影片
港铁九龙湾站 B 出口, 步行约11分钟
继续阅读
营业时间
星期一至日
11:30 - 20:30
以上资料只供参考，请与餐厅确认详情
比完錢，女職員叫我：你行埋一邊啦！（已經喺店外，無阻佢收錢！）外賣12:39落單，1:12先拎到！！！掉個飯出嚟！我見到個女職員係好忙，所以無催促過，不過都接受唔到咁差嘅服務！ 其他比錢要掃Payme, 佢都係：你掃咗code比咗錢我先同你落單！總結：真係好忙！廚房得一個男人！樓面一個女嘅做晒！做唔切咪截單囉！好少見到由頭至尾都咁差嘅服務！！！！第一次忍唔住要寫食評！！！！趕時間千祈唔好落單！！！！！！！！！
继续阅读
本身諗住叫碗藥膳排骨湯面，以為正正常常。點知，聞落去係有香氣，但食落啲湯係完全無味，耐一刻懷疑自己係即時中左Covid ，失去左味覺；好難想像如果最初選配白飯會幾慘不忍睹。如果這叫特色，只能怪我唔識欣賞。
继续阅读
中午經過入去點左碗招牌藥膳豬肚雞湯麵，碗麵個湯底果然唔錯，飲得出好夠雞肉味同埋藥材味都好夾，飲落口幾舒服，而且份量也可以，有5件雞、豬肚雲耳黨參，，大大碗都幾抵食
继续阅读
第一次喺OpenRice 寫食評，真係唔寫唔安樂超級難食！見到佢環境好好睇睇，望到有幾款養生湯，咁啱經過就入去試下試咗個蒜香炒帶子西蘭花飯，諗住都實冇死啦掛，一嚟到就咁睇都正正常常一食嚿西蘭花，痴線，勁硬！係要用虎牙咬先咬得入，同埋完全冇炒過！係因為，點會有炒嘅嘢係碟上有豉油？根本就係白灼加垃圾豉油，再係咁意加幾滴油咁啲豉油係似茶樓白灼菜嗰啲hea嘅甜豉油！仲有，菜名話有蒜蓉，我半粒蒜都見唔到！食半啖已經好嬲，到試下啖椰子烏雞湯，…….我真係失望到冇嘢好講，得味精味同少少椰子味，一嚿螺片都冇，就係茶記嘅例水咁（但佢單售要$60😑😑😑）帶子，食落去又係腥食咗一兩啖，本身都唔想浪費食物，打算外賣帶返屋企自己再炒下佢，但再比自己試下第二嚿西蘭花，真係頂唔順草青味，嘔返哂出嚟然後就成碟放棄起身走人世紀級厭惡！係令人食到心情好差，咁就$80學咩人開餐廳？
继续阅读
本身諗住去格離食野點知要等位，無意中見到主打健康既藥膳豬肚雞湯面特價$49配花茶，加$20仲有無味精湯水，所以就試下。因為都晏食飯，好多湯都賣曬，最後試左店員推薦既湯水。店內人手唔夠，全部位置走曬都未執枱，店員都係見邊度有客人坐先執。食物整體都滿意，尤其係豬肚雞面算係好抵食，個藥膳湯底都算唔錯，我最後飲曬。加$20既湯有個鍋仔裝住保溫幾好，但淨湯無乜湯料（我果碗得幾片薑😅）因為蓋無隔熱一打開果下好燙手，大家打開時都記得要小心。
继续阅读