媽咪雞蛋仔 (已搬遷) 新店位置

My green tea egg waffle with red beans came out crispy . It didn't last long, maybe a few blocks. You could see the whole red beans scattered inside the egg shaped pieces. Flavor overall was surprisingly mild, an easy snack to eat to hold you over until your next meal

之前媽咪雞蛋仔重係紅磡的時候，無咁多分店的時候，就係好好味。今日係旺角再買，都係買原味，可能我去買野飲，太耐先返去拎，拎的時候係微暖。已變軟，亦都較甜。可能剛出爐的時候即食先會外脆內軟。味道：2/5抵食：2/5回頭率：2/5

米芝蓮都推介的媽咪雞蛋仔，已經係雞蛋仔界十分有地位。今次特登試食呢款唔係好多人揀的有機栗子味， 栗子味道好天然，不會太甜，適合喜歡食淡味道的人士。 質地方面，外脆內軟，雞蛋仔入面絕不留半點空位。貼地的小食，離地的享受。

吃媽咪雞蛋仔已經好多年由以前只在一家店在紅磡火車站下面食到拿米芝蓮推介，再到開到去西門町-以前一個小店時 好認真製作未出名時來講，價錢已相對地貴但用心 用材料搭夠 我覺得值得-現在 名氣大了吃的人好多 等既人好多品質變得不穩定食左幾次有時旁邊的好空心有時朱古力粒粒好少覺得蛋香跟朱古力香都淡左..-以前是我買雞蛋的必然之選現在不了 會周圍試試有沒有新店更好-可能正正因為咁，好多人都不想自己喜愛的店出名寧願放在口袋裡好好收藏

.綠茶朱古力雞蛋仔 ($28)雞蛋仔外香脆 內軟熟綠茶味好真 有時綠茶製品盒食到陣香精味覺得好假好難食🤮🤮🤮🤮但呢個冇 仲要帶陣甘味 同朱古力嘅甜味係對比😙雖然媽咪雞蛋仔比平日雞蛋仔貴一倍 但食到咁好食嘅 又會好樂意比多少少食高質啲嘅😛

講到我最中意食既街頭小食，一定非雞蛋仔莫屬，媽咪雞蛋仔食過好多次，有甜味同咸味，都係第一次食抹茶味～～～抹茶朱古力雞蛋仔 $26 雞蛋仔外脆內軟，邊位好脆，而且粒粒都呈半飽滿，有蛋香，不過抹茶味就唔算好濃，亦冇回甘味，滿足唔到我，反而朱古力粒呈半飽滿就好正呢😍!!!!比我再揀既話，都係揀番朱古力味，未必再食抹茶味，因為我最中意食朱古力味❤️❤️餐廳：媽咪雞蛋仔地址：旺角廣華街1號潮流地域G23號地舖

成日上網聽人講話呢間雞蛋仔好好食，好出色。雖然本身對雞蛋仔無乜特別興趣，但咁啱經過就不如試試佢啦。果日星期五黃昏接近6點鐘左右，估唔到近晚飯時間都咁多人排隊買雞蛋仔食。見入面有好多款唔同口味，最吸引到我既莫過於香蕉朱古力雞蛋仔，於是就決定試試佢香蕉朱古力雞蛋仔等左十幾分鐘左右終於有得食。拎上手熱辣辣，香噴噴咁食落口好香既香蕉味，仲有香蕉肉係入面，唔錯!!但朱古力味比較少，只係咬到咁上下先會食得出有朱古力味。不過可以encore

唔知幾時開始買親媽咪雞蛋仔嘅，都係旅客為主。今晚見到食完飯又想食甜品，行過去附近一間媽咪雞蛋仔，諗住同男朋友一齊分享。今次見有咖啡味同咖啡朱古力味，不過貴五蚊。交出男朋友好鍾意飲咖啡，所以就買咗呢一隻出面冇嘅口味，咖啡。咖啡味食落淡淡地，認真食會食得出。不過雞蛋仔有啲太甜，食完好想飲好多水。味道方面，至於好唔好食，雞蛋仔入邊外脆內軟，入面不至於係空殻。的確係同出面嘅有分別，不過呢個價錢實在有好多選擇。

平時經過以間鋪，門口多人到爆，今日終於有時間去食下啦，見門口都貼住連續3年米芝蓮2016-2018香港街頭小食推介，原來係賣雞蛋仔，仲要有好多唔同口味，有好多口味既雞蛋仔都未食過，肉鬆白芝蔴，鹽燒紫菜粟米，咖啡朱古力，有機粟子味，最後買左抹茶朱古力味（$28），因為我真係好鍾意食抹茶。店長仲提我一定要襯熱食，一咬落去外脆內軟，粒粒都係滿滿，落足料，食落去唔會太多朱古力粒蓋左抹茶既味。下次要試下其他特別味道或者試下格仔餅。

第一次食媽咪雞蛋仔嘅時候喺係紅磡，記得係食朱古力味，當時覺得非常好味，因為做出黎真係充滿住朱古力餡，同埋入面好軟熟！所以今日再次行經分店，都忍唔住食返次回味下。同男朋友分別叫左紫薯雞蛋仔同埋普通格仔餅各一。但係見到整完個樣，已經係非常失望😞底格仔餅發生咩事，薄到咁嘅！？真係求其搵間小店都厚過佢🤦🏻‍♀️食落脆到𠝹口，花生醬味牛油味完全食唔到，淨係食到甜味........之後再食紫薯雞蛋仔，仲失望😞食完成底都冇一粒雞蛋仔係唔會摵碎/裂，而且骨肉分離，上下兩層係唔對稱🙈說好的紫薯味除左淨返少少紫色色水同甜味外，紫薯味、雞蛋嘅香味完全搵唔到！同埋空氣成份都唔少！簡單啲講句，就係用料用心冇以前咁足！呢兩底野都要成$5x，我唔介意貴，但係你都要俾返相應嘅質素呱......希望真係做返好少少，keep返以前嘅水準，唔好拎完米芝蓮呢個名就求其做。期待下次會食到以前嘅味道口感啦

媽咪雞蛋仔朱古力雞蛋仔原味雞蛋仔 呢間既雞蛋仔係我最鐘意食既一間☺️☺️即叫即整 真係好香蛋味 攞上手熱辣辣😋最鐘意既味係朱古力👅每粒雞蛋仔都有朱古力粒 仲要因爲熱辣辣 所以一咬 啲朱古力溶出黎 好好正😍份量又多 每粒雞蛋仔又大粒👀之後再試埋原味佢每粒都唔會空心架😍食落去仲係軟個皮又脆😏😏外脆內軟🤑性價比勁勁高👽

媽咪雞蛋仔 真心要同媽咪講好難食！紅豆雞蛋仔 ，成粒紅豆好似生吞咁 ，硬過食子彈。食紅豆喺為咗食到紅豆味煮完之後嘅甜同紅豆蓉 ，但佢好似原粒未煮過放入雞蛋仔到 ，雞蛋仔又無蛋味 ，求其其他唔出名當仔仲好食過佢。差不多30蚊 ，實在太貴 ！唔係第一次食, 已經俾好多次機會佢。但其他味都係一樣咁難食，真難得保持水準！其實咁普通咁港產小食就唔好搞咁多花臣 ，真心做好個原味雞蛋仔先啦！ .....#onetimeonlyrestaurant

媽咪雞蛋仔嘅口味都好吸引，又有勁多味，每次經過都會見到有一大堆人排隊。朱古力，香蕉，芝麻，紫薯，幾乎講得出都有，岩唒啲選擇因難人士🤤真係食過就吾想再食其他店果啲

抹茶朱古力既雞蛋仔$26，聽個名已經想食٩۹(๑•̀ω•́ ๑)۶身為一個半朱古力控同半綠茶控既我當然食la，其實當日排隊雖然係閒日，但都要排隊，但員工好nice，會同我地講話行一個圈返泥就食得，要等咁耐真係抱歉，香港已經好少e種服務態度嫁la，e度真係買少見少既服務態度(๑•́ ₃ •̀๑)，講返個雞蛋仔先，好脆，咬落去係聞到綠茶味，而且每一粒既雞蛋仔都佈滿曬朱古力粒粒，口感層次方面做得好好，而且上到手都暖昱昱好正(๑•̀ᄇ•́)و ✧ ！

每次一出去行街，中途肚餓，都會想掃街，周圍食小食！第一時間都會諗起以前細個，最愛的雞蛋仔！而雞蛋仔唔係間間都好味架！而俾我發現左（媽咪雞蛋仔）係米芝蓮推介！值得去食！真係好好味新鮮出爐，仲要係即叫即整！外脆內軟，勁香蛋味！之前食過雙重芝士味同朱古力味！但點都係鍾情原味