奧莎

营业中

休息中

奧莎既蛋撻真係馬鞍山一帶最好食（以前麵包城啲蛋撻都OK, 不過近年退左步），蛋漿做得好好，有蛋味甜味，顏色吸引。每次經過都一定會買。佢啲麵包都好好食，好出色，價錢經濟實惠，又飽肚，味道當然好味，選擇多個人特別喜愛：牛角包(各款)，黃金芝士條(菠蘿包蓋，芝士陷)，肉桂冬甩弱項就係蛋糕甜品類，估計都係來貨，佢同motto 差唔多味咁，所有芝士蛋糕款都好似差唔多味題外話：其實唔知奥莎同麵包城係咪真係有關係，佢哋既麵包/曲奇/甜品係差唔多，款式外貌相同，會唔會真係同一集團？ (聽左好多年既傳聞🤪)

平時多數都係呢間買開麵包，附近幾間街坊麵包店，呢間算係唔錯，價錢都合理。依家疫情咁嚴重，我多數都係買方包，因為方包有包裝，其他都係一盤盤擺晒喺度，成日打開晒啲櫃門，唔係好敢買，如果老闆睇到，希望可以留意番

以為奧莎只得bakery估唔到會賣開好似X記既蒸飯同鍋貼點心，種類都幾多下，拎完外賣經過見到有芫荽豬肉鍋貼，就決定加個小食😝鍋貼都算大隻，4蚊一隻，個綠色皮好得意😂食落有D荽味，不過就比較硬，同埋個底都只係有少少金黃唔夠焦脆，餡料好足，滿滿豬肉（味道都同X記有啲似😆）少少芫荽，可以食得出芫荽味，整體味道ok唔會覺得油膩，但芫荽黨就覺得完全唔夠荽，要至少多一倍先可以叫芫荽豬肉鍋貼㗎🍀芫荽豬肉鍋貼 6.5/9

麵包味道偏甜，尤其是酥皮更為甜膩。口感鬆軟有彈性，酥皮卜卜脆，惟食後不是很飽肚。從橫切面可見麵包有很多「蜂巢洞」！但仍不失鬆軟口感和香脆酥皮，款式仲要超多,有D款式仲要幾特別！！！！！！！！！！！！！！！！！！！！！！！！！！！！！！

以為食評不多沒人喜好，其實早上人流極多，背包較大都怕阻住後面排隊那些早餐客。熱狗，醬多，醬有點兒蛋黃定甜甜的味道；香腸微微略細，但包夠大夠實心，都夠飽的。綠茶紅豆包的綠茶沒有什麼味道，但是內裏紅豆餡夠多，因此成個包起來偏甜，味道還可以吧；蛋撻雖然整齊排列，但蛋味欠奉，就是個餅底夠脆夠熱囉。魚柳包，沒有什麼特別，但原來這個包質地夠煙韌，即使魚柳有點乾，但沙律汁還是令到它味道相當不錯。炸咖喱牛肉包，向來覺得炸包不容易做，因為做得不好很容易令到它非常乾，但這兒的炸包，夠煙韌得來又不乾，內裏還是肉質豐富，咖喱味道不算太辣，牛肉碎粒在內，可說是近年吃過最好味的炸包。菠蘿油，本身都沒有想到早餐吃這個，但看到他賣相的確吸引，有沒有試過這樣的菠蘿皮，就不如一次過試一次，菠蘿皮夠趣，內裏的牛油，整條也一樣厚，沒有偷工減料，牛油夠香，吃起上來可口，縱然是有點肥膩。反而，糖冬甩就沒有什麼特別，糖都不算太多，質地普通，不見得有什麼特別。

之前聽過店員交談，話有吱吱(明眼人一聽就知係老鼠)⋯⋯可能見到我畀緊錢，講完即刻收左聲隔咗好耐之後，我去買左一包4塊嘅方包，一塊發霉，另一塊未食之前見到有曱甴腳好彩未食前望到，已經唔會再去買啦。雖然麵包算平價，但會去返A-1 呢啲有質素保證嘅地方買麵包。

今日公司同事要出街揸車出開銀行入數，回來佢順便經過此店買左兩打蛋撻回公司，請我地班同事食。今次買太多，結果要幫手食多件，分別食左牛油皮蛋撻和酥皮蛋撻各一件。平時喜歡食開牛油皮蛋撻，今次食晒兩種可以比較一下。牛油皮蛋撻 ($3.5)牛油皮薄脆而不硬欠牛油香，蛋漿多但沒有蛋香，味道有少少過甜，食一件好夠。酥皮蛋撻 ($3.5)蛋漿比較少皮比較鬆化，蛋漿少左反而覺得無咁甜，相對味道平衡番，比牛油皮蛋撻好。

話說。。。。。。我今日喺返工之前，入左去呢間奧莎麵包店~~~買左一個番茄吞拿魚三文治做我既早餐。。。。。點知到食果時打開左之後。。。。。就發現個白麵包發左霉。。。。。上面睇到有d一點點黑色既霉菌。。。。。好嘔心。。。。。好彩我有留意到。。。。。唔係既話如果食左落肚就GG了。。。。。。btw，最後，我成個3文治丟左，就係咁就曬左我11蚊了今次之後我打算以後都唔幫襯佢了，，寧願行遠少少去第二間買好過。。。。。。。

This bakery always has super fresh buns/breads/desserts. The price is very reasonable and the egg tarts are amazing. I got some for my grandpa and he said they are the best egg tarts hes ever had. So big thumbs up👍🏼the bread is so fresh that its still warm, and the biscuit moose pots look so good. Definitly my go to bakery 👍🏼

食麵包，蛋糕，其實我最喜歡的，是一些本地街坊的麵包小店。在馬鞍山，本來好好地地有一間只有區內連鎖的麵包店，名叫《麵包城》，可是執下又一間，執下又一間。本地的品牌只剩下分店不多的《奧莎》。是日，我們買飯盒也看看有沒有甜品，本來是尋《麵包城》的，但該麵包店早已經人去樓空，亦變了另一間商店。我們八卦的在第三期的商場行來行去，結果一轉角，給我看見《奧莎》這名字，後來從網上得到消息，原來是《麵包城》改名了。甜品，我們看中了木糠布甸，所以一人有一杯。回到家，大家吃好飯，就打開來吃了。夠凍，很 creamy 的口感，再加上是分了三層，三層都有木糠，很滋味的一個小甜品。For 另一日的早餐，我們買了一隻奶白蛋撻同一隻普通的酥皮蛋撻來吃。奶白蛋撻沒有蛋味，換來的是可愛的奶油香，但很甜。正常的蛋撻也就是正常的蛋撻，沒有什麼驚喜可言。同以前的《麵包城》一樣，是一間沒有驚喜，也不需要驚喜的街坊麵包店。服務街坊，不需要太過華麗同特別，唔難食就得架啦