妹記大排檔

营业中

休息中

妹記大排檔是香港老字號街頭風味代表之一，主打懷舊港式熱炒和經典粵菜小炒，以份量十足、親民價錢和鑊氣十足著稱。不論工作日午餐還是夜宵時分，這裡總是人聲鼎沸，是本地街坊和「外來食家」多次回訪的平民美食熱點。店內走實而不華的裝潢，室內外均設有座位，氣氛地道親切，適合三五知己或家庭聚餐。辣酒煮海螺是香港大牌檔經典海鮮小菜，選用新鮮花螺或東風螺，先經過鹽水浸泡和燙水去除沙粒和雜質，再以辣椒、蒜蓉、紅蔥頭等香料爆香，搭配豆瓣醬、麻辣醬和紹興酒、花雕酒等多種酒品煮制。螺肉鮮嫩彈牙，帶有酒香與麻辣香氣，辣味醇厚卻不刺喉，是開胃下酒的熱門選擇。炸蠔餅煎炸至外層金黃酥脆，內裡仍保留蠔肉鮮嫩多汁。餅內常加入蔥花和芫荽增香，口感兼具脆爽與煙韌，帶有濃郁蛋香和海鮮鮮味。這道菜香氣誘人，口味豐富，是香港街頭及大排檔熱門的下酒或小食選擇啤酒用“戰鬥碗“飲，別有一番風味！

一班朋友訂咗8:30食飯….佢話，限時兩個鐘……..到10:25….成個場冇乜人…又冇人等位….佢光速收晒我哋枱面所有嘢…..雖然話限時兩個鐘….又未到收工時候又冇人等位….使唔使咁快手？😂😂😂有陣時都唔難明白點解啲人返晒大陸消費。⋯⋯香港咁樣服務態度。….真係麻麻哋。….老實講，冇乜必要唔會

同朋友一齊食大排檔揀咗好耐冇食嘅妹記，都唔知佢尖沙咀原來開咗舖頭價錢唔算好進取 諗住都係大學嘅味道點知上碟大家都嘩嘩聲因為真係少到離譜黃金蝦球呢度多謝$128😅😅😅真係得幾隻 又唔係大隻會唔會太離譜西蘭花炒帶子$118影落去好似帶子都唔少 但其實個碟真係好細望吓個蠔油碟都可以佔咗¼碟就知啦基本上可以講碟頭飯嘅量都多過佢仲有其他黑椒薯仔牛柳粒 冇影到夾埋唔知有冇五嚿牛柳味道唔算好差但係冇咩特別 薯仔冇炸過食大排檔都係想食個風味但係呢個份量真係嚇親大家 我諗我哋都唔會再嚟🙏

室內都好有大排檔風味，怕食戶外又有多個選擇。藏身太興廣場三樓的妹記大排檔，推開玻璃門便跌入港式熱獨有大排檔感覺！主打懷舊大排檔風味，巨大香煎蠔仔餅一上桌便成焦點，薄脆餅邊鑲滿肥嫩蠔仔，蘸魚露咬下時「咔嚓」聲伴隨海洋鮮甜，視覺與味覺雙重震撼。 南乳香SO骨堪稱佐酒神器，排骨裹著南乳脆衣，肉汁被完美鎖住，蒜香椒辛刺激味蕾，甜辣鹹交織的風味與冰凍啤酒碰撞出絕妙火花。好送飯，一碗白飯都唔夠。配著凍啤酒同汽水與好友暢聊至深夜，正是港式宵夜的精髓。 親民價位，在尖沙咀黃金地段實屬難得。推薦三五知己點滿整桌鑊氣小炒，正。

第一次同朋友嚟上菜速度非常快😂同朋友落完單好似5分鐘之後啲菜就陸續嚟齊4個人叫咗5個餸個蛋白炒飯炒得幾靚，粒粒分明唔油膩黑椒薯仔牛柳粒通菜煲乳鴿1隻同埋豉椒蟶子，蟶子都幾多👍🏻唔錯呀👍🏻有機會同媽媽再嚟一次先😋😋

一行五人 晚飯😋😋 環境中上上菜快 夠鑊氣🥢 必推 金沙蝦球👍🏻👍🏻價錢合理，每人都係100蚊左右！份量足味道唔錯👍🏻性價比高食材都算新鮮 豉椒炒蟶子 都係原條厚肉😋😋唯有不足 入座限時個半鐘🥲 唔建議想聚下傾吓偈飲下酒既聚會😟

Order 黑椒牛仔粒薯仔因為只有幾塊牛肉粒，薯仔才是主菜。吃時發現半生熟，價錢$158更是嚇一跳！其他如煎蠔餅、椒鹽九肚魚都是不如油麻地街邊檔。不到20分鐘，已經上厠所肚瀉。向職員反映，沒反應。

香港一定要食嘅大排檔雖然價錢唔係平😭但係每樣食物都都好有鑊氣🌀蠔餅係我每次嚟到必叫‼️😹🦪每次新鮮上到都係熱辣辣因為都係即叫即做😍不過呢幾次叫 略嫌太多麵粉食咗好多都係炸粉同埋油另外就叫咗個金銀菜時蔬🥗🥗不過不失 蔬菜嘅選擇都好多如果食大排檔 建議要多啲人嚟🥹🥹🥹因為兩個人叫嘅餸唔多食嘅嘢就會少咗上次嚟叫咗蟶子 都係我大推之一🙌🏻🙌🏻🙌🏻海鮮都係做得非常出色建議大家可以一試👍🏻‼️

難得星期五晚不用OT, 同朋友在尖沙咀搵吃，因為是星期五好多都full, 之後嘗試去這間中菜大排檔，上到去都冇位，不過大排檔哥仔俾飛我地叫我地等一陣，好快就有位，雖然搭枱，但幾乎看不到對面，私隱度高。2個人叫了2個小菜加蠔仔粥同啤酒，吃得好飽，90分鐘還枱，係稍為冷氣不夠大，有點熱。員工們都好nice, 上菜也快。點了脆皮炸大腸，脆口美味；西蘭花炒帶子，沒有什麼特別，味道尚可；不得不提的是蠔仔粥一大窩，2個人吃得完，蠔仔新鮮隻隻脹卜卜，見到其他客都叫蠔餅，下次真係要試吓！

早兩日約咗朋友們喺度食團年飯，五個人叫咗以下菜式👅煎蠔餅蠔仔size中等，唔算好細粒，個人認為有少少腥味，炸得有啲硬，普普通通👅👅咕嚕雞球咕嚕汁味道都OK，包裹得啲雞球幾均勻，肉質都嫩滑👅飛天通菜煲佢呢款通菜超級幼身，食落好似冇乜口感辣度比起平時食開嘅飛天通菜勁好多😅👅👅椒鹽八爪魚咀呢款係咁多樣炸物之中炸粉最薄同相對出色嘅一樣👍 椒鹽幾香口，八爪魚咀彈牙👍👅椒鹽鮮魷炸粉勁厚⋯魷魚超幼超細條，唔掂😕👅豉椒炒蟶子都幾爽口，但食到少少沙👅菠蘿海鮮炒飯飯粒均勻有鑊氣👍配料有細細粒嘅帶子，蝦肉，魷魚，菠蘿等等佢同泰式帶咖喱口味果種好唔同，幾個朋友都食到覺得有啲酸酸地嘅蕃茄味😅😅 不過味道都正常👅雪梨茶一心諗住佢係真材實料煲出黎嘅，原來只係一個茶包有啲雪梨茅根顆粒仔加熱水沖，超級頹廢就收$28 一杯😵‍💫😵‍💫加埋一支啤酒埋單$785，以前食妹記覺得樣樣嘢都唔錯，今次食覺得樣樣嘢都普通😅😅下次可以另覓其他中菜館～～

#妹記大排檔 😋😋😋😋😋😋hk is good place for food. everytime i change my job, i will always find good food nearby. expecially around tst. full of ppl tourist and good food.this time is 妹記， last time is 金妹記。 i dont know who is copying whos fame but both of time serve similar food dai pai dong. very tradidional hk style wok air food with again 48$ !!!!!48$ is super cheap at tst. without +1 , super cheap with such freshly made food.will come back although is a little bit far.ps. their staff is too friendly lo

好硬同好咸嘅炒河粉，已經是lunch hour 但呢碟係好難食嘅炒河粉，我已經同店員講咗，佢話下次叫我叫少鹽少油，咁死得啦！即係趕客嘅！已經上次來叫乜冇乜都唔知點做大排擋，奉勸都係唔好去喇

晚間朋友飲酒食小菜好地方，妹記其實出哂名，品質穩定，味道很好好少失望。我每次必叫蠔仔粥，大大鍋，足夠三至四人分享，蠔仔新鮮。薯仔牛柳粒，牛柳比糖漿包住每粒咬落口煙靭甜甜地。豉椒炒蜆，蜆肉大大粒，好有鑊氣椒鹽九肚魚，送酒一流。

大排檔餐廳，現時買少見少今晚所有小菜都熱辣辣，其中的椒鹽鮮魷$98，我覺得個皮厚咗一啲，另外那個避風塘茄子$85，個皮都好厚，好似得六七件，價錢看似大眾化，其實份量都好細，人少少都可以乳鴿一隻 $78，味道可以蠔仔粥$138算係最抵吃，蠔仔都幾新鮮叫咗個蒜蓉炒生菜啤酒$37就有1樽，用傳統的冰碗飲啤酒特別過癮，價錢都唔貴另外還有特色飲料，侍應們他們態度都可以，但用餐時間只有90分鐘，真係啱啱食完就要馬上埋單

好耐冇食，尖沙咀鋪搬咗之後第一次食，結果勁失望🫠薯仔牛柳粒明顯係一早煮好 薯仔皮淋哂 蠔餅薄ee咁 蠔又少 飛天通菜煲 個煲凍嘅 菜冇味得嚟好油 成餐冇樣得 間嘢七成都大陸人食 冇哂以前個水準