你架. 而正價炒粉就少油唔會太鹹, 最好食既係豉油皇炒麵同埋乾燒伊麵, 其他小菜都ok架. 外賣份麵比堂食平幾蚊添. 不過堂食有一個唔好處, 佢要收茶錢$5一位架