如意冰室私房菜 (已結業)

又到lunch時，公司是自由食飯時間，當然去食下午茶平點，得知如意冰室裝修好恢復營業，梗係即去一轉，2點多去到，下午茶時段都幾多人呢。 餐廳有兩層，茶記格局，我地二人坐上層，上樓梯中途見到不少玩具擺設，上層樓底比較矮，但感覺較有私人空間，relax。 餐牌，要了下午茶休閒餐。 炸雞脾配懷舊西多(半份)，$38。 熱騰騰的炸雞脾，唔算好大隻，入口皮脆肉嫩幾好味呢。 半份西多士，色水黃到金，都好大件同厚身，外層香脆內軟綿，加上大量糖漿及牛油~香甜美味。 齋啡，夠醒晨。 抵食的下午茶，店員親切，支持小店。

身為九龍人，我甚少過海，早排偶然過港島行街，途經灣仔嘅如意冰室私房菜，就入去食個 tea，咁啱當日大部分店員都冇返工，人手有限，所以顧客要食嘢嘅話，就要自己落單交畀店員，食完嘢就自己將錢放入個箱，不設找續。雖然全部自助，等嘅時間又比較耐，但係店內秩序井然，冇投訴，冇不滿，食完個個會畀錢，冇走數，冇後數，亦冇之後補。叫咗個香脆雞翼撈公仔麵配凍檸茶，又係人手關係，全部用哂紙杯膠碗，呢方面係可以諒解嘅。撈麵用嘅係秘製沙嗲汁，味道微辣偏濃，仲有陣陣花生香，好正👍；雞翼有三大隻，每隻都醃得足味，炸得香脆。以茶記下午茶嚟講，呢碗嘅水準絕對唔錯。

雖然已經po過一次，但如意真心係值得一推再推！（利申非打手）永遠食親佢都唔會失望！只會食到出面中菜無既味道，就係好味哈哈！食左兩餐一次過po。餐湯就好典型淆出黎既清湯開胃個薯仔牛柳粒d薯仔炸得夠脆，牛肉唔會太冧，正！！咕嚕肉係未試過食到最後一粒都仲脆㗎層皮！！！！真係完全未試過！個西蘭花牛肉又係好典型煮家餸味道，牛又唔太冧（真係好怕醃得太勁個d）另外兩碟炒野，唔油得黎又夠惹味，真係無野好講地正雞煲好似比小菜貴d，但個味完全同出面雞煲小菜比有過之而無不及…唯有…shut up and take me money please!

好味😋叫左個二人餐 但係份量兔得驚人 我諗三個人先至岩岩好食得哂！好在一早叫左淨係俾一個飯就得先冇咁浪費食物⋯ 條魚仲有多種做法，清蒸 煎封 豉汁 任你揀 更值得推介既一定係蒸扇貝同椒鹽豆腐！ 真係食過翻尋味令我更舒服既一定係不斷loop既港歌榮光 同埋一大個連儂牆：） 見到張單 餐牌 連豬既裝飾同佈置 再加上門外最新日程表 你就會覺得真心冇可能藍扮黃 藍絲點會有心到貼最update 既日程表呀！星期六晚麵係坐唔滿😞 唔怪知得會告急啦⋯ 希望大家多啲去幫襯啦

成日經過這店，見出面貼了連儂牆，有不少人幫襯，於是入內試吓，不太肚餓，叫了個常餐，選了蕃茄牛肉通心粉、火腿奄列、牛油多士、熱菜蜜，如果大家去這裡食常餐，我人覺得一定要選蕃茄牛肉通，佢個湯底比較甜，個樣有D似羅宋湯，用料豐富，牛肉尚算軟滑，大大碗好味，牛油多士也不錯，牛油融化在麵包內，麵包鬆軟，相比之下個火腿奄列就遜色少少，比較薄，如果可以厚身少少更好，服務也ok，尚算有禮，見佢有同隔離枱食飯的人說，如果唔夠飯可加飯，幾親切👍🏻會再幫襯

⤫ 醬爆京蔥牛肉大蔥爆得好香口，送飯一流，牛肉好腍唔會好多筋。夾完再夾夾完又夾，有啲覺得啲蔥先係主角，會有想添飯嘅衝動。⤫ 蜜桃生炒骨生炒骨份量好多，有成十幾件肉，多肉少骨，調味適中唔會過酸。可能食慣菠蘿﹐蜜桃唔係太夾，不過唔大影響。⤫ 白飯配老火湯唔係味精湯，每碗都有大大舊肉同蓮藕，平時唔太好蓮藕都可以接受。份量正常，價錢合理，想食港式嘢會係唔錯嘅選擇，除左叫餸食飯之外仲可以揀碟頭飯，驟眼睇份量差唔多，感覺仲抵食。

老公堅持只幫襯黄店，位於灣仔這間茶餐廳私房菜，實在令人再三回味。咸魚煎肉餅每一次來都會吃，不可不吃，沙嗲通菜牛,椒絲腐乳唐生菜， 豉汁蒸帶子，五大訴求飯，缺一不可公仔麵，紅燒豆腐魚塊，粟米魚塊，菠蘿生炒排骨好味又食得開心放心。小菜實在做非常好。晚市套餐有蒸魚，海鮮。今天五一，當然要幫襯。老細自家調製沙嗲牛米，正

今日放工想食少少嘢先去買餸，所以選了這間之前想黎點知無開的良心小店。入去服務員哥哥幫忙量體溫，友愛勤力又有耐性的服務，見佢對住4位長者好有耐性，又同佢哋傾計，不錯下午茶我選擇了雙拼餸粉麵，配送飲品沙嗲牛肉生菜湯通粉沙嗲牛肉入味又軟腍口感，生菜好爽脆又大塊，通粉雖然份量不算好多，但口感是我喜歡的，湯底入味熱杏霜唔會好甜，杏霜無一粒粒粉，好滑好好飲喜歡這邊的人情味及支持香港人的設計，有良知的小店加油！

今日去到灣仔搵食，目標係如意冰室私房菜。早餐供應到11點半，我就揀咗茄牛通，煎蛋腸仔牛油多士，熱奶茶。茄牛通好足料又大碗，抵食!牛油多士要另加$1，但多士都唔熱嘅，我認為唔應該要加錢囉!成個餐有一個共通缺點就係唔夠熱呀

第三間在灣仔區的黃色茶餐廳,這次在網上見到手足號召和推介而前往,所以上班日的午餐就去試試。店面方面絕對是滿分,有貼滿memo紙的連儂牆,室內會播放歌曲,有提供文宣作品,不是偽黃店。食物方面,揚州炒飯的份量十足,但似乎今天廚師心情欠佳,鹽分過多,平常吃得咸的小弟都忍不住咸味,所以在離開時亦跟老闆娘建議下次可以輕手一點,讓其他客人吃到更佳的味道。凍央是可以的,但糖分就強。整體是一間可以接受的茶餐廳,希望可以稍為調低一下口味,也許是我個人的問題。

🇭🇰#香港捐窿捐罅記 #菠蘿王子經濟圈告急黃店💛！！大家快d去救佢💛雖然而家經濟真係超級差🥱大家都唔係好想出街😌 但係請記得我地有個強勁武器就係錢😂我地可以係呢個時勢度揀值得救既餐廳🥰咁有一日當市道好返d，d藍店就會已經一早死晒☺️ 而黃店就會仲係度😝 呢個亦都係中共唔願見到既事，所以大家更加要做🐖我地可以選擇存活既餐廳☺️-Btw 近排d餐廳都比較小店比較常見，通常我就唔會post既，但無辦法，大部既黃店都係呢d😂希望大家繼續支持😆-🍝 #星洲炒米 🍝（$53）炒得都幾香🙂，而且唔係太油😌而且料頭都幾足🤔 都有幾多蝦😴加埋辣椒油係幾正😌不過份量又的確少咗d😂.🐖 #常餐 🐖 （$43）有沙嗲牛，火腿奄列同牛油多士🙂正常茶餐都應該有既味😂無咩特別😌不過 不完美 可接受 要改善😌總結來說 告急黃店 快去支持！💛-🎈 灣仔軒尼詩道38-46號地舖平均傷害：$55好味值：6/10...

一間吿急嘅小黃店啊😣大家係附近住或者返工嘅話記得去支持下🥰佢超足料 而且佢lunch time仲會跟一個老火湯 開心😎😎·菠蘿生炒骨$56呢一個一上枱熱辣辣 係見到蒸氣嗰種 相當之唔錯😍😍同埋佢都好多汁 係完全夠晒你撈飯 而且啲肉係食極都有 超開心 如果係女仔嘅話 可能嗌少飯會比較好 因為佢真係超多🤣🤣·咖喱雞球飯$56呢一個又係超好食 我哋係見到隔離嗌 好似好靚咁所以就嗌咗呢個😈佢個咖喱係有少少辣嘅 超送飯 啲薯仔唔係薯仔炆雞翼個種炆到到淋晒 但係超軟糯糯 好好食😋而且個雞佢唔係就咁擺落去 佢係有煎過下 超有誠意😎😎·#rbyeat#rby小黃店#rby港式#rby灣仔·📍灣仔軒尼詩道38-46號地舖

以前遊行的時候，已經覺得呢間食店好搶眼了。成間店都係連儂牆。之前有人中傷如意冰室，實情係呢間店好黃，不時支持手足。人在做，天在看，真金不怕紅爐火，食店都係。只要食物出色，總會有食家街坊賞識。 今日去銅鑼灣驗身，專程過來試下，沒有失望，而且比我想像中還好。 $78在灣仔，屬正常價，這裡用料之足就很不正常了，超足料，好多肉！無論蘿蔔或牛腩都很出色。蘿蔔腍、鮮甜、無榨。講到牛腩，算係交足功課，太腍唔代表好，有牛肉味又不會太老，係讓我懷念的港式口味好味！ 君不見「香港仔魚蛋」嘅牛腩，係幾腍，但食完32隻牙的縫全部攝住牛肉，都係幾十蚊一碟，但那些奉勸帶埋牙線棒先好食了。 餐個名幾吸睛....店內都是有心的年青人，氣氛不錯，但個人覺得服務行業，工作時就講少一點粗口較好

外賣黑椒雞扒火腿飯 咖哩牛腩飯。 好食加抵食。 外賣平過堂食。 連飲品同老火湯。100蚊有找。唔使等好耐。雞同牛腩唔肥。D米煮得幾靚。因為疫情唔招待大陸客👍堂食可以安心D。

灣仔食晏總是很苦惱，每日都唔知食乜好🤷‍♂️周圍都咁多人，食肆門口總是出現長長的人龍🤦‍♀️，加上我哋總是三五成群，排隊開飯都要等一段時間😅今日我哋就決定試吓呢間私房菜，鋪頭唔大，但有兩層，大枱唔多，等了半小時終於有位，一行6人坐樓上，職員態度非常友善，雖然座無虛席，但各職員都很有效率，點完菜很快就上餐飮，之後就來主食，食物味道也很合我胃口，不論是炒的還是煮的也不太咸丶不油膩，絕對是值得推介👍。唯一就係地方較細，坐得比較迫😅（灣仔租金貴嘛😅)，怕迫可以外賣，外賣自取價，比堂食仲平D添😂😂