好運粥麵家

营业中

休息中

因我想吃爽滑魚皮，所以我一位朋友帶我去此店。 因時正六点幾，没有很多食客。而那位寫单哥哥的服務態度是有善和有禮的。我們点了爽滑魚皮，(水煮)腰膶，泥鯭粥和其他東西。粥是生滚粥，而粥底算绵。泥鯭雖是小泥鯭，但落得足份量和新鮮，所以很鲜甜。而我的至愛…爽滑魚皮…也令我這旅程生色！一直只可在电視才看到的，那刻在我眼前出現了！大喜！！魚皮雖设有"阿蘇"所推介那店的厚，但師傅控制煮的時間掌握得好。 所以又爽又滑！一般吃到的是炸魚皮，但我锺情水煮！overall, they did a good job. I was happy about the food and felt OK with the price I paid for it.

這家麵店並不起眼, 但因其"生滾粥"招牌吸引我入店.現時有生滚粥食店已是買少見少. 店內陳舊, 衛生還可以, 招牌生滾魚腩粥外表普通, 粥底煲得不錯並不覺有加粉, 魚腩能保持原鮮味(沒有加エ). 算是可接受的一碗生滾粥. 其他出品如雲吞麵, 裹蒸糭則很普通. 另外優點收鋪在零晨, 可以作宵夜選擇, 附近還有街錶泊車.

$25-27。雲吞牛腩河：兩樣野份量不多，味道也超普通$10：炒麵，以這價錢當然份量都唔少，但味道麻麻，又唔夠熱$20。招牌魚腩粥：魚腩份量還算足，有幾條蔥伴上，粥還算夠棉，味道同是普通都極聽到食客話呢度d齋腸同粽都好正，唔知是否屬實呢..

宵夜12點去食粥, 叫左個牛肉粥同埋皮蛋瘦肉粥佢既皮蛋我食過好多次, 非常好味, 係糖心的, 好少見, 佢仲要囉黎煲皮蛋瘦肉粥, 超好味, 不過佢既瘦肉係絲狀的, 唔係一舊舊, 所以好易咬, 實在唔錯牛肉粥既牛肉好滑, 不過睇怕都係梳打粉"那"過佢先會咁林啦, 但係份量都好足不過我要評價一下佢既油炸鬼, 我朋友叫左油炸鬼, 6蚊, 正常丫, 但係上台時得一碟剪開哂既油炸鬼, 望落有d古怪, 我醒目仔就一於搵下究竟係點既一點事. 最後比我發現佢成碟油炸鬼只係得兩個頭!!!!!! 正常應該一孖有4個頭架嘛, 唔怪之得咁少啦, 我問佢點解碟油炸鬼得咁少, 佢話縮左水喎~我就話成碟得兩個頭咋喎~唔似係縮水喎~佢話趺左囉, 我即刻去睇下佢d油炸鬼究竟係點既一回事啦~~原來佢d油炸鬼係比一條人架咋~有時可能剪開左連一條都無, 但收人地6蚊囉, 離哂譜, 本來佢d粥好好食, 但我都係要劣評佢既生意手法啦, 厄人!!最衰係我地拆穿左佢之後佢話比返我, 但只係剪左4分1條比我昆我水, 之後再有人叫油炸鬼時, 個亞姐先話油炸鬼6蚊得半條架咋, 跟住後面有個口痕友話: 吓~油炸鬼半條都有得賣架咩?

(25/1/07)雜誌效應,來食雞腳,望去很好味,其實不太入味,而且炆唔夠腍,有菜芯墊底,$28十隻雞腳,貴左D喎。裹蒸糉鹹蛋黃起沙,不過那area蒸唔夠,實既?放棄左。其實整體糯米幾腍軟。生菜鯪魚球粥,鯪魚球很軟!粥唔確喉,綿度粉粉o地,屬一般水平。