娜多歐陸餐廳 (已結業)

這家餐廳雖然算不上很好食，但以這個價位來說，的確算是高水準了，甚至有物超所值的感覺去年某一晚去試試晚餐時段的二人餐，大概每人才100左右吧有兩個主菜、一個前菜和甜品，十分豐富首先前菜是一個小拼盤，裡面有雞翼、薯蓉和沙律雞翼比想像中好吃，其他則普通。主菜選了一個PIZZA，選了最薄脆的批底，而餐廳也的確能做到十分香脆的效果，芝士很多，作為芝士控十分欣賞這個PIZZA哈哈哈另外選了一個咖喱吉列豬扒飯配薯角（圖中PIZZA後面的就是啦，忘了給它一個特寫）這個飯也是很高水準，是用珍珠米，而且咖喱味濃郁，重點是豬扒是厚豬扒，咬下去一點也不會「鞋口」，有點出乎意料呢！最後的甜品，這個價位包甜品已經很不錯，而且其實算挺豐富的，有一球雪糕、WAFFLE、芝士蛋糕和TRUFFLE CHOCOLATE，不過味道就真的一般，我就當這甜品是附贈的，這樣想就感覺心理平衡一點

呢幾日都係馬鞍山圖書館,溫陣書又到1點食飯時間, 唔太多人, 等2張就到我啦!多款午餐選擇, 價錢都唔貴, 叫左意式Brunch $68 包羅宋湯及熱飲個餐一黎到份量就好豐富腸仔煙肉薯角都唔熱, 極之失望炒滑蛋好滑, 仲係暖既最好食牛角包好鬆軟

假日午餐，需要輪籌，不過算快，唔駛10分鐘。焗豬扒飯+羅宋湯+熱奶茶，$6x 上菜速度慢，落單後等咗20分鐘先有得食。羅宋湯好稀好淡。焗飯嘅溫度嚟講，只係暖暖地，應該唔係即叫即焗。就咁睇落去，賣相還可以，醬汁夠多，又有芝士，有蕃茄喺面，仲有兩粒菠蘿點綴。菠蘿一咬落去，d糖水即時標出嚟，不過餐廳用罐頭菠蘿都係平常事。個蕃茄汁有d偏甜，有茄汁色但無茄汁味，一味得個甜。豬扒切件，鋪開，但實際好細塊。飯有炒底，至於分量，一個男人嚟講食唔飽。奶茶完全無茶味，亦都唔香唔滑。

今日遲左食lunch變左做brunch首先講返都好耐無食過娜多啦你話佢勁好食又吾係但佢價錢貼地 50，60蚊有湯 野飲仲有意粉實在堅吾離地😂首先有個黑松露長通粉加沙律再有薯條講明先呢個沙律係無味吾好味架🤔第二就係all day breakfast 呢個整體都好味但牛角包太乾太硬🍞黑松露蛋煮得太老🍳但沙律就好味 有落醬既所以其實我都幾鐘意食呢間 無限時 價錢抵 味道又吾差

全場都没有客等位，更加没有6位一起的客人竟然趕客走，話只准限時座，我剛剛早午餐時段，等待兒子放午餐才想落單，她們鄉音惡女待應，竟然態度惡劣，叫我走！全場未滿座，令我要提早落單，兒子午餐變成冷凍餐，無人性！

午餐5分鐘內有位，可以啦！叫了一個凱撒pizza 同－個法式龍蝦汁海鮮烏冬兩個人分，每個set都有湯同飲品！個烏冬ｄ海鮮麻麻新鮮，但汁真係好正！pizza 皮唔錯幾香，材料略嫌不足但整體可以。

今日陪朋友出省去沙田同馬鞍山搵鴨, 因為朋友好鍾意P鴨仔, 但相關活動好少, 難得今次大型商場有佢鍾意的公仔, 所以就做陪客, 搵完之後另一位住沙田的朋友帶搵食, 來到這家平民西餐廳, 都已經有好多人等位, 但都算叫得快, 望下門口個餐牌, 價錢唔算太貴合理, 諗定食咩坐底就叫!!!紅粉菲菲荔枝蘆薈茶~~~先來這個PIZZA餐送的特色飲品, 荔枝味都幾重, 仲有蠻多的蘆薈粒可以吃, 鍾意清新氣味的朋友可選……輕盈芝士磨菇奄列餐($58)~~~ALL DAY BBF的什麼都有, 我地最鍾意食, 樣樣齊!! 有芝士磨菇奄列 (略覺得蛋唔夠滑, 料少了少少)、法蘭克福腸(幾皮脆)、煙肉、燒蕃茄、薯餅、粟米粒(加埋少少牛油好點)、雜菜沙律、茄汁豆、厚多士(唔錯, 應該係有少少麥包成份), 大致上平均!!蕃茄扭粉拼特色風味豬頸肉($56)~~~好似一個早餐或常餐的感覺, 蕃茄味唔算好濃, 但個炒蛋比起ALL DAY BBF那個滑, 而且豬頸肉都幾香口, 加上少少辣的汁, 蠻不錯!!!環遊世界薄餅+榴槤薄餅(半半) ($84)~~~檳城榴槤製的, 還好有一位朋友唔食但可以聞,如果有唔聞得的朋友咁就

昨天到此間食店食晚餐，叫左一客軟飯，過了半小時還未上菜，催了幾次，服務員叫你等，我要求轉換其他食品都唔得，最後見兩碟一起上，擺明兩碟一齊做，離晒譜，服務質素差，差，差。

我上晝九點鐘去到食早餐， 個地下同張凳已經好污糟有好多麵包碎同埋茶漬， 之後我叫咗個早餐同凍檸茶， 等咗20分鐘都未有， 我見隔離張枱以送到凍檸茶給他， 起初他以為佢自己叫錯凍檸茶便篤咗好多下檸檬， 後來 再送多杯凍奶茶給他， 原來佢冇叫錯係餐廳啲人送錯咗， 之後果侍應問我係唔係叫咗凍檸茶， 我答佢係， 佢居然可以比番嗰杯篤過好多次嘅檸檬茶我， 我梗係唔要la , 反正等左上差唔多25分鐘， 我早餐都未到，梗係要走啦我都要返工㗎嘛， 之後個侍應好惡劣咁話你叫咗嘢個喎都要比錢先可以走 ,我一樣嘢都冇食過飲過都要我畀錢咪傻啦， 之後我唔理佢我都走咗!

係馬鞍山睇完戲就去餐廳食晚飯。因為好難先睇完戲所以依然營業嘅餐廳所剩無己，見到有間西餐廳未閂門所以就無考慮甘多沖入去食飯。見到有套餐優惠係月二人套餐但諗諗下覺得份量太多，所以就冇考慮到。咁我就叫咗一個主食，你男朋友就叫咗一個套餐。我叫左一個手打烏龍麵，係一個豚肉烏龍面 實質係叉燒烏冬。我覺得呢間餐廳嘅烏龍麵湯底比某一間連鎖拉麵店嘅湯底清淡啲食落唔似飲緊味精湯而且食完洗碗面都唔會覺得口渴。烏龍面嘅質感好似烏冬，其實好似真係冇咩分別，但個人覺得豚肉嘅味道稍為偏淡，唔似醬叉燒。總括來講佢嘅性價比都頗高！二男朋友叫左卡邦尼亞蛋黃煙肉焗長通粉配薯菜原來呢一個主菜都幾大份，而男朋友同我講午餐嘅份量會比晚餐多，因為薯菜係用原隻薯仔上，所以份量係十分之多，呢一個餐絕對可以兩個女仔share。你一個係一個套餐所以會有餐包都唔買紅湯或者白湯配上而家男朋友就揀咗紀念堂忌廉湯的味道好creamy,湯嘅質感亦都好滑煙肉焗長通粉表面会有一层用咗嘅芝士味道好濃，但好可惜吾係拉絲芝士你一個意粉唔似平時食嘅卡幫你意粉因為佢係比較乾身而且無咩煙肉味，總括而言普通。反而佢嘅焗薯就比較出色，因為好香奶味，食落好遠而且讀書嘅表

去咗La Dolce食下午茶。公司三文治伴薯條跟埋嘢飲，侍應拎嚟嗰陣有少少眼前一亮，估唔到係用木板上，薯條同茄汁仲另外用碗仔裝住。塊麵包係麥包嚟，中間就夾住芝士、火腿、蛋、生菜、番茄同沙律醬，食落爽脆微鹹。同一樣嘅嘢，碟上同木板上，心態上都真係爭幾遠。

佢地嘅餐其實真係幾底食！係pizza最底, 好味又大個！佢d pizza 仲要有厚同薄選擇！d料又唔係少！佢嘅湯呢，我鍾意紅湯，有dd 辣！好開胃！白湯....佢話用咩3.6牛奶.....唔好玩小妹啦唔該lol! 落左幾多滴？ 我地都有叫2人餐！前菜....咁嘅價錢可接受！之後要左龍蝦汁意粉！個汁好hey....唔夠味！汁因為太hey,都掛唔到上意粉到！所以食落更淡！甜品我覺得好有誠意！但個雪糕真心難食咋外有叫乾tomato pasta! 減肥之選完全冇味！海鮮飯！唔係焗，有d失望！隻碟凍嘅！不過果2條ribs 又真係幾好味！

遠水路來馬鞍山探親，在附近用餐，1時未到已等位。見餐牌幾吸引，又便宜，即管試試。見有個是薄餅餐，猜它只是一人份量細細個，不打算點。見其他食客的薄餅是大份的，點菜時問原來是午餐那款，點了試試。好味不油不熱氣，大到夠四個人吃。午餐加$10有沙律或湯加包，沙律有紅腰豆，足料口感豐富。午餐還包甜品，不是行貨，青蘋果果凍，吃到蘋果肉，清香怡人。夠誠意。最初打算去Pizza Hut，這兒的薄餅更好，最重要是不油，價錢還平一大截，等位又不太耐。

雖然馬鞍山多咗好多餐廳，但是平靚正既西餐廳，呢間都可以當之無愧。這個甜品併盤，睇餐牌見到有5款甜品，好期待啊。不過，原來係袖珍版。Waffle好細件，真係一啖就食哂，不過，都幾新鮮，還暖的。加埋旁邊個芒果雪糕，一暖一凍，好夾好味。Cheese cake 仲細件，不過芝味濃郁，咁好味既只有一小丁方，唔夠喉。朱古力慕絲好精緻，外表好似粒荔枝，又係好濃朱古力味，正。還有，點解燒番薯可以有咁細粒既番薯bb? 好香番薯味。除此之外，還有些迷你士多啤梨粒，芒果粒。唯一美中不足就是份量少了些喔!

今日中午與同工往娜多食美式焗薯，香草醬雞肉忌廉意粉和芒果布甸，焗薯好好食，配上茄汁豆好香；香草醬雞肉忌廉意粉夠熱，雞肉和意粉好滑，最後芒果布甸好夠味，甜而不膩，唯獨是粒藍苺酸了一點