好好甜品

营业中

休息中

＄34買個榴槤香芒西米露，冇榴槤味，無西米味，D水瀨瀨，只係得糖開出來嘅水，用呢個價錢真係唔係太值，食過咁多間糖水，呢間都算係最差嗰間，來大埔，千祈唔好試，非常失望！

每次去到大埔，都必定心思思想去“好好甜品”今次又一行六人飯後唔知去邊好，所以我就提議去“好好”食過好味糖水呢間糖水鋪係我叫過咁多間最有特色既糖水鋪，因為可以撈唔同既配料，完全係度身訂做岩自己口味既甜品一坐下，我好快就叫左我既最愛，蜜瓜珍珠撈加啫喱……今次，一如既往的好食，係必食推介其他大部分朋友都好鍾意今次的好食推介，下次一定要再食過*提議大家儘量唔好坐近洗水間，因為……會影響食慾

飯後甜品，於好好甜品開啟第二個胃！甜品永遠是吃不飽的，朋友建議這間甜品店，不錯的提議！說讚好！楊枝甘露內的芒果，非常甜！西柚甜中帶酸,熟透的芒果,有芒果濃厚的香味！雜果很新鮮，濃郁嘅椰香味！ 西米很爽口！

天氣急劇轉凍又乾燥，係時候食甜品潤一潤，太和至大埔一帶都幾多甜品舖，而中式甜品店較少，好好甜品就係其中一間熱杏仁木瓜雪耳糖水，$18好抵食，第一啖就覺得好滋潤，甜甜地好潤喉，木瓜煮完後仲好甜，雪耳爽口芒果班戟，$20，忌廉太多，食完覺得好漏，芒果肉太少，有點失望 

是日與兄弟們進行單車樂，由大埔踏至大尾篤晚餐，見時間尚早，所以乘小巴回大埔中心吃個糖水。他們是大埔人，由他們建議糖水地方是最好不過了。來到這間糖水店，聽聞是出名芒果撈的呢!小妹就一試這個香芒西米撈/$27，芒果味不太濃郁，內有小量冰塊，但吃起來有點水，有點失預期所望。西米露晶瑩剔透，的骰易入口，帶點微煙韌，味道一般般。另兄弟們也是點選招牌芒果撈系列－香芒蘆薈撈/$33（上）、香芒涼粉撈/$27（右），他們說味道還可，其中一人覺得好吃，並喜歡水漾漾的感覺，不過小妹就不太喜歡了，口味各不同吧。

第一次來吃，聽聞這間店歷史悠久十多年今次同老公來吃，每人一樣甜品我叫左芒果忌廉紅豆撈 可以撈乜都得，我當然撈我最鍾意既紅豆 好好味，係嫌少左啲芒果老公叫左楊枝金露吃 好味

中學開始幫襯，食左十幾年 ，易手多次以前啲糖水都可以，宜家越黎越差，好可惜好可惜今次碗紅豆沙不但無沙，紅豆蓮子仲少得很$17買碗加左糖既水，咁貴又唔好食，好有被騙既感覺！

前幾日，臨時約左兩個中學朋友見面，其中一人提議到好耐冇食過嘅好好甜品食甜品，咁就一於去下啦，我地叫左四款，分別係香芒紫米，雜果紫米冰，香芒黑珍珠同芒果pancake，本來都幾懷念呢到食物嘅味道，但我地食完都覺得水準下降左香芒紫米,香芒黑珍：兩者頂層嘅香芒沙冰淡而無味，好清雜果紫米冰：好簡單嘅配搭，落左奶就會好食，算係四款中較為討好芒果pancake:最伏，好少芒果但好多cream，冇下次

四月十四日 (星期日)架架妹大埔住了廿多年，對這裡的食肆絕不會陌生說真的，這裡各式各樣的美食也齊備，唯我覺得甜品店較少未知各位街坊第一時間會想起哪一間呢?多數會想起昌運的彩虹而我則會想起芒果大王，即是這間好好甜品的前身未改名前，舊鋪是在對面7-11便利店隔離的還記得在中學年代，也時與同學前來吃甜品才回家今時今日，店舖仍然是以芒果甜品作主打，更有榴槤甜品供應記得年多前也曾帶媽媽前來，她一進門就聞到大大陣的榴槤"香"，自此她也沒再來喇是晚與架架仔在元朗吃過晚餐，坐小巴以半小時極速便回到大埔在附近下車後，就行到這裡吃甜品榴槤味道尚合格，但質感較稀榴槤甜品首選還是發記豆腐花挺滑的，不過黃豆味道不算突出一直也是這裡芒果甜品的粉絲但這次芒果的甜味實在有點過份，似乎是落得過多糖水甜得芒果味也完全失真了，真可惜!珍珠今日也有點失色，太硬了從前覺得它遠勝許留山，現在給OK的只因為那份當年情

朋友繳約在這區晚膳，2人飯後總覺無食過甜品真的美中不足，不經意的路過這甜品店，於是入內試試；是夜天氣凍，所以叫咗三個熱的傳統糖水；老薑番薯糖水($14)，番薯的香，再配合不太甜而帶點薑味的甜湯，味道好夾。芝麻湯丸($15)，湯丸好滑，勁有薑味而沒有甜味的湯水，一齊進食甜度剛好。腐竹銀杏薏米糖水($14)，材料軟滑，稍甜，唔錯。三款熱品都好有水準，下次有機會要試試其他凍品。

今晚7時約友人打邊爐,我和男友到了大埔時間上早有一點肚餓,我叫佐芒果忌廉西米撈正:好滑芒果味都幾濃.另叫榴槤糯米個皮硬一點同榴槤有D苦)可能不是榴槤季節！但男友個番薯糖水好掂薑味十足,吃完成身暖晒

同朋友係附近食完野，由於食野果陣冇叫野飲，所以朋友話一定要去食糖水三個人去食，叫左兩個榴槤香芒雪花同一個椰汁紫米加芒果榴槤香芒雪花比以前稀左，以前有好多榴槤肉架而朋友話個椰汁紫米就唔夠椰香唔知係唔係因為唔係芒果季節，D芒果冇咩味

今晚去完大尾篤食晚飯，而且去完海濱公園散步，朋友來電不如去食糖水，一於讚成！為了方便泊車，所以美新里有幾間甜品店，走入主打芒果的好好！叫左個芒果涼粉加淡奶，芒果肉只得三件，涼粉亦都很少，而且糖水太多太甜，如果24元比如此質素的甜品我，未免有點兒搵笨！

送外母回大埔, 太太突然又想吃吃甜品. 外母大人同意一齊去食後, 我就把車泊在舊墟 (因為糖水店夠集中), 三人開始尋找甜品. 不吃連鎖店, 不想排隊, 左諗右諗之下, 岳母發現此店有榴槤甜品, 於是, 我們就順著意思, 入黎流連一番.既然有榴槤甜品, 我們既選擇, 當然以榴槤為主. 岳母的是榴槤紫米西米撈. 總覺得, 榴槤是夏天的水果, 冬天有榴槤的都不是新鮮的, 不過, 尚要看來貨的雪藏槤是好是壞. 是日的榴槤, 臭就的確夠臭, 但味道就普通, 而且一pat漿咁, 沒有絲毫榴槤肉的感覺. 真的不知是甚麼來貨. 而且, 某些糖水好像是一早煮定,撈定. 太太想要的芋頭西米露, 就竟然是一盒從雪櫃裡拿出來的外賣糖水. 天氣凍, 想要求加熱也不肯. 又凍, 又唔知佢雪左幾耐, 又沒有芋頭香. 相信沒有人會歡喜咁食法, 難怪此店沒有人在門口排隊了. 算是可以的, 就是榴槤Pancake, 因為重cream的關係, 其他的不足, Cream也許有幫忙. 不過, 榴槤臭, 是有的, 但榴槤味, 倒是沒有. 榴槤肉, 同樣, 我只

天氣炎炎，呢間一早就有綿綿冰叫了牛奶味配上士多啤利汁及新鮮士多啤利好好味可以一試再試友人叫了芒西芒果好甜下次再試其他野