孖女廚房泰好味

营业中

休息中

同朋友去完黃金商場，跟住喺附近搵嘢食，本身想去另一間餐廳，但係撞啱店主突然出遊休息。經過呢一間，又想食泰國嘢，咁啱佢又仲有一張枱，咁就即刻入去坐低。食泰國嘢唔少得生蝦，同朋友食就可以盡情咁叫。白汁辣到剛剛好蝦肉都好爽脆。龍眼冰算係輕甜，唔會好似出邊啲泰國餐廳咁多糖水。個青咖喱冇我想像中咁辣，但係雞肉份量就比較少。比較鍾意佢個薄餅，有咬口煙煙韌韌。生菜包個辣度，我就覺得唔夠辣，但係啲朋友就覺得已經好辣，不過份量就幾足。燒牛肉就有啲鹹呢個有少少失望。另外個煎蠔餅本來相當吸引，熱辣辣用pan上，但係佢下便個木架就出現好大問題⋯唔多講，會係衛生分數嗰度反映番。個味係可以，蠔肉亦都好飽滿。整體見佢啲份量唔係好多，另外加多咗個粉同埋串燒。難得個粉係粗河粉係唔錯，但個串燒淨係欣賞佢個沙嗲汁。整體嚟講食物質素同埋衛生都有改善嘅空間。

只係顧住做外賣，客人坐低10分鐘，枱又未抹，餐牌又無俾。完全唔憂做！做唔切一係就請多個人手，一係就唔好接外賣單，一係就唔好招呼客人坐低！完全浪費客人時間，遲早出事！

星期六唔想專登坐去九龍城食泰國嘢，好怕假期要排長龍等好耐先有得食飯。忽然記起朋友話美居附近有間泰國嘢幾好食，所以去試吓先。嗌咗個蝦頭油海鮮炒飯🥲估佢唔到竟然有三色豆..有三隻蝦兩個青口，仲有少少魷魚。好可惜食落唔覺有咩蝦油嘅味道。餐廳食物價錢親民唔算貴，食物品種唔算太多款。食落冇味精唔會口乾。餐廳環境偏細，大概淨係可以坐到10個人左右。孖女廚房泰好味 (深水埗)深水埗元州街213號美居中心2座地下21號舖

泰式柚子沙律🥗泰式柚子沙律顏色好繽紛 令人一睇就有食慾 柚子既清香同脆口感 加上花生既香脆 令沙律非常爽口 ～沙律既酸甜味道係岩岩好 特別適合係用餐後享用 幫助消化 亦都可以作為前菜 酸酸甜甜夠晒關胃👍🏼冬蔭功湯🌶️冬蔭功湯係泰國菜代表之一 湯既酸辣味岩岩好 每一啖都感受到蝦既鮮香 蝦既鮮甜同湯既酸辣非常夾🦐泰式炒通菜🥬通菜鮮嫩 炒得恰到好處 保留左菜既原汁原味 蒜香味好濃～但唔算好大碟 不過兩個人食就岩岩好👍🏼泰式豬頸肉炒飯🐷泰式豬頸肉炒飯既米飯粒粒分明 豬頸肉炒得恰到好處 香氣四溢 每一啖都吃到肉既鮮美 仲有少少既香料味 豬頸肉份量又多～建議個飯可以再加多少少鹽 再咸少少 咁就更具層次感！👍🏼椰青🥥椰子水清甜 椰肉既口感都正 軟嫩滑口 好易筆出黎慢慢食～💯總結黎講 呢四款泰菜各有特色 從香辣既冬蔭功湯到香辣豬頸肉炒飯 都感受到廚師既用心 不過整體既份量都偏少 如果可以多1.5倍份量會更好～🤗孖女廚房泰好味 (深水埗)深水埗元州街213號美居中心2座地下21號舖#中菜#西餐#日本菜#食物打卡#相機食先#食好西系列#好食#好好食#鍾意食#打卡餐廳 #打卡美食#食評#foodie#yumm

買完聖誕禮物梗係要食野啦最後去左美居中心搵野食！估唔到呢邊都好多餐廳喎😮千挑萬選左一間泰國菜餐廳以後泰菜唔一定要去九龍城呢間都係平價性價比高之選例牌試下生菜包同埋炒通菜生菜包非常香辣惹味有水準夠乾身唔會食到成手都係汁炒通菜比其他泰式餐廳大碟而且食得出夠鑊氣高性價比另外叫咗蝦頭油醬海鮮炒飯炒飯粒粒分明海鮮俾得大器每粒飯都係金黃色香氣撲鼻追加串燒拼盤雞牛豬各兩串一致認同雞肉串最好味嫩滑老闆娘仲好好，請我哋飲嘢分別叫咗泰式檸茶同椰汁冰檸茶茶底冇港式咁濃厚同澀椰汁冰椰香非常香甜濃厚👍🏻唯一美中不足無芒果糯米飯因為呢期芒果唔甜所以無整足證小店選料嚴格、唔求其會用最好嘅選料烹調美食！—————————————————————🔸 泰式生菜包 $78🔸 馬拉盞炒通菜 $55🔸 蝦頭油醬海鮮炒飯 $73🔸 串燒拼盤 $85

係長沙灣開咗地道泰國菜, 由廚房到門面, 都由泰國人一手經營同包辦; 舖面細細, 但我地6:30前到都已經有人係門口等緊枱及有幾個人等緊外賣, 小店只有12個座位, 想食好嘢真係需要啲耐心; 裝修雖然簡單, 但充滿泰國風情味道, 有枱泰國家庭仲邊食邊同老闆娘傾談, 好有泰國feel呀。餐牌上款式都幾多, 定價親民，我同老公叫左前菜, 小食, 炒菜, 主菜同飲品。泰式酸辣鳳爪 - $63老實同你地講, 佢餐牌個圖同真實係一樣, 貨真價實, 真係幾大碟同幾多料, 配菜生菜都多, 色彩好靚, 個汁酸甜配上香菜, 食落好清新, 鳳爪又非常入味又爽口, 比起我之前食過九龍城個啲泰國舖好食好多, 食唔停口。泰式炸蝦餅 - $75賣相都幾靚, 啱啱炸起, 熱辣辣, 好香脆。蝦餅食落香脆彈牙, 金黃色, 顏色好靚, 非常美味！點埋泰式甜辣就更好食。黃咖哩雞 - $63咖喱香氣撲鼻, 味道不太辣, 但咖喱醬汁很濃郁, 配埋泰式薄餅 - $39就啱哂; 薄餅油酥好香, 好美味, 質感柔韌, 加上咖喱裏面有很多雞肉, 又有三色椒, 洋蔥, 好惹味; 雞肉又嫩滑, 實在跟薄餅好配搭, 個汁配飯都可以呀!泰式

店舖小小，但滿滿泰式地道既感覺! 餐廳開門十分鐘都冇，已經坐滿同好多人叫外賣，我地今次叫左泰式蒸魚❤ 直接黎條盲曹 夠哂地道，盲鰽魚油豐富，肉質鮮美，魚味濃郁，而且大大條，2個人食好滿足，湯頭清甜小酸，仲有野菜雜菌梅白茅等配料，好抵食。菠蘿海鮮炒飯❤ 香甜既菠蘿，仲有青口同大蝦，配料豐富。飯粒乾身，粒粒分明唔會太軟身好有咬口，淡淡蛋香，再落D肉鬆 腰果，口感豐富。馬拉盞炒芥蘭❤ 咸香味濃小辣，芥蘭清脆，好惹味，沙嗲串燒❤ 雞❤ 豬❤ 本身已經醃製左 所以就咁食都好香口，一D都唔油膩，香嫩多汁。

朋友推介，長沙灣開左間正宗地道泰國菜，無論由廚房到門面，都由泰國人一手經營同包辦，長沙灣同深水埗居民，又多一個新選擇。餐廳唔算大，裝修骨子，充滿泰國風情味道。menu嘢食都幾多，價錢亦親民，我同朋友叫左小食、炒菜、主菜同特色菜式。泰式炸蝦餅：賣相幾好，剛炸起，熱辣辣。蝦餅食落香脆彈牙，點埋泰式甜辣就更好食。馬拉盞炒通菜：通菜炒得夠翠綠，有鑊氣，馬拉盞鹹鹹香香，整體味道辣辣地，又幾惹味。鐵板蠔仔炒蛋：份量多，炒蛋夠香，蠔仔新鮮，size唔細，入口軟軟肥美，好有蠔味，旁邊辣醬辣度都ok喎，配埋一齊食，唔錯。底鋪左芽菜，好爽口。鐵板用火keep住熱，唔會話一陣間就凍晒，呢D凍天氣食佢就最啱。泰式炒粉絲 (牛肉)：賣相吸引，除左牛肉，配菜有紅椒、青椒、洋蔥、椰菜、芽菜、雞肶菇同雞蛋，非常豐富，上面仲灑左花生碎。整體炒得幾香，夠味，炒粉絲唔會話炒到一舊舊，亦唔算多油，同樣夠鑊氣，配菜又夠爽口，少辣，幾好味。青檸梳打：青檸帶酸味，梳打甜味中和返，幾清爽。椰汁冰：椰汁味重，加左花奶味道較香，唔算話太多冰，好飲。

今日收工，去了深水埗的「孖女廚房泰好味」，真係好開心！我點咗四道菜，每一道都好好味。首先係泰式柚子沙律，色彩好靚，柚子的酸甜配上香菜，食落好清新。燒豬頸肉就更加唔使講，炭燒嘅香味，外面香脆，裡面嫩滑，搭配嗰個特製醬汁，好滿足！馬拉盞炒通菜都好正，通菜好新鮮，加上馬拉盞醬嘅味道，好好味。最後，泰式炸春卷外皮金黃酥脆，裡面嘅餡料又鮮又香，好想再食。整體嚟講，呢餐飯唔單止味道一流，店員服務態度又好好，真係令人感覺好舒服，肯定會再來光顧！

食傳統泰國菜唔一定要去九龍城，最近發現長沙灣都開咗間泰國人主理嘅泰國菜小店，一於支持下先。 雖然係小店，但食物嘅款式都好多。 泰式炸蝦餅：金黃香脆，入口爽口Q彈，非常美味！ 串燒拼盤：揀咗豬、牛、雞各兩串，味道香濃，炭燒味香，個人諗為豬串燒最出色。 泰式乾炒河：可以揀豬／牛／雞，今次揀咗牛，炒得乾身夠火喉，香濃又惹味。 薄餅：我最鍾意食泰國嘅薄餅，表面酥脆，充滿牛肉香味。 馬拉盞炒通菜：鹹香味十足，非常惹味！ 泰式檸檬茶加咗青檸，同一般飲開嘅檸檬茶有啲唔同，味道都幾特別。 龍眼冰超冰涼，好多龍眼肉，非常清甜。

今日經過長沙灣，發現一間非常濃厚的泰國餐廳新開店，地方細小，但內在力量驚人，都是泰國人親自經營。🎀 龍眼冰作為開胃的甜品，龍眼冰是一道必試的選擇。清涼的龍眼搭配冰塊，甜蜜的口感令人瞬間消暑，並且帶有一絲天然的果香，讓人感到清新自在。🎀 菠蘿炒飯菠蘿炒飯的呈現非常吸引，飯粒松散，裡面夾雜著鮮嫩的蝦仁和青豆，菠蘿的香甜與飯的鹹香相得益彰，使這道菜成為了一道色香味俱全的主食。每一口都讓人感受到泰國料理的精髓。🎀 泰式炸蝦餅炸蝦餅外酥內嫩，搭配自製的甜辣醬，口感層次分明。蝦餅的鮮香味道在口中瞬間爆發，讓人忍不住一口接著一口，無法自拔。🎀　串燒拼盤串燒拼盤是與朋友分享的理想選擇。多種肉類的搭配，無論是雞肉、豬肉還是牛肉，每一串都經過精心醃製，烤至金黃酥脆，肉質鮮嫩。特製的醬料更是為整體增添了濃郁風味，令人垂涎欲滴。🎀　泰式炒芥蘭這道泰式炒芥蘭色澤鮮亮，口感爽脆，搭配大蒜和蝦米炒製，簡單卻極具風味。菜品的清新感為整體餐點帶來良好的平衡，讓口味不至於過於油膩。🎀　芒果糯米飯最後，芒果糯米飯是一道完美的結尾。糯米的柔軟與熟透的芒果相互輝映，淋上椰漿的香甜，讓人感受到濃郁的泰國風味。這道甜品的口感令

朋友講深水埗開咗一間由泰國人主廚嘅泰國菜，聽講好好食，是晚就同朋友嚟試下。大概七點多來到，門口等緊兩枱，同埋幾個人等緊外賣，店員告知大概等15分鐘左右啦。小店只有12個座位，想食好嘢真係需要啲耐心😆⭐菠蘿海鮮炒飯全部餸菜都係即叫即炒，製作需時，第一樣上枱嘅係菠蘿炒飯，賣相都唔錯呀😋菠蘿香甜，腰果香口，入邊仲有啲大蝦、魷魚、三色豆等同炒，炒得乾身唔油膩。⭐燒豬頸肉叫咗一份燒豬頸肉，份量幾大喎，豬頸肉本身有油水，燒起上黎好甘香，點埋個酸酸辣辣嘅秘製醬汁勁好食👍⭐串燒併盤併盤有六串串燒，牛、豬、雞每樣兩串，雞肉軟腍，豬肉肥美，牛肉略乾身，全部大大串，食起上黎有口感，個沙嗲汁好香好好味，讚👍⭐馬拉盞炒芥蘭本身點通菜，但賣曬就轉咗做芥蘭，揀咗馬拉盞炒，辣辣地好惹味，芥蘭爽脆甜，好食。⭐秦式凍奶茶 & ⭐青檸疏打再追加咗泰式凍飲，一杯凍奶茶同一杯青檸梳打，凍奶茶嘅糖水可以自己落，甜度自由控制。朋友點嘅青檸梳打入口實在太有驚喜，超勁酸😂飲多幾啖又可以接受喎。叫埋嘢飲啱啱好過$350，可以儲到印花囉😘

天氣開始轉凍，數緊秋冬to-do-list，發覺數漏泰國嘢比起夏天，凍凍地食泰國菜仲有feel，長沙灣呢間街坊泰國餐廳，舖頭細細，除咗堂食，都好多街坊外賣幫襯涼涼地嘅天氣梗係嗌鐵板蠔仔炒蛋，一上檯噴晒蒸氣，金黃炒蛋上有粒粒肥美滿溜蠔仔剁開炒蛋有爽身芽菜墊底，淋上辣醬，惹味非常見老闆娘咁推介炒飯，就嚟個豬頸肉飯，豬頸肉份量好多，塊塊到好爽彈，好有肉香，點辣醬更香炒飯真係好有鑊氣，不全然邪惡，都有大量菜蔬原本想嗌Phad Thai，但又想試吓泰國人整嘅船麵，就嗌牛船河，肉嘅種類同份量都多有牛腩、肥牛、牛丸等等，湯底精華入晒味，每一條河粉都變啡，啖啖香濃佢地嘅串燒都好值得一試，嗌咗沙嗲牛肉同豬肉，牛肉一啲都唔嚡，醃得好香豬肉勁爽口，點沙嗲醬真係好食到上癮燒雞翼大胃都鍾意食，燒全翼超級肥美，啖啖嫩滑入味青檸梳打就飲得多，粉紅色嘅就第一次飲，原來係士多啤梨味，顏色同味道都好泰國，有一大支梳打可以fill，所以唔怕太甜龍眼冰有得少甜，龍眼肉大大嚿，讚

今天晚上 ，我們去到孖女廚房泰好味(深水埗) 享受泰國 菜。餐廳裝修細緻， 牆上貼滿了有關泰國的圖片，充滿了泰國文化色彩。我們點了幾道美味的菜品。首先是冬陰功湯，湯底酸辣，搭配海鮮，香氣四溢。接著是香芒大蝦炒飯，鮮蝦和香芒的搭配讓這道菜風味獨特。然後試了馬拉盞炒芥蘭，口感清脆，搭配馬拉盞醬，價格。還有泰式炸蝦餅，外酥內嫩，搭配酸辣醬。至於飲品方面 ，我們點了龍眼冰和青檸梳打，讓我們在炎熱的天氣中感到清涼。整體用餐體驗非常滿意！

平時最鐘意去長沙灣食泰國菜又近，質素又同九龍城差唔多重點係平平時食開果間執左新開左間孖女廚房見勁多人買外賣去食泰國菜我地2公婆例牌點一份肉碎煎蛋飯👍🏻👍🏻👍🏻👍🏻肉碎炒得好香，味道偏甜，帶少少辣牛肉沙律👍🏻👍🏻👍🏻👍🏻牛肉肉味好重，質地軟身沙律醋酸酸甜甜幾開胃泰式生蝦刺身👍🏻👍🏻👍🏻👍🏻👍🏻爽口彈牙，辣汁適中，吾會太辣海鮮炒粉絲👍🏻👍🏻👍🏻👍🏻勁多海鮮，粉絲炒到岩岩乾身有蝦，青口，尤魚好豐富