好味皇茶餐廳

营业中

休息中

由於這天跟友人K中午食完飯, 晚飯來到這間稍為低調的餐館, 早上及午餐似乎是茶餐廳菜式, 晚上才是”小炒皇”那類菜式, 我跟太座第一次來, 點了些比較穩陣之選, 是晚有: 蔥油雞半隻- 算係皮簿肉滑嘅, 但味道只是一般般, 魚香茄子煲- 這個明顯係重油濃味之作, 炸茄子為主, 免治肉就無乜啦, 魚香嘅咸魚亦不知影踪??整個餸離題甚遠, 除咗個汁做到似模似樣之外,椒絲腐乳唐生菜- 椒絲欠奉, 腐乳香亦欠奉, 有的只是咸味, 實在”失敗之作”清蒸黃立倉$58- 這個稍為似樣了, 因為出事都可以賴條魚唔新鮮, 條魚唔差啦咕嚕肉$38- OK囉, 或者當晚食唔到這餐廳的拿手小菜啦

工作關係到附近做完野就來此店醫肚.2時多已經供應下午茶, 無咩胃口叫左個豬扒沙律+熱檸茶($22), 點知下午茶仲要送碗中湯, 十分奇怪....睇到湯已經知道味道如何, 無咩期望只係味精水.豬扒亦同賣相一樣一點都唔吸引, 油淋淋又無咩味道, 醃前豬扒又無拍鬆肉實唔討好.成個茶餐最對板係個汾律, 起碼唔會過分地出水, 味道都算唔錯.至於杯檸茶都係麻麻茶濃可惜一點香味都沒有

一間食店既質數、質量同服務係好重要，話說我今日去開個間食店叫了快餐，一個魷魚蘇炒面，一個鴨腿湯飯。呢間晚市叫咸魚煎肉餅，咸魚夠臭，肉餅夠彈。值得推介。不過個下午快餐就……，先說個炒面，搵匀成碟得三條魷魚蘇仔，甘我知因係快餐炒定的，再夾出來上碟，我就好有禮貌叫服務員來告知。他見到就說“快餐係甘，冇可能成碟都是“我就立刻回禮“甘都吾係得三條仔掛？“他見我有火就笠水說“好吧，給你換另一樣，仲會話反映給老板知“

今天我們4人晚飯鐵腳~ 小妹、爸爸、契爺和契媽~ 又在駕車出去找好味的~~之前去添好運時見到這間茶餐廳, 門前的餐牌花多眼亂, 引起爸爸的興趣, 多番提在口邊終於今晚來試~7時多, 客人不多, 老闆娘說這兒到9時左右才開始旺, 的確我們坐到8時多就越來越多人。 爸爸最喜歡看貼在牆上的餐牌, 這晚他意見多多, 話咁快已決定好今晚的晚餐~百合淮山炒雲耳 - 淮山比時多是用作煲湯, 炒的煮法真是比較少機會試到。 好聽的說是"清清地", 說穿了是淡而無味, 始終3樣材料都是很淡味, 炒在1起當然沒有1個突出的味道主整道菜的主導。 唯1是炒的淮山很爽口, 吃著似吃粉葛。生魚2吃, 1是西芹炒球, 雖然伴以乾蒜粒炒, 但同樣是很淡味。 而生魚另1吃是以生魚跟絲瓜豆腐滾湯, 連湯料都端上桌, 簡直可以當成是3吃。 魚湯的味道很假, 始終只是滾了10多分鐘, 生魚怎會出味呢, 反而令湯渣的生魚比炒球的更鮮味。薑蔥蟹煲 - 細細1個砂煲, 熱呼呼的上桌, 整整是1隻中等身形的蟹, 蟹煲煮得較濕, 火喉不夠, 從配料薑蔥都未入蟹味; 而蟹肉雖然蠻甜, 但不太新鮮, 肉質很水, 而且味道只在外殼而沒有煮到蟹

本身都係為食之人,所以一大班人去食添好運,去到大排長龍,有人提議覺得食小菜,去隔離食小菜,一路對餐廳食大排擋小菜不是有大太大期望..........但今次真是例外先嚟個炒准山,自己買個d好粉但呢度食個d係爽嘅,配埋黑色嘅雲耳出奇地夾炸蝦球....好味,呢味小菜唔係度度有,好似通常去飲先有得食,呢度做得不錯奇味雞煲.....辣得十分惹味,的白蘿蔔索曬d味,勁正,必叫避風塘炒蟹,勁多膏响底唔,叫伙計唔好咁快收走個碟啊炒合掌瓜,o通菜炒牛肉 ok啦washabi 翠玉瓜牛肉,好特別但又出奇地夾喎,好味總結,其實我之前去開前面小菜王,試我覺得他們太多炸野...呢間小菜做得好有誠意,可以一

有一日...如常地坐地鐵返工,手上有一份免費報紙.邊看邊搭車,看到深水涉開左間米芝連點心店,咪想收工去食下囉~~ 約晒D fd (7個人)去到水深水涉點心店....OH ~~~~ 多人到暈 ... 唉~~~ 掃興!!!!算啦~見旁邊有間小菜茶餐廳,入去醫肚就算數啦!! 入到去,個"肥嘟嘟"個女伙記走過嚟~比個餐牌來...看來都幾多野食,甘咪問下樓面有咩食先…佢就問我,你食唔食得辣先,如果食得,叫個”奇味雞”啦!! 仲有個炸蝦餅都唔錯 (送酒very good) , 我見她介紹的菜價錢都不貴,咪叫住2個菜試下先啦~~唔好食都可以走麻來第一個菜係蝦餅, 一牒8件左右,食落口…幾好味wor , 又不太油淋淋,而且仲有蝦肉味幾彈牙,仲配左個酸汁,夏天食也醒胃. 食到一半後 …. 奇味雞到了,我地立即食啦…呵呵呵….真的好味道,越食越辣,邊食邊飲啤酒,人生一樂也. 之後我地仲叫左下面d菜 ….*** 10 分最好味1. 奇味雞($98 , 10 分 very good!!)2. 蝦餅($68 , 8 分)3. 西蘭花炒鮮"友" ($58 ,6分,味道淡d啦) 4. 蒸紅友 ($48 , 7 分,

果晚一行8人去吃晚餐 感覺唔錯深水唔小餐廳我地呢班飯團都去過今次呢間感覺其炒小菜既水準都唔錯d送既味道食得杯落 而且外觀鮮有地漂亮>< 拍得住酒樓飯宴果d送!士頭婆很友善XD 果晚吹到淩晨點幾先走價錢方面就中規中矩拉...不過比起旺角佐敦果邊就平一截8人埋單4百多D 有空既話應該會再去多次順帶一提 餐廳門口出面就有parking area

一行四人係附近行完街路經此地見到呢間餐廳既價錢公道, 衛生情況又可以, 就入左去諗住試下一共叫左四個送酸辣水煮魚 $38本人完先麻麻地魚, 但友人好中意食所以堅持叫左。泥到見到個賣相不算太好, 但係出奇地食落個味道又吳錯。 碧綠海螺片 $58個汁調到超好味!!!!!!雖然係一簡單既送, 但係真係值得一讚!!!D菜吳會老, D 姑極度爽口吳會un。唯一不足之處就係太少姑....但係真係好yummy!!!!! 西蘭花雲耳鮮魷 $58普通一個送西蘭花爽口, 鮮魷吳會太淡, 可以一試. 咕嚕班球 $ 38呢間小店加入左D蔬果去整咕嚕班球, D汁既味真係比一般既鮮味, 係encore 之選!!!!總結 : 如果係一行人想叫送食飯, 呢度真係一個吳錯既選擇。價錢相宜但係D送既size 比一般 既大

上2星期行過福榮街..見到呢間野好生面口...一問之下原來係新開既...咁咪入去試食左一次...估唔到味道真係唔錯...最衰果次冇影到相..所以上個星期5 帶埋成班朋友仔去食..今次1行8人 叫左7餸1湯湯就係 瑤柱粟米雞蓉羹個湯一黎就俾人掃晒..影都影唔切~"~唔係講笑..真係抵食..因為夠8個人分..仲要有多而餸就有: (頭6個有影相仲同評價)1) 京都肉排 2) 百花墨魚餅 3) 椒鹽豆腐 4) 西檸雞 5) 腐乳通菜肉片 6) 泰皇醬豬爽肉 7) 沙嗲金茹肥牛煲 呢個係最想影但又係影唔到..因為一黎...又冇晒. 因為實在太吸引..一上菜..D 啪啪聲係咁響..仲要好香 已經冇人去影今次食咁多野都只係390..認真抵食~!!!!咁多位真係不妨試下..呢度服務唔錯...老闆娘好NICE...佢仲話呢度有VIP房包..不過要打電話去BOOK搵日試下叫多D人黎包間房先