好姐永安粿條

营业中

休息中

關於嘢食：😬好好食呀，一定要點活肉，肉質好好，好嫩關於環境：檯凳都好乾淨關於服務：店員十分有禮貌有耐心介紹嘢食比我地住係附近既朋友可以黎試試😬真係唔錯的小店

Happy Friday office d冷氣催到成個人都好凍，想食熱野，諗起之前經過嘅一間小店有胡椒豬雞腳湯飲，跟住lunch time就飛奔出來食。12點半冇乜人，唔洗排隊。叫左碗足料胡椒豬肚雞腳湯，好大一碗，好多豬肚，有三隻雞腳，好重胡椒味，飲完成身熱辣辣，冬季之選。跟住叫左招牌粿條，加左芝麻，味道即刻提香，豬耳，鵝腎，豬鼻⋯都好入味，不會豉油對我來講就辣左dd，冇咩點用過。食完好飽好滿足。一點就開始多人要等位。

聽朋友說大角咀開咗間特色食店，所以專程來試試；需然鋪頭細細，位置唔當眼，但真心覺得堅好味，服務態度好，環境衛生都好好，堂食都感覺舒服；由於本人戒澱粉質，所以未能試粿條，但見到人家食，都感到很滑溜，為食的我點了胡椒豬肚湯、麻辣鵝腎、麻辣鴨血及雙併小食（生腸及豬耳），直頭冇得彈，會再次幫襯，下次帶多啲朋友去，可以再試多啲食物，但一定要叫胡椒豬肚湯作主打，好味到食飽再叫多份外賣回家作晚餐，必食推介「胡椒豬肚湯」

下午時間見到有幾個人排隊先知新開張，個名幾得意，叫粿條，估到係家鄉野，就諗住試下，入到去問店員咩係粿條，佢話類似河粉，我就叫左個湯，炸雲吞，同個粿條，個雞腳胡椒豬肚湯好正，好有後勁🤣炸雲吞好好味，細細粒，唔覺唔覺就可以食哂👍🏻佢有湯同炸揀，個人比較鐘意炸🤣比較香口，個粉就真係類似河粉，但佢比河粉滑身，個活肉原來係豬既「面豬登」，食落好林身，食得出係新鮮肉唔係冰鮮既，下次會去試埋個好姐精選，一次過試唔到咁多野，因為係香港比較小可以食到呢d家鄉野都比較特別，會再去👍🏻店員都好親切好nice，由其係個帶眼鏡既女士，佢好好咁同我解釋係咩黎🤣

第一次食粿條 應該香港第一次見 原來係新開gar店鋪細 個檔口 初初以為食車仔麵🤣叫左個雜肉粿條 原來粿條即係粗d嘅河粉 雖然外表平凡估唔到咁好味 有驚喜👍🏻肉上面嗰d黃色嘅辣椒又係第一次見/試 另外加左個胡椒豬肚湯 完全冇hea我 足料 飲完唔會口渴 感覺係好有家鄉感覺 有特色 似乎喺香港都應該冇其他地方可以食到 永安粿條個永安其實喺咪代表永安家鄉特色菜？🤣🤣🤣價錢平民 不過男士可能要加底可惜唔係住喺附近 仲有其他野想試