好姐永安粿條

营业中

休息中

招牌活肉、配粿条胡椒猪肚粉肠鸡脚汤米粉家乡扁食汤（平使）自家调制菊花茶招牌活肉喺猪面珠肉，原本以为喺猪头肉咁嘅肥肉，点知睇落似牛𦟌，食落有爽口感、又有软糯口感、又有肉嘅弹牙口感，都几特别😂平时又好小食到。胡椒猪肚粉肠鸡脚汤米粉嘅汤底好重胡椒味，饮完有种发热冒汗嘅感觉，猪杂无异味，不过份量就小咗dd，鸡脚都好淋。真心推荐个扁食汤👍👍👍👍个汤底真喺好香干货海鲜味，重味得嚟又唔涸喉，打紧食评谂起都想饮。扁食（平使）好似小云吞咁，一口一粒，馅味好重猪肉同肥肉味。个皮薄得嚟有咬口、滑得嚟唔喺软淋淋烂晒咁、份量又足。下次再嚟encore个扁食汤😂😂😂。