好好點心飲茶專門店•椰子雞煲專賣店

营业中

休息中

一放假通常都會同媽咪去飲下茶放鬆下🥰🥰依間點心專門店除左點心外仲可以打邊爐🍲茶係自助式，店員問完你飲咩茶之後就會比茶具同茶葉你自己沖，好特別🤩🤩有一種家既感覺☺️☺️菜乾豬骨粥餡料豐富，豬骨都幾大舊😝但粥竟然一d味道都冇，但鹽都冇落，有d失望😔紅米銀蘿脆皮腸粉好少見用紅米黎做腸粉，聽落幾得意😝腸粉皮啱啱好，唔會太厚😚入面係油炸鬼包住蘿白絲，外脆內軟😋😋蘿白仲好鮮甜又爽口，十分推介👍🏻👍🏻點心拼盤有燒賣，蝦餃，粉果同黑糖糕各一個，啱哂想食又食唔哂既朋友仔☺️蝦餃皮薄蝦又大隻，仲幾鮮甜😚😚滋補藥膳鳳爪超重藥材味😊入面仲有d當歸杞子都幾足料👍🏻飲落有少少回甘，而鳳爪都好入味仲好腍添🤤🤤值得一試💪🏻📍 好好點心飲茶專門店•椰子雞煲專賣店 (旺角)旺角西洋菜南街242號地舖

經過久違的旺角（太子），見到一間叫好好點心功夫茶，見到「功夫茶」，我心諗試吓有幾潮州先😜😜結果無令我失望，由於傳檯有一個電水壺，做真正「水滾茶靚」，功夫茶的用品一應俱全。食物方面香茜牛肉球爽滑彈牙、香茜牛肉腸皮薄牛肉唔會太「老」，唯一要彈嘅係一般茶樓3條，佢哋只係兩條、蠔皇叉燒包正常水準值得推介，最後香煎茶肉飽同樣值得推介。功夫茶方面我揀嘅係水仙，茶葉第一次俾好少要搵職員加。職員的服務：喺免加一情況下，搵佢哋加茶葉、加醬汁、加水等都快速回應，服務態度比要加一的茶樓好好多。

好好點心椰子雞火鍋（旺角）😝今日經過呢間椰子雞鋪頭見有煲仔飯，價錢又唔算好貴，就去左試下😆滑雞臘腸煲仔飯 $58😋呢個煲仔飯勁足料！啲雞係堅滑同嫰，就嚟多到食唔哂😝啲飯唔會好淋，而且有超多飯焦，對於鍾意食飯焦既我表示勁滿足🥰調味都好好，豉油唔會太鹹都唔會太甜，味道啱啱好！😋超抵食！唔鍾意食煲仔飯既人唔洗擔心！煲仔飯並唔係呢到既主打😝佢既主打係打邊爐同食點心！只係我個日咁啱趕時間先無打到邊爐🤣我見人地叫既火鍋同點心都好高質，我估值得一試！我諗我下次嚟要試下佢主打既火鍋😆整體評分：4/5環境：4/5味道：4/5抵食：5/5地址：好好點心椰子雞火鍋 (旺角)旺角西洋菜南街242號地舖

今日和同事打算試新野，所以決定去呢度晚餐，諗住食點心，但由於我午餐時間在牛角buffet 食得太飽，我就決定叫蒸飯，同事就陪我叫蒸飯。呢度茶位每人10蚊，貴在因為用功夫茶杯，自己煲俾自己飲，職員仲會教點樣沖茶，如果想慢慢嘆茶的可以考慮吓。同事叫煎蛋牛肉飯，一開始竟然忘記上煎蛋，最後要轉頭再上~~~而我就點咗土魷蒸肉餅飯，感覺個飯幾乾吓，肉餅中規中矩，但感覺唔值得叫。如果單純想食飯唔食點心就可以放棄呢度，因為茶位連食物仲要加一，比起同區同類的店還要貴一截。