奇華餅家 (綠楊坊)

营业中

休息中

雪儀話我知奇華既蒸蛋糕而家做緊特價, 而且佢食過覺得好味, 所以我趁特價就買黎試下! 雪儀話有綠茶味, 朱古力味同雲呢拿味, 但而家只得咖啡味同雲呢拿味, 我每款要左一件! 又幾好味喎, 咖啡味香得黎唔會苦, 雲呢拿味香得黎唔會好甜, 因為我成日都覺得雲呢拿係好甜, 而呢個味道我覺得幾好, 唔會好似香精或者好artificial, 至於蛋糕又幾軟熟, 都幾有質感, 雖然係細細個, 但唔會似一陣風, 唔會好似冇食過野落肚咁! 如果佢有埋雪儀所講既其他味道就好喇!

奇華龜包原價$4, 而家特價$3.5一個, 之前見食評對佢有讚亦有彈, 我食過之後, 就覺得不過不失, 味道少少甜甜地, 食到有d 奶味, 睇下佢既成份, 原來係有奶粉, 牛油味唔多, 幾合我口味, 因為我鍾意奶味, 唔鍾意重牛油味, 至於麵包既口感, 唔係屬於軟熟個種, 而係屬比較實個種, 不過唔會覺得好硬, 我覺得呢個龜包除左外形怪怪之外, 就冇咩特別既地方, ok 咁啦!

奇華瑞士卷原價$4一件, 而家特價$3.5一件, $6.5兩件! 見有平野於是就買黎試下! 有三種不同味道, 分別係原味, 朱古力味同咖啡味, 三種味道都不係太甜, 朱古力同咖啡既味道都唔太出, 淡淡地, 唔係好濃, 如果味道可以突出d 會好d, 因為而家既味道分別不大!不過, 好彩中間卷住既cream唔係好多好厚, 所以都幾迎合唔鍾意cream 和太甜既我既口味, 而蛋糕質地又非常軟熟, size又比其他餅店大一點, 都幾抵食!