好運強記食堂 (已結業)

每逢生日食飯都係＂R"頭嘅時候，要大圍人食，又想要新嘢，真係頭都爆。咁啱睇雜誌見到介紹好運强記，再望仲要喺我公司隔離大廈，咁就即管一試。打電話去訂枱, 老闆話fax張菜單比我, 其實都唔知食乜架~ 啲朋友一路都問我食乜, 我就話係一個無裝o既私房菜。入到去只見地方可放三張大枱, 人手亦只得三個。當老闆分湯比我哋時, 個個都讚好, 原因係無乜地方會煲豬肺湯,, 仲要係唔加味精, 一流老火湯, 正~跟住上招牌菜-冰醉瀨尿蝦, 個個都"嘩", 因為好大隻, 味道當然係"好"啦再嚟招牌菜-胡椒蟹, 正到爆到咗招牌菜-叉燒拼大腸, 我第一時間食叉燒, 熱騰騰, wow~, 大腸:我唔好, 所以無食, 不過無人話唔掂囉~~~燒烏頭: 唔乾身, 好多汁西蘭花沙爹肥牛: OK又係招牌菜: 鎮江骨, 汁都想撈埋呀~~~~最正招牌菜: 糯米雞, 非一般糯米雞, 睇相以為係將啲糯米飯塞落隻雞到, 睇埋價錢$380, 好貴啫, 點知上枱時只見飯不見雞, 原因係全隻雞裏面塞滿糯米飯, 無乜肉, 啲糯米飯好食到呢~ 連我唔食雞皮o既人都忍唔住將成o舊雞皮帶飯啪落口, 因為唔食真係對唔住自己! 其實呢個菜真係一啲

雖然公司俾錢,不過嗰餐應該好貴......嗰度D裝修好普通,好有大牌檔feel~D同事個個嘩嘩聲~因為食左好多野 唔多講,睇相啦!本來仲有個"松茸蒸蛋"本來平平無奇O既蒸水蛋...加左松茸上去,勁香,因為D同事掃得太快,影唔切......sorPS: 因為唔想老細見到我O係枱面係咁影(唔好睇),所以我有D相係同老板講俾我入廚房影~勿見怪!

今次又係好友生日, 所以要寫下食評~~~壽星女超級喜歡食住家中菜~~~有朋友介紹我試試食好運強記~冇味精~~而且材料好新鮮, 所以去試下~ 環境方面: 一般一般, 因為鋪頭係工廠區入面, 平常只招待工廠大廈工作的人, 晚上通常都係熟客仔~所以不要企望環境~~有D 似係屋企既感覺~ 冰醉懶尿蝦: 超級好食!!! (我係唔食酒做的食品, 而且又唔喜歡食懶尿蝦) 但真得值得推一推(不過價錢有D 貴, 海鮮價日日唔同, 但真係超大隻, 而且好新鮮) 自製叉燒: 又係值得推介的, 醬料一流 黃金蝦: 壽星女話係用鹼蛋做的, 超級一流~炸到連出面個層衣都可以食(而且係超大隻, 一流) 西蘭花炒帶子: 好簡單的菜, 但好食係好難架~~~平時出面食多數都將帶子炒得過熟~但呢間真係炒得超好味~~ 服務: 平時通常舉手會有人理下你, 但呢間野由於招待開熟人~~所以通常都係自便架湯, 飯, 汽水都係自己黎~~不過舉手係會有理你既, 但人手問題唔係要等到幾時~~但好老實講有D 家既感覺, 因為黎食飯既人通常都係一家人, 而且同老闆好熟~~一黎到就互相問候~~~熟到連個客整親腰骨都知~~~好WARM, 好舒服~

波士與拍檔指出我所穿的西裝太古舊了。其實她們沒有說錯，這幾套飲衫經已超過十年有多。故日前放工後，波士便帶同我和拍檔去官塘之相熟服裝公司購買西裝及其他衣物。購買完後，服裝店老闆娘介紹我們到成業工業大廈二樓好運強記食堂晚飯。我們便根據老闆娘的指示到達強記，發現那裏是一間只有數張枱的工廠大厦食堂。平日中午是做本厦公司之員工午餐，晚飯多數是相熟客人預訂的。原來服裝店老闆娘早已為我們三人訂了六隻冰醉瀨尿蝦。聽這食堂的老闆邵先生說，他製作這道菜式是要經頗長的時間和繁覆的工序才能完成，故需要預訂。我們試完這款冰醉瀨尿蝦後，都異口同聲讚好味。還有我們點了老闆自家製的义燒、麵醬蒸排骨、古法蒸黄花魚及芥蘭啫啫㷛，這幾款餸菜都頗好味。還有這裏的例湯及白飯是免費任飲任食的。