影片
食家推介
今早孤独的善食家只身来到火炭骏洋商场的好佰佰茶餐厅，点了一份港式早餐：叉烧出前一丁面、煎双蛋、多士和即磨咖啡，仅需$36，性价比极高！叉烧出前一丁面汤底浓郁，叉烧软嫩入味，面条弹牙，令人回味。煎双蛋火候刚好，达到我要全熟要求，搭配香脆多士，简单却满足。即磨咖啡更是惊喜，香气浓郁，入口顺滑，为这餐增添了温暖的尾声。早餐份量十足，吃完很有满足感，无论味道还是环境都让人舒心。好佰佰的服务态度亲切，店内干净明亮，适合一个人静静享用早餐。对追求实惠又美味的食客来说，这里绝对值得一试！记住，电梯按1字即到达门口😋
继续阅读
今日叫咗个二人套餐， 叫咗姜葱蚝同粟米斑块，姜葱蚝虽然大只好味，但系一煲要加40蚊都系得五只蚝。 碟粟米斑块足足等咗50分钟，连啲饭冻晒碟𩠌都未到，原来要 等有第二个order先至会一次过整两碟，如果成晚冇人叫咁就唔洗食。 激气。。
继续阅读
今日喺火炭一个活动中心开会，开会开7点先散会，同事话食埋饭先返屋企，咁一齐喇，一齐过去骏洋邨商场1楼茶餐厅，可能屋邨关系晚上生意都比较静，餐厅只有两三成客人。烧鹅三拼饭，亚姐话系预设咗烧鹅、油鸡、叉烧，无得拣的，叉烧唔系好似烧炉出品，似系焗，系唔同风味都好食，油鸡切咗鸡髀位置得3件仔，鸡皮够滑。烧鹅就比咗最肥近尾部位，系好香鹅油味，不过就无肉，有人最喜欢这部位，我喜欢啖啖肉唔多识欣赏，烧味整体味道唔错。焗猪扒饭即叫即焗，猪扒软软炒饭底，上面有菠萝、洋葱、蕃茄茄酱芝士焗好香，洒咗香草落去，又系唔系个个人都会欣赏。
继续阅读
今日和朋友去咗火炭买床品，不经不觉行到下午1点钟，知道骏洋邨巴士总站有巴士出返尖沙咀，就行上去揾食，食饱先搭巴士出尖沙咀，骏洋邨商场店舖不多，但食店就有4-5间，我地选择咗商场一楼嘅呢间好佰佰，店内都几大但人很多，见两个吉位即刻坐低叫嘢食，朋友叫咗个午餐，黑椒汁牛排肠仔蛋饭加冻柠茶。我就叫咗餐厅精选菜式，梅菜扣肉叉烧饭加热即磨咖啡，好搞笑精选仲平过午餐，啲定价真奇怪。朋友话佢个饭都几好食，我个饭甜梅菜，腩肉淋，叉烧就合格，价钱系合理。
继续阅读
今早去行山，终点位于火炭工业区，又到午餐时间，想起月头才到过的茶餐厅，位于火炭骏洋邨的好佰佰，就提议朋友近近地医肚，今次我们坐在近窗的卡位，景观开扬远望沙田，都不错。今日朋友点了午餐雪菜肉丝炆米，我试咗少少，味道都唔错，系即叫即炒，有啲镬气，就系觉得水分多少少。常餐煎猪排蟹王面餐配火腿奄列.丹麦多士猪排煎得香，蟹王面软硬适中，火腿奄列正常无特别，丹麦多士就好似普通多士，仲要烘得唔脆。最欣赏依旧系即磨咖啡，香浓。感觉环境卫生度比上次体验还低分了一点点。
继续阅读