影片
付款方式
以上资料只供参考，请与餐厅确认详情
早兩日下晝同一個朋友4點幾去幫襯，店裡面有幾卡位都無人，我同朋友就求其坐埋其中一張卡位嘅一邊( 每張枱面都有隔板，我哋已經自動自覺坐一邊 )，未坐熱個樓面阿姐就叫我地移位坐去前面一張卡位嘅一邊，嗰張枱有個男人食緊飯，我唔想轉來轉去咁煩，於是同阿姐講：點解要我轉枱，明明大擺空枱，我轉去同人搭枱，人地食完走先，咁咪同我而家兩個人坐一邊一樣，點知個阿姐即時好似著火咁，用啲好差嘅語氣同埋態度回應，我同朋友就選擇走，食個飯都要受埋啲無謂氣，呢間嘢啲服務真係垃圾，唔會再幫襯。講多句，香港人北上消費其中一個原因係服務態度好。
继续阅读
好食，但唔會再幫襯。同朋友叫咗兩個飯餐各$55，送湯，朋友加凍飲$3，總價$113，朋友個飯等咗成50分鐘都未出，期間問過老闆娘，話整緊，點知最後我食完朋友都未有得食，再問老闆娘，佢好愕然話吓乜仲未比你咩，佢去廚房問咗一大輪，最後確定漏單，我哋即走，買單比錢嗰陣佢話搞到咁唔好意思，你朋友杯凍檸茶唔收錢啦，但係個例湯要收錢，我話個湯唔係送嘅咩？佢話因為個飯無出所以湯要收返錢……，最後收$76( 我個飯$55，朋友個湯$18，朋友杯凍飲$3照收，無錯，佢玩失憶照收 )，其實佢講個湯要收$18根本就係想將杯凍檸茶計返正價，玩語言藝術，當人白痴，最黑人憎係講一套做一套呢頭話唔收凍飲錢嗰頭照收扮失憶。
继续阅读
經常在深水涉這美食地圖吃午飯, 亦喜歡參考openrice食評去光顧未去過的食店。我是路過walk-in來的, 之後繼續來, 亦多次帶父母兩老來, 大家都吃得十分開心滿意。由於相關食評太少, 因此想在此分享自己的經驗。今次是父母和我三人來。這店是在新香園新店旁邊, 餐廳內裝修頗新, 茶餐廳格局, 環境清潔舒適。我最喜歡吃健康蒸品, 叫了「杞子紅棗蒸清遠雞飯」, 老爸叫了「蒜蓉豆豉醬蒸倉魚」。每份蒸品是包燉湯, 用燉盅來盛燉湯, 熱騰騰, 食材足料, 味道合適, 飲後從不口渴, 讚。蒸品是即叫即蒸, 熱騰騰上菜, 兩份蒸品的份量合理 (附照片), 少鹽少油, 有家的味道, 連喜歡吃住家飯的老爸也吃得津津有味。每個蒸品是配一大碗白飯, 是男士的份量, 一定夠飽。老媽叫了「枸杞豬肝生魚片湯飯」, 同樣是即叫即蒸, 熱呼呼上菜, 長者是最喜歡了。大湯碗內有大量枸杞, 老媽說豬肝很滑, 魚片是一大片一大片的, 食材足料, 好味道, 不口渴, like like like!!!每個午餐都附一杯飲品, 老爸選了熱咖啡, 我要了熱菜蜜, 老媽覺得太飽了, 不需飲品。大家每次都吃得滿足, 多次光顧, 食物品質都保持得好。每個餐份量十足, 只是數十元, 絕對抵食。支持本地小店, 強烈推薦。
继续阅读
偶爾在上班途上會幫襯的這間以僑鄉風味招徠客人的港式茶餐廳，我吃的都是同一款在餐牌上寫著「豬手公仔麵」（$33）的早餐，但其實這早餐的主角不是原隻豬手，而是別處少見的燻蹄，除了份量不少的燻蹄外，這早餐還有牛油厚多士（半件）配火腿、午餐肉、腸仔或煎蛋擔當配角，價錢合理，也有點特色。就以這次為例，我吃的「豬手（即是燻蹄）米粉」，配腸仔煎蛋、牛油厚多士和凍檸茶，腸仔、煎蛋與牛油多士都是正常發揮，不是特別好，也不會怎麼差，走甜的凍檸茶也沒有苦澀味。至於正主兒的「燻蹄米」，燻蹄甚多，沒有吝嗇，味道可以，以早餐來說，質量已能令人滿意，加上少許黃芽白與蔥花，配以幼細的米粉，才三十六元，收貨。
继续阅读
諗住拜太歲，點知無開，唯有係附近醫下肚，花膠清遠雞湯飯，足料，好夠味，鮮蝦蒸紅鮋，夠新鮮，下次要試下個五味鵝，幾吸引，絕對有回頭，可能疫情下，人流比較少，但值得支持
继续阅读