影片
以上资料只供参考，请与餐厅确认详情
葵芳其实很多小店去发掘，作为一个饺子控一直想试这间小店，但由于唔想中午繁忙时段过来，于是今天忙完已是三时许，唔想吃得太饱，饺子就最适合。墙壁上挂着大大个餐牌，笔者依个时间，当然二话不说就点下午茶餐啦！枱上调味饺子，最吸睛就是那辣菜莆。豆豉辣椒菜甫，未算太辣，很惹味，恰到好处。滋润雪梨茶~下午茶餐配饮品，而且不用加钱可以配雪梨茶，酸甜度几爽。迷你版有5只汤饺，汤底是野葛菜生鱼猪骨汤，食店标榜每天新鲜熬制4小时不加味精，墙壁上的餐牌还注明汤底的功效，诚意可加。芹菜肉饺/甘荀沙葛肉饺$35~虽然是下午茶，但以一个人的份量也有满足感。整体来说:下午茶时段3点至6点，双拼饺加$2，以$35可以试两款口味还配饮品，超值。支持小店，下次会回头再试其煎饺，后会有期。
继续阅读
行完葵广，想揾间餐厅食晚饭，周围都系好贵嘅餐厅，上网揾到间隐世饺子店，价钱较平民，于是就去试下🥟店家有7款饺子选择，扫完街想清淡少少所以就拣咗最经典嘅白菜猪肉饺同埋有云耳椰菜猪肉饺。汤底系野葛菜生鱼猪骨汤，饮落清清地，应该系真材实料无味精，因为平时饮完汤会劲口喝，呢个汤就唔会🫕份量方面有6只同10只选择，6只37蚊，10只就47蚊，如果正常咁食晚餐就点都会拣10只抵食啲，不过今次唔太饿所以只系拣咗6只。佢可以选择汤饺或者煎饺，我地一向食饺子都钟意汤饺清淡又原汁原味，今次都唔例外，饺子皮薄馅料都足，但饺子嘅size唔算太大只，当刻食完系够饱嘅，不过番到屋企临训前就消化哂又饿了🤣不过以呢个价钱黎讲都绝对算性价比OK，本身唔系太大食的话都值得推介一试🙂↕️
继续阅读
之前见好多人排队买外卖 一直都要想试行完葵广 见不用排队 就试下汤饺 （10只） 双拼- 粟米肉饺+ 云耳椰菜肉饺粟米肉饺- 粟米鲜甜 味道自然食得出唔系罐头 / 冻肉店买一包包粟米云耳椰菜肉饺 - 椰菜爽口两款饺子 大只饱满而且皮薄 (薄到清晰见到入面的馅）味道清淡 肉馅比例均匀 肉唔会满口肥肉 但唔会全瘦干净净同时食到配料 （粟米/ 椰菜）的味道煎饺 （10只） 单拼 - 韭菜肉饺非常非常推荐韭菜煎饺煎饺同汤饺的饺皮唔同煎饺的一边系平 相信方便放pan煎（好像可以单买饺子 客人回家自己煮）饺子煎型金黄色 亦脆身 但入面依然juicy 韭菜十分香浓 而清亦令肉饺唔觉油腻 钟意食韭菜一定要点总结价钱： 两款饺子50蚊有交易 非常便宜 下午茶更见只系33蚊 食物： 小店装潢简朴 食物系一种自己包自己煮的家庭料理感觉 味道自然 当日我地当好点埋最后一碟韭菜肉饺 见店员同其他客人讲卖晒 可否改其他 感觉食材新鲜 唔系一早做好既预制菜价钱便宜 但韭菜饺子非常出色 行过葵广会因为咁再食
继续阅读
近排嘅热门话题一定有饺子！之前save低咗呢间好味饺子，今日终于有机会嚟葵芳试下，睇下系咪真系咁「好味」！🥟 汤饺双拼（10只 $49）汤底系野葛菜生鱼猪骨汤，饮落完全无味精，清甜不过咸，绝对系今餐嘅亮点。饺子份量大，皮比较薄同偏腍，其中一只仲穿咗皮。 • 云耳椰菜肉饺 🥬椰菜超爽脆，食得出用料靓，调味平衡，保留到蔬菜本身嘅甜味。不过猪肉味较淡，整体比较清新。 • 韭菜肉饺 🧄正常发挥，韭菜比猪肉多，唔错但无特别惊喜。🥟 煎饺双拼（6只 $39）佢哋嘅煎饺做法几特别，唔系包实，而系冚埋块皮直接煎，煎得唔会太油，咬落个皮有少少烟韧，焦香适中唔会㶶。不过相比汤饺，煎饺体积较细，馅料相对少啲。 • 甘笋沙葛肉饺 🥕市面少见呢款馅料，食落超爽口，脆卜卜，好有惊喜！ • 粟米肉饺 🌽粟米甜度高，咬落 juicy，有层次感。个人觉得佢哋嘅汤底比一般饺子店更出色，会想为咗个汤再访！饺子馅料靓，调味适中，不过饺子皮偏薄同腍，未必人人都钟意。整体值得一试，特别推荐汤饺！
继续阅读
我朋友好钟意吃饺子，今次就带佢嚟试下呢间饺子🥟店。饺子有7款：粟米肉饺、韭菜肉饺、白菜肉饺、芹菜肉饺、云耳椰菜肉饺、甘笋沙葛肉饺、芫茜肉饺胀卜卜，馅料够份量。可以双拼，试多啲款式～叫大碗有10只，唔洗加面都好饱肚。汤饺叫咗经典嘅韭菜肉饺同白菜肉饺，韭菜香味独特，白菜口感清爽。我自己最钟意食煎饺多啲，炸到金黄色香脆可口，粟米肉饺颗粒饱满嘅金黄粟米香甜好吃～云耳椰菜饺加入咗爽口嘅云耳，口感更加有层次。下午茶只系$33，有5只汤/煎饺加饮品，相当抵食。下次想试埋野葛菜生鱼猪骨汤，冇味精，每日熬制4小时。
继续阅读