好煮意

营业中

休息中

無論情侶定閏蜜都好，總係會有意見分歧嘅時候，如果食飯聚會上面一個話要食喇沙，一個要食藥膳雞米線嘅話又係咪唔得呢🤔上水食街馬會道一帶，食肆餐廳林林總總，✨好煮意✨ 就可以解決到以上嘅煩惱❤️ 店舖一共有超過12種湯底/凍撈、50種配料、15款小食 同埋 超過30款飲品比大家揀。死喇我選擇困難症發作添😂招牌藥膳醉雞米線 ($88)，配料除咗有啖啖肉嘅醉雞件外，今次仲揀咗手工粟米冬菇豬肉餃🥟、瑞士雞翼🐔、肥牛🐮。湯底非常香藥材味，而且係可能我食過嘅花雕酒味最重嘅藥膳米線😋。豬肉餃比想像中好食，以為係掛名人工餃，原來係堅嘅，豬肉新鮮有肉味，冬菇非常香！新加坡喇沙麵($52)，今次配料就叫咗牛腩🐮，鴨血🐦，同埋🐷秘製腩肉。唔好以為一間做幾個湯底嘅舖頭，會變得樣樣半桶水唔正宗，出奇哩碗新加坡喇沙係超香椰🥥奶同🦐蝦味，加上平時唔會係東南亞舖頭食到嘅鴨血、牛腩配搭，令到哩碗喇沙混血兒別具特色！🍹凍百香果茶(+$10) 同 🍷凍洛神花蜜(+$10)哩杯台式飲品比係台式飲品店飲嘅更合適香港人口味，味道唔會太甜，有啖啖自然百香果或者洛神花香味。

店面光猛乾淨，座位都闊落，見店員好認真清潔枱面，我點咗醉薰薰雞湯米線醉雞酒味唔會太濃，雞唔會韌，湯底同米線都正常，湯有足夠蔥花，香口，吊味嘅辣豉油好食，整體質素都ok

本身想食呢度隔離嗰間上水名店，點知排隊排到傻！望下隔離有咩食俾我發現到呢間都有類似既嘢食即刻入泥🤣本身見呢間無咩人仲以為有伏，點知好彩無走寶😋我order左個招牌藥膳醉雞米粉，加配生菜上枱已經即刻聞到好香既藥膳甜味，試一啖個湯底，果彈係好清甜好滋補既感覺💯配米粉索晒啲湯一流呀！另外大約有5舊雞件，都係好嫩滑既👍🏻仲有啲雲耳咁配埋辣椒豉油都幾惹味加配既生菜係分開上，唔會整淡左個湯底，欣賞呢份細心🤣

今日想同大家介紹一間食極都唔會厭嘅醉雞米線🥰呢一間鋪頭位於上水，其實已經開左好多年，近排搬左去新址有新裝修，坐係上黎都舒服好多！.招牌藥膳醉雞米線(HK$55)👍🏻點解我咁鐘意食呢到嘅藥膳醉雞米線？因為佢湯底真係做得好好！藥酒味超香，入口香濃得黎有一種甘甜嘅味，如果怕太重藥味嘅人係可以叫少酒。雖然我每一次食完都會醉醉地，但我每次都忍唔住飲左佢半碗湯。同埋佢碗米線都好足料！入面有好多木耳，同紅棗。最後講埋啲雞🐓，如果係脾位真係超滑！佢仲配埋辣椒豉油食，微微香辣超開胃🤤🤤.佢地夜晚有做埋醉雞火鍋！我都有食過一次~店員主動跟進D雞煮左幾耐，令我地食到最滑既雞👍🏼同朋友坐係到食傾偈都好開心！大家都可以試下！

喺附近打完波，見呢度唔洗等可以即刻入，就試下，店面光猛闊落乾淨，座位夠大，我點咗喇沙湯米線底，餸揀咗滷水豬大腸、腐竹同木耳喇沙湯濃味夠辣，個人覺得甜少少同加返啲花生粒會好食啲，蔥花好多，好香，啲餸份量正常，豬大腸滷得入味，腐竹同木耳都正常，一個人快食嚟講都唔錯，但夜晚就要加一

一年間無再幫襯，原來已經轉左去新舖，光猛咗闊落咗當然坐得舒服唔會擠逼。主打當然係一直以來嘅藥膳雞湯🐔，招牌菜就唔駛諗係必食之選☺️———————————————————————————🥢招牌藥膳醉雞米線🍜💬紅棗、雲耳，配上雞件浸在充滿藥材濃郁味道嘅湯底之中，滋補而且養生，非常暖身☺️.🥢鮮蝦雲吞雞湯米線💬如果唔喜歡食藥膳嘅味道，可以選擇其他嘅食物，今次試埋鮮蝦雲吞，都幾飽滿，蝦肉爽口彈牙，配有雞湯，如果有埋雞嘅話更開心☺️

每次黎到上水覺得好似冇咩野食，朋友就推介話有間米線店都唔錯，就入左黎啦。小店既枱櫈都算坐得舒服，同埋唔止食米線架，有唔同麵底同飯底選擇。*招牌藥膳醉雞米 $55 +加配牛肚 $10*見呢個係招牌就點左呢個☺️，配料有木耳、紅棗等等，而湯底都真係幾重紅棗味，主角醉雞件有酒味之餘、仲係大大舊，唔怪之得係招牌啦👍🏻*鮮蝦雲吞雞湯米線(5粒) $42 +手撕雞 $9*雲吞總共有5粒，覺得湯底都幾健康喎，雞湯底食落唔會好多油，而米線較為淋身、好易入口，加配既手撕雞份量都唔少😸。

食米線都可以養生，作為米線控嘅我唔會錯過啦！朋友帶我去到上水馬會道嘅一間專門食米線同火鍋店，裝潢簡潔同座位寬敞，坐得舒服。用QR Code 落單，點了一碗藥材熬製藥膳湯雞米線、同埋一碗雞湯雲吞米線，湯底最少熬四小時，上枱即傳來陣陣雞湯嘅香氣。藥膳醉雞湯米線以真材實料配料製作而成，有當歸、紅棗、木耳，仲加入花雕酒味。藥材熬製藥膳湯，雞件嫩滑，咁養生下次經過都食返碗米線。雪吞米線，有幾粒大雪吞，雪吞包住爽脆嘅蝦仁同豬肉，食落好juicy。飲品：百香果茶同柑桔蜜，感覺好滋潤。好煮意 地址：上水馬會道180號地舖

上水馬會道有間食米線，知道餐廳用新鮮食材烹調，所以經過都去食碗米線。最鍾意食米線，自認喺米線控，好煮意藥膳醉雞湯米線好補氣，而且真材實料，回頭率極高藥膳湯有當歸、紅棗、木耳，仲加入花雕酒味，聞到香噴噴，飲埋湯底就成個人暖笠笠。麵食可轉米粉、河粉、油麵等，食材新鮮，雞皮爽嫩，雞肉有花雕酒嘅香味，大碗又抵食。飲品跟餐都喺加$10。好煮意 上水馬會道180號地舖#好煮意 #藥膳醉雞 #藥膳 #藥膳養生 #藥膳湯 #上水美食

依間好煮意出名食藥膳醉雞湯麵位置係上水馬會道 好容易就搵到晚市時間原來有得食火鍋 見到隔離枱都幾豐富 但我今晚都係想食返佢招牌菜先🐔招牌藥膳醉雞湯麵 $55藥膳湯底味道好香 上枱時熱辣辣湯頭飲落好甘甜 帶點藥膳味 配料俾到足 雞件份量都幾多 雞肉肉質嫩滑 食到酒香味今次食到我最愛嘅雞翼添 想再重口味一定要點埋辣椒豉油 食落辣辣地 更惹味 配料仲有雲耳同紅棗 雲耳超大塊又爽口 仲有女士最愛紅棗米線偏幼身 感覺更易掛湯 軟硬適中 口感不錯🥤凍柑桔蜜味道香甜 酸酸甜甜夠醒胃 夠哂滋潤

經過疫情封關既洗禮, 以家既上水同之前既面貌真係唔同左好多病態式咁開藥房, 無左水貨客既支持就多間陸續結業少左零售業, 條街少左人.但就有唔小鋪頭換左血.多左唔少食肆今日食呢間餐廳係馬會道, 附近都有唔少屋苑街坊客想介紹番今日呢碗令我食完想寫篇好評讚下佢貨真價實既招牌藥膳醉雞麵湯底味道濃郁, 紅棗同黨參既湯料都有唔少雞件入味而且好滑除左雞仲有雲耳, 非常養生一邊食麵一邊飲湯真係好味到連湯都飲晒涷菠蘿青檸蜜唔甜, 而且幾清爽下次決定番黎試埋佢既餃子

真心好食既，湯底濃味，但雞好鞋，上菜極慢，等左半粒鐘吹單先話漏單。仲要唔只我一枱漏。好心做唔到咁多客就唔好開樓上比人坐，完全晒晒d 時間係到等，次次食都要等咁耐，鳳鳴居5分鐘就出到菜，我去排鳳鳴居好過。

今日去到上水探朋友,到黃昏就走去搵食, 朋友提到有間電視節目介紹過的藥膳雞煲似乎幾正, 決定過去試下這家位於上水馬會道叫"好煮意"的小店, 店內光猛寬敞, 座位舒適, 每張枱已經暗藏電磁爐在裡面, 顯得特別乾淨企理而且安全, 除了火鍋外,店舖亦提供了一些藥膳湯底的粉麵餐, 縱觀八成以上客人都是點粉麵餐, 相信他們大多是街坊熟客, 我們既然是衝著藥膳雞煲火鍋過來,我們便點了一份上等藥材花雕湯底再加一份細的農場鮮雞, 另外再加了幾個火鍋配料及飲品。上等藥材花雕湯底配農場鮮雞, 湯底十分足料,有黨參, 杞子及大量的紅棗及龍眼肉, 湯底唔會話過重藥味好難飲,反而十分鮮甜美味,雞肉十分嫩滑, 店員更窩心地主動過來介紹雞肉的建議烹調時間及協助把雞件放進鍋裏, 以確保客人可以食到最嫩滑最好味的農場鮮雞。芹菜木耳豬肉餃, 大大隻脹卜卜的餃子,裏面好足料, 豬肉不會好肥, 餃子皮唔會好厚,湯底能容易滲入裏面的餡料, 吃起來十分鮮甜。魚腐,相較市面上見到的魚腐,特別大件和厚身, 咬落啖啖肉,十分滿足。韓國紅薯粉， 有咁靚嘅湯底， 必需要點這類容易掛湯吸味的食材， 紅薯粉盡吸湯汁的精華， 完全唔使點豉油都已

去開上水，見到呢間「好煮意」新裝修，所以入去試吓，環境都幾舒服，而且有空間感。呢間食店係掃 QR Code 落單，我叫咗「手工鮮蝦雲吞雞湯麵」+「招牌藥膳醉雞麵」。「手工鮮蝦雲吞米線」有5粒雲吞，米線軟硬度適中，湯底幾惹味。雲吞內無咩肥肉，而且幾多蝦肉，口感彈牙。「招牌藥膳醉雞米線🍜」湯底有香濃酒味，醉雞件都幾多，肉質嫩滑，而且好焦用，米線亦係軟硬適中，不錯！飲品方面點咗熱柚子蜜 + 熱柑桔蜜。下次可以再嚟！

冬天帶來冰冷嘅感覺，朋友帶我去好煮意食藥膳雞米線，滋補養生，上水鐵路站落車後行5分鐘左右就到餐廳。餐廳裝潢簡約，座位寬敞，感覺舒適。藥膳雞米線嘅湯底加入藥材、黃酒、紹興酒烹調，熱騰騰放上枱時已聞到香濃嘅酒味，浸住嫩滑嘅雞肉，暖身驅寒。朋友點了新加坡喇沙油麵，有豬腩肉同雲吞，豬腩肉脂肪方佈均勻，食落有肉汁，雲吞皮薄又足料。飲品洛神花蜜：花香味道，清新口感柑桔蜜：清甜、滋潤喉嚨好煮意上水馬會道180號地舖