媽咪雞蛋仔

营业中

休息中

佢唔係跟落單嘅次序做， 雞蛋仔係出貨快好多，我追問，職員答我話格仔餅需要耐啲時間， 觀察估計，原因係店內有四份之三嘅爐頭係for做雞蛋仔，1/4爐頭做格仔餅，我哋等咗成15分鐘先至有得攞格仔餅，如果趕時間就買雞蛋仔較穩陣喇。至於味道，就不過不失，同一般街邊嘅雞蛋仔/格仔餅差不多。

食完飯都未夠飽又口痕，就買咗底雞蛋仔試下。我叫咗咖啡味，又好彩冇其他人嗰d唔夠脆或者口味問題😅 即叫即整夠晒脆，但咖啡味比較單一，而且味道唔算好濃，可能要食佢加埋朱古力嗰款會香d。

初初開時好好，外脆內軟，之後越來越差。隔了一段時間，今次專登再去買，一攞上手已經超淋超軟瀨瀨…，咬落去好似食緊糕咁，今次唔知點解超甜，覺得有落糖精，乸喉🥴又唔係平，唔會再買了。

呢間可能係最難食既 「媽咪雞蛋仔」每次經過都會食 新開一兩個月都買過8次只有1-2次個雞蛋仔係脆同好食其餘次數全部都係偏淋身或勁淋好似蛋糕仔咁.初頭以為佢只係混合味先mix得唔好伯爵朱古力又瀨野綠茶朱古力又瀨野綠茶黑糖麻糬又瀨野芝麻肉鬆再瀨野我真係試足咁多轉 比咗好多次機會真係好失望.到今日食返單一朱古力味都仲係淋身 完全唔係脆到底發生咩事 😱😱其他分店唔會咁樣 忍唔住要反映下.男職員同女職員都一樣整出黎係咁證明你哋成間店既粉比例/手勢有問題 可唔可以跟進下😰😰😰

旺角店執左，見大圍有店就黎試 。星期日下午2點無人唔駛點等，好快就有。一拎上手，食幾粒，再望下，有一半都係淺黃色，唔夠「火候」「外軟內軟」（仲未烤夠時間😑）‼️即刻拎手機出黎，要分享返‼️明明無人排，只係等一個人，技術問題？…🤷🏻‍♀️淋淋地都算🙈仲要有三分一都係扁的‼️最基本的外形都無？慳蛋漿慳成咁？食東鐵站的小食店都無試過咁差，想點🤦🏽‍♀️$20正常價，但超級失望，唔值，放棄左三分一，唔會回頭大圍店🙅🏻‍♀️

平日放學時段下午三點幾經過，平時日日行過，都冇試過， 阿女心血來潮 就話 想試下~呢間舖頭嘅 位置就對正大圍火車站外圍，的士站隔離 ，人來人往😏，相信舖租都唔會平得去邊 🤑。喺我哋order之前 有兩三個order ， 由於即叫即整，所以都等咗大約8至10分鐘才有得食。我哋order咗個原味格仔餅 (23蚊)， 格仔餅賣相都ok，中間都係一般餡料，練奶+花生醬+牛油， 格仔餅外皮不太軟不太硬，有少少脆，但係就冇乜蛋嘅香味， cp值尚可吧😎。 我見其他客人點餐都係要原味， 其實佢menu仲有其他較特別嘅味道， 唔知係咪因為其他味道係貴啲 嘅關係，所以就令人卻步🤫， 我唔見有人點。

入嚟寫食評無意中發現上一篇刊登嘅食評都係我寫嘅，當日呢就唔好彩食到空心嘅雞蛋仔🫤🫤不過口痕今日經過大圍又再買嚟食，今次就幸運啦，好好味呀今日！！我覺得好食嘅雞蛋仔入邊嘅餡應該係軟綿綿同埋起碼要填滿三分之二！今日買到呢底雞蛋仔唔單止唔會烤得太焦，而且餡料好滿🥹超感動 大概有七成嘅雞蛋仔都係填到近乎滿晒嘅，咬落去係軟綿綿㗎，唔知有冇人好似我咁食雞蛋仔會咬開一半睇吓入邊係點嘅先呢？呢粒已經唔算最滿，有啲係再滿啲嘅！！咁先係及格雞蛋仔！！

好耐都冇食過媽咪雞蛋仔，大圍開咗間新嘅去試吓呢一間嘅手勢點先好多時出其他地方食媽咪雞蛋仔都要排晒長龍，但係呢間就唔使排隊嘅，不過唔知點解整得好慢都係等結果今日又係失望而回，又係食空心雞蛋仔外皮係好脆同埋好硬，但係入邊一半都係空嘅，仲要成底每一粒都係咁，好失望

元宵節限定‼️之前見媽咪雞蛋仔推出芝麻湯圓口味，但只限三天🥲期間限定，真係好難搵時間試到🥹因為熱賣，所以加推🤩fafafoodie先有機會試到🥳yeahhhhh#芝麻湯圓雞蛋仔 🖤🤍聽講芝麻係店家自己炒👍🏻芝麻味香濃，完全冇苦澀味🖤雞蛋仔入面有麻糬😍就好似湯圓皮咁🤍軟糯又可以拉絲~~可惜成底雞蛋仔有幾粒係冇麻糬嘅🥹雞蛋仔一如以往的外脆內鬆軟😋雖然價錢偏貴🤑但值得一試🫶🏻全線分店加推到3月3號咋‼️想試既唔好錯過啦😉HKD48#媽咪雞蛋仔#fafafoodie_大圍

好差人明明唔多,但係就等左超過20分鐘等都唔緊要, 好食係需要功夫同心機整但唔係, 料少到喊, 完全唔值23蚊呢個價錢(附上對比圖)咁料少還料少, 街邊小食都係口痕想搵野咬下 ,食得落肚都唔會咁花心機拎上黎講塊餅係唔熟唔知果廿分鐘係等佢開罐花生醬定點唔想浪費食物但都唔想胃痛更加唔想浪費時間行返轉頭搵呢間垃圾換廿幾蚊買個教訓浪費金錢, 浪費食物, 浪費時間

👩🥚🥞🚉 位於火車站外，地理位置方便。🧍‍♀️店員也很殷勤，手腳沒停過，雖然爐不多，但新鮮出爐的雞蛋仔一個接一個放置在盒中給顧客。避免客人等候太久。💰價格偏貴，CP值不算高，但可解一時嘴饞。畢竟，有些其他家的雞蛋仔，連蛋味也沒有。👅選擇了鹹味的雞蛋仔 - 鳳凰卷雞蛋仔。熱辣辣咬下去的脆紫菜、鹹香蛋黃和肉鬆，真的很滿足。可惜，不知道是不是散熱沒做好，濕氣水分重，蛋糕體偏軟，並不脆口，可惜啦～

較早前比咗個好評大圍分店嘅媽咪雞蛋仔嘅雞蛋仔做得好好，我而家畀你平係佢個格仔餅 & 員工工作態度。平時我係喺青衣分店嘅媽咪雞蛋仔買開格仔餅， 喺大圍 分店買咗 2次格仔餅2次都令我好失望。話說 2023.01.03 八點半左右，收工滿心期待買格仔餅返屋企食，落order 時已事先有同收銀店員講要 [ 走糖、多奶、多醬 ]， 而佢亦都應承可以~ 如果唔可以多奶、多醬，店員應該事先告知我，而唔係有講冇做，比假希望我， 我喺現場 耐心等候咗十幾分鐘，拎到返去屋企，打算開心享用至發現個格仔餅入面，根本就係冇乜醬，又搽得唔勻循，淨係將醬料搽咗係中間 ( 超級失望無奈，今次已經係第二次係咁 ) 因為成個格仔餅走咗糖，啲醬又咁少，成抹茶格仔餅完全係乾爭爭。 講真，收工見累至會想食啲點，我咬咗一啖，已唔想再食，跟著我隊咗比我個豬隊友接力食。我唔會再喺大圍呢間媽咪雞蛋仔分店再order 格仔餅㗎喇， 我要強調今次已經係第 2次 有講冇做!!!! 我唔知店員係唔睇單 製作 or or 定係 [ 你有你要求，我有我漠視 ]; 其實，大圍呢間媽咪雞蛋仔都唔係開咗好耐， 一件抹茶格仔餅 $33，如果咁樣

好多人都好糾結，究竟鍾意雞蛋仔 🐣 定係格仔餅 🧇 ？ 我自己就鍾意食格仔餅嘞 🧇 識揀就一定幫襯媽咪雞蛋仔 🐣🐥🍵 抹茶格仔餅$33抹茶係我必揀 🍵 仲要係多醬多奶 ( 我自己會走埋糖 ) 😋 媽咪雞蛋仔嘅格仔餅 🧇 係厚身，格仔餅皮有少少脆，但一定要趁熱食否則好快淋。加入抹茶格仔餅，喺滿滿牛油香當中，多咗一份帶有甘香嘅茶香，少咗膩嘅感覺，好好味喔 😋但係最近可能比我豬隊友影響咗，就鍾意食雞蛋仔 🐣 媽咪雞蛋仔係有好多唔同嘅味道選擇，而雞蛋仔外層係比一般嘅厚脆，一咬開香脆嘅外層，內裏係煙煙韌韌，好有口感之餘，你係唔會覺得乾爭爭。🍵 抹茶朱古力雞蛋仔 $36私心覺得抹茶朱古力味係最好味 🍵 大概因為有抹茶中和咗，令雞蛋仔甜而不膩，再融合粒粒朱古力，真係會令人 non-stop 係咁食。☕ 咖啡朱古力雞蛋仔 $36之不過咖啡朱古力味就失色咗少少。本身咖啡味唔出，但係每咬一半，都見到粒粒半融嘅朱古力匿喺雞蛋仔裏面，朱古力味濃，如果咖啡味出d, Macao 味一定更正。 🔅 總括嚟講，(大圍) 媽咪雞蛋仔🐣 出品係唔錯，當然唔同分店可能有唔同嘅水準， 不過由於個價錢相對亦都貴， 所以希望每

已經試過格仔餅，個皮厚又冇嘜醬，食過其他分店味道係OK嘅，諗住俾多次機會試吓主打嘅雞蛋仔，今次揀咗芝麻肉鬆囗味，咬開完全見唔到餡料，肉鬆並唔係貴嘅食材，仲要唔脆同唔熱，超級失望😤 如果係加盟形式開店，請好好監管一下出品 ，唔好做壞品牌形象。

雖然媽咪雞蛋仔都開左好多年但佢既雞蛋仔係有別於傳統個種街邊小店既雞蛋仔外皮比較光滑同厚脆💥內餡比較煙韌 濕潤💦味道都有好多唔同選擇之前試過金莎格仔餅同抹茶味雞蛋仔不過始終最愛朱古力雞蛋仔🤎朱古力既粒粒半融係裏面 甜而不膩 非常啱係口痕既時候食🤣包裝做得幾好 可以就咁拎住唔洗加個膠袋 搞到焗住啲水蒸氣 整到個雞蛋仔腍晒😚不過分店愈開愈多既同時都愈賣愈貴🥲希望出多啲學生優惠比我哋啲窮學生😭😭😭😭