好好甜品

营业中

休息中

萬聖節夜想出街，決定入太和食吓好好甜品。今日人唔多，可能大家都出晒去市區玩，所以好快入到去。呢度選擇都唔少，大埔地膽推介香芒類嘅撈撈，所以都叫左啲芒果野試吓。芒果班戟皮薄餡靚，切開見到忌廉入面有大大粒芒果，都幾真材實料，而且唔酸同無渣。對比另外叫嘅兩款甜品，班戟嘅口味較為冇咁甜。雪花涼粉有好多雪花，寶物沉歸底，勺一勺就見到涼粉了。雪花食落似乎係椰奶做，椰香味好濃，喺仲有啲熱嘅天氣食到都幾透心涼。食落覺得應該叫雪花小丸子會比較夾，不過夾涼粉都唔差。香芒忌廉蘆薈撈 滿滿嘅忌廉入面 有片片芒果同蘆薈粒。因為真係好多忌廉，所以食落罪惡感好重，但食得甜品就唔諗lu。蘆薈粒食落好似有浸蜜糖，個人覺得幾特別幾鍾意。呢個芒果都係唔酸無渣，非常抵讚，唔怪得叫芒果大王。雖然呢度埋單都接近一百蚊，但生果唔酸嘅甜品幾難得，值得偶爾一試！

今晚同男朋友食完飯想食甜品，就嚟咗好好甜品～鋪頭入面枱同枱中間都有空間，唔會話好迫，要同隔離痴住咁～佢號稱芒果大王，當然要食芒果類甜品啦！我叫咗香芒忌廉珍珠撈 ($38)🤤上面有好多忌廉，就快滿瀉，而下面嘅係芒果汁，有少少沙冰feel，裡面有少少芒果肉，果肉都幾甜，但對於平時鍾意飲少甜或者走甜嘅我，呢個芒果汁實在太過甜喇，好似落咗好多糖水咁😢不過聽講可以叫少甜，大家可以試吓～下面係珍珠，煮得啱啱好，好煙韌嘅～男朋友叫咗香芒忌廉芋圓撈 ($46)～基本上所有嘢都係同我嗰個一樣，只係珍珠變咗芋圓～但呢個更加失望，啲芋圓煮唔透，咬到入面仲係一舊粉咁😢佢嘅質素真係對唔住$46呢個價錢😢

正好週末的時候到附近吃雞煲，看到兩家甜品店，都想試試，但是當日都不能吃冰的，於是選擇了相對熱甜品多一點的好好，我選了椰皇燉蛋白，這個我都喜歡熱的，加了一份芋圓，味道正常，沒有特別亮眼，另外小雞胃選了雪花冰涼粉，也都不出彩

琴晚同朋友咁啱喺附近食完野，就去咗呢間糖水舖食甜品，選擇來講都算多嘅，價錢中規中矩，因為餐牌上面有啲甜品名唔係好清楚所以就問，不過態度就好一般，真係有啲扣分。叫咗呢個椰汁紫米露$22，正正常常偏甜。

好少去太和，行行下見到呢間甜品店，唔算貴就試咗了🤣佢喺大埔超級城行過去都唔算遠，附近都有甜品鋪，但佢人流最多，所以即刻試吓🤣🤣餐牌有好多款式可以選擇，又有中式又有西式！兩個人食嘅關係就叫咗兩款！最推薦呢個雪糕芒果碎冰😍雪糕仲可以自己揀味😋 芒果碎冰食到芒果果肉 ，仲帶甜甜地😍 非常啱夏日！另一款係黑糖芋圓丸子盛！ 通常食呢啲丸子就試得出呢間甜品鋪質素如何😋 唔太淋，有咬口！ 只可惜黑糖太濃 太搶味，覺得偏甜🙈

好好甜品😋😋大埔懷舊甜品店😍😍香芒忌廉紫米撈$36😋芒果好甜，忌廉多，而且紫米煮到剛剛好又唔會太淋，又有咬口😍😍 楊枝甘露$37😋楊枝甘露入面都好多料，而且芒果都係好甜，好好食😍😍地址：大埔美新里5號美菱居地下B舖整體評分：4/5味道：4/5

有日跟老婆點了芒果班戟，芒果西米露，蛋白蒸椰王，老婆食食下椰王發現有少少苦，D奶肉有些少黑色😢，跟侍應反應後，侍應先收走，過左一陣間，有個師奶同我地講佢既椰王個個都新鮮，唔會有問題，態度差到完全接受唔到😔，最搞笑係，佢又要收走，但事後又乜都沒做，唔通係作賊心虛？之後我地都沒心情食落去，即刻埋單走人算數，其實我地明白有時食物質素未必次次都咁好，但做得生意就最緊要有良心+正常既服務態度，食餐甜品好似欠左佢咁，以後都不會再幫襯😩

今日同朋友係大埔經過呢間糖水店見到好大隻字寫住”芒果大王”忍唔住即刻入咗去試吓😆😆😆店舖嘅環境 擺設都偏中式 好有以前細個傳統糖水舖既感覺。而呢間糖水店最大嘅賣點就一定係款式包羅萬有 由中式糖水去到西式甜品、刨冰都應有盡有😋🤩真係滿足哂所有吃貨既口味☺️只要諗到既都會有👍🏼 而且價錢好抵😎今次就叫咗3款糖水😋首先係生磨杏仁露 味道方面唔錯 好重既杏仁味 但口感就略嫌唔夠順口 每啖都有好細既一粒粒 呢個位就扣少少分🧐另外叫咗個芒果西米撈🥭 芒果份量都算多 有五大舊 食落都好清涼☺️但係用芒果為主打既話就失色咗少少 芒果唔算特別甜 但整體而言 性價比都可以接受。最後仲叫咗個手炒黑糖珍珠鮮奶 味道唔錯 黑糖份量夠哂甜 珍珠都好煙韌👍🏼不過性價比同出面嘅手搖飲品店相比下就差少少同埋想講 店員既態度真係麻麻😧整體而言，呢間小店既優勝之處 就係款式夠多 好啱同朋友聚腳吹下水😉

係大尾篤踩完成日單車，坐返巴士出太和，有朋友介紹呢間係好好甜品，佢中學年代已經成日幫襯，係太和區都算係老店之一，主打中式傳統糖水，西米露、杏仁露、紅豆沙樣樣有朋友話呢到出名榴連同芒果，但因為有同檯既朋友唔食榴連，所以都係留返下次先再叫，一入門口就見到有好多芒果🥭糖水好快就送到，因為花生已經賣哂，所以叫芝麻味湯丸，一碗有6粒，薑湯離遠已經聞到辣味，煲得好夠味，而湯太都幾有驚喜，柔軟外皮包裹爆漿芝麻流沙餡，每啖都滲著好香好濃既芝麻味，幾好味😋

食完晚飯 本身打算喺深水埗度食埋糖水先返屋企由於真係太難搵到車位那於是呢就去咗大埔到食😋喺上網見到人推介呢間好好甜品好多人都話由細食到大 雖然住新界區但係我真係未聽過呢間甜品舖 但對於一啲懷舊特色嘅舖頭我都好有興趣於是就喺附近搵個位拍低然後就去食如果大家揸車去嘅話預咗有心理準備嗰度冇位泊車因為實在附近太多食市 好多人違泊😂一去到已經有位唔需要等 我就叫咗個鮮雜果西瓜撈加小丸子😋👍🏻👍🏻另外再嗌左個芒果椰汁冰鮮雜果西瓜撈有幾舊芒果哈密瓜同埋西瓜除咗西瓜其他兩款我都覺得唔太新鮮不過佢嘅小丸子同埋西瓜汁底都做得好好芒果椰汁冰 呢個我都比滿分👍🏻👍🏻佢個椰汁冰底做得好入味 個底仲有紅豆綠豆另外我仲加咗芋圓👍🏻👍🏻QQ彈彈好食😋因為香港啲糖水舖嘅水準越嚟越差呢間暫時係我食過咁多間嘅三甲之選👍🏻👍🏻

開開心心去買糖水點知買糖水送頭髮？食食下發現有條頭髮浸住啲芒果汁😑心諗唔係啊嘛 即刻冇矖食慾成件事覺得真係好嘔心 冇人想自己買咗碗糖水食到頭髮明白而家生意難做 但唔該注意下

對不起！你是我第一次給的難食店！見芒果係主打，所以點了芒果芋圓和芒果西米。先講份糧，最細碗的外賣碗，$30-$32 蚊一碗，個人覺得價錢不算相宜。戲肉從開盒開始，成碗好透明，心知不妙！入口就知道中伏了。成碗都係糖水，甜到不得了！無芒果底只有糖水可言、就連芒果粒都少得可憐，而且芒果味道極之普通，西米和芋圓方面，我和老婆都覺得有少少酸味，應該是壞了，食左兩口真係要忍心掉左佢！食物質素和味道都係食過最難食的糖水店舖

服務態度極差，冇得再差，服務直頭負分！我買8個甜品外賣，order到第6個嘅時候，準備order 第7個，我諗再十秒鐘嘅時間都冇，嗰個約20歲左右的staff即刻同我講後邊有人排隊，態度表示唔好阻住人哋，唔可以即刻諗到就唔到阻住後面，就俾後面的人叫，要我重新排過隊，排第尾，我以為係呢一間店嘅規矩，之後我都重新排過，再落order時問佢椰皇甜品嘅嘢，佢態度好差，一句講個人口味。其實我唔係喺度工作，又未食過，我又點知！因為我已經排到最後，跟住都冇客人，諗住$60買個椰皇想問一句費事唔啱口味浪費！仲以為係免費派甜品！我在消費，唔係貼錢買難受，仲要係疫情過嚟消費竟然受到咁差嘅對待。我買甜品量，買得多竟然係受罪，佢個態度係討厭人哋買得多，令佢做得好辛苦，如果覺得辛苦咪早啲收工，關個顧客乜嘢事呢，我買咗$212受到咁嘅對待！呢間係我見過最差服務嘅甜品店。

疫情下，禁晚市堂食之前最後衝刺，大埔朋友提議去太和嘅＂芒果大王＂，我OpenRice 搵唔到，原來就係之前食過覺得都唔錯嘅＂好好甜品＂😍 今次想試新嘢，店員誠意推介手炒黑糖芋圓蛋白椰皇。價錢唔算好平，但係相當足料、製作用心 😃第一次食手炒黑糖，原來係將液體嘅黑糖加熱，質地＂傑傑＂哋，有一陣輕微燶燶哋嘅香味，芋圓彈牙QQ，同手炒黑糖一齊入口煙韌滑溜，配埋個細滑清甜嘅蛋白燉椰皇啱啱好，食完成個人暖哂 ！🥰

好耐冇食過甜品，咁啱食完野見到附近有間良心甜品舖，於是就同朋友黎左嘆返份甜品。舖頭比我想像中大，座位都唔少。座位既設計比較懷舊，有少少似粥舖嗰種枱櫈。感覺懷舊，但係都幾好坐，同其他座位之間既空間都ok。去到既時候店員同緊其他客人傾計，然後落單既時候都好有禮貌。我同朋友分別嗌左︰鮮芒果蛋白椰皇、香芒布甸(加奶)。MenuMenuMenu食物合照鮮芒果蛋白椰皇︰芒果好甜！蛋白好滑，食完仲可以食椰皇既果肉，一次過滿足三個願望。香芒布甸(加奶)︰芒果好甜！布甸幾滑，加左奶幾唔錯。簡單總括一下，座位比較懷舊但係舒服，店員有禮貌，甜品幾高質，價錢合理。非常唔錯既甜品選擇。