影片
港铁黃埔站 B 出口, 步行约1分钟
继续阅读
营业时间
今日营业
11:30 - 22:15
星期一至日
11:30 - 22:15
以上资料只供参考，请与餐厅确认详情
自從旺角媽咪執笠後就冇食過媽咪雞蛋仔，今日經過紅磡廣場媽咪雞蛋仔，又買嚟過下口癮。一如既往都係要排隊等叫號，不過冇企係度等，因為呢條係食街，我又周圍八卦下，過咗十幾分鐘就輪到我，不過等咁耐都值得同埋有原因嘅，即叫即整，新鮮出爐，真係要一定時間先可以烤到每粒雞蛋仔都脹卜卜，香噴噴，外面焦黃酥脆，入面軟糯煙韌，還係保持到質素，好好食。員工有禮貼心提醒趁熱食。還有舖頭對出有兩張長凳，可以坐低舒服慢慢食。媽咪雞蛋仔 (紅磡)紅磡船澳街99號黃埔新邨地下1A15號舖
继续阅读
琴日路過 ，就忍唔住入去試下佢哋嘅香港原味雞蛋仔。哇，真係有驚喜！一入門口，就聞到陣陣香噴噴嘅蛋香同奶香。店員好熱情，介紹話有好多口味可以揀。我試咗經典嘅原味，外層金黃酥脆，咬落去 “嘎吱嘎吱” 聲，入面中空嘅部分軟綿綿，蛋香四溢，一啲都唔會覺得膩。除咗原味，仲有朱古力、抹茶、栗子等各種口味。而且呢度嘅份量都算大，價錢又公道。
继续阅读
叫咗一個抹茶味嘅格仔餅 格仔餅嘅部份都唔錯嘅😍唔算佢話係外脆內軟嗰種 始終唔係窩夫但係成個口感都真係幾煙靭☺️☺️抹茶嘅味道亦都算係幾香濃同埋算出見到佢哋門口寫住係用小山園抹茶粉 不過入面啲醬料可以再澎湃一啲☺️😂😂
继续阅读
媽咪雞蛋仔喺香港好出名，甚至好多遊客都特登嚟食，不過我自己就未食過，以為好貴四五十蚊一底，今日行過發現原來都係廿幾蚊，就試試。啲口味冇乜特別想試，本身想叫原味，又覺得太普通咁，話晒人哋都有出咁多口味，於是就揀咗個朱古力味。即叫即整，要等等。雞蛋仔份量比我想像中大塊，連每粒嘅邊邊都有朱古力，所以比較難就咁撕開，都係直接咬。口感偏硬，唔係超軟熟個種，但好脆，每粒入面都有朱古力，好彩唔算好甜，又幾好食。下次會想試吓伯爵茶呢啲冇咁濃嘅口味。
继续阅读
剛剛接完阿仔放補習，買了原味雞蛋仔加兩球雪糕。接待的員工全程木口面，由於天雨關係，我問有無膠袋，個瘦削男員工（冇記錯應該紮馬尾）答「無」，毫無禮貌，明明牆上掛滿膠袋，如果你要加錢，可以話加1蚊，但態度差話「無」，你都真係「無」禮貌！
继续阅读