季季紅風味酒家 (已結業)

奉勸大家不要幫襯!話說上星期一行十五人午餐時點了隻燒鵝等了一會燒鵝到部長上菜時特別說了一句，「啱啱出爐燒鵝熱辣辣d皮仲脆卜卜睇住！」大家滿懷期待一人夾一舊放入口，點知舊燒鵝又凍又硬，似朝早燒完放到中午拎出黎俾人食咁！其中一位朋友忍唔住出聲，同部長反映，部長好唔情願地把已夾走一半肉ge燒鵝拎走，仲一路行一路死撐，「真係啱啱燒好喎」隔左五分鐘，大家作最壞打算，以為佢會用微波爐丁返熱原碟歸還。點知我再食多一舊，係同頭先一樣凍ge!最後大家放棄爭論，無謂影響大家好心情。

一大班朋友約聚會真係好難搵地方，尤其想食中餐。有朋友就推介沙田季季紅，話隻米豬好食，所以就試下。原來成隻豬是由餐車推出，侍應會即場剪豬，飯就在豬內面走出來，好新奇。賣相不俗，食落口都好香好好味，唔錯。其他菜式都在中上水準，尤其是龍蝦伊麵既伊麵好食，龍蝦又夠多肉，炸子雞又好嫩滑唔鞋口，干燒伊麵亦比一般飲宴煮得出色，甜品桂花糕又清新好味。而且碟頭大，份量足，十幾人食完個餐仲可以打包。所以這間酒樓值得推介，絕對係一家大細，朋友聚會食中菜既好選擇。

如果可以做每樣餸都可以咁難食，個廚師真係高手黎小食叫左個木耳冷盤，有陣跌打酒味😥口水雞無辣味唯一正常係海蜇燻蹄因為應該係入貨既蓮藕餅淨係有肉無蓮藕，薄到無朋友粟米斑塊應該係最穩陣，點知係成舊都係炸粉芝士伊麵淡而無味，簡直失敗招牌米豬肥膏多過肉，中間既麵豉醬又咸又唔夾味，超怪個粟米湯淡而無味😵😵😵全餐飯簡直唔知自己食左咩，淡，咸，怪完全feel到個廚師有幾hea😤😤星期六都唔滿場先知中哂伏下次去番總店食好了

中秋節前的星期四，打算訂位和家人在星期六吃晚飯，但可能因為做節關係，心儀的酒樓間間客滿，只有這間可以訂到座位，雖然伏味甚濃，但想想……可能這間地點有點偏遠，交通也不十分方便，所以才可以訂到座位，而且是七點鐘的繁忙時間，咁幸運，點知……去到酒樓， 發現啲枱擺到非常密，行去廁所要左穿右插，要其他食客移開座椅至行到出嚟。今日很多平常的菜式都暫停供應，主要供應幾款套餐和少量小菜，我們為免等候時間太長，就選吃六人套餐。可能想我哋快快交檯，上菜速度極快，張檯擺唔哂啲餸，侍應將碟餸交到你手上就離開，要客人自己想辦法處理，骨碟擺滿骨當然無人換碟喇！乳豬拼盆乳豬和义燒合格，豉油雞無味， 海蜇好多沙，食燒鴨連酸梅醬也欠奉。杞子鮮竹浸時蔬莧菜好多渣，子帶苦味。蠔皇北菇扣玉掌冬菇幾大隻，不過就煮唔透，好硬。鴨掌帶酸味。紅燒竹笙海皇翅 冇乜材料---啲翅幾乎揾唔到， 竹笙和肉絲也不多，唔知點解叫海皇翅。上湯焗龍蝦伊麵 龍蝦有兩隻，算新鲜，伊麵都好大碟， 但之前上菜錯送四人餐嘅龍蝦(一隻龍蝦)，好彩畀我哋發現，否則食咗先知道唔知點計數。翡翠炒雙蚌 墨魚爽口，但西芹有筋。紅燒乳鴿乳鴿雖然炸得香口， 但肉很乾。清蒸

為左慶祝同事生日, 當然要擺返一圍賀賀佢坊間酒樓其實間間差不多但要數到出名既菜式, 季季紅的布米豬令我一試難忘,所以決定再投佢一票。一黎就上左最有名的奚米乳豬先!侍應會係大家面前將一隻完整的乳豬平均剪開數十份所以人人有份,唔洗擔心無得享受美食個豬頭仲可以拎返屋企煲湯添呀白灼海蝦成隻手指公咁大隻,數量都唔小架, 有誠意杏片百花球外脆內柔熟, 非常彈牙,口感一流一品脆皮燒雞雞皮燒到脫口,雞肉嫩口幼滑另外仲有紅燒海皇生翅蠔皇金錢龜螺片

我地成14個人嚟食飯，本身諗住普通食個飯啫，想不到有少少驚喜！因為先前搞手已經訂咗隻有米豬，方知原來有d咁有特色的菜色。隻豬嚟到時，侍應叫我地影張先！之後佢就切一份份比我地食。隻豬成為咗成晚的重點！下面d飯有蝦米香，乾身，索曬豬d精華(豬油)，雖然好肥但夠曬香口，忍不住encore!豬皮都好脆口！個雞煲是今晚另一重點，好入味，唔算辣，配料又多，撈飯食真係一流！另外仲叫咗龍蝦伊麵，龍蝦都好新鮮，伊麵底就味道麻麻。其他小菜都係好麻麻冇特別影相。最後問阿姐有冇糖水送，有紅或綠豆沙。今晚每人都係$125，都算抵食喎！

是年七月雨水多，在家裏看完日本動畫亂馬1/2劇場才來到季季紅風味酒家喝午茶，這裡環境一般，冷氣不夠出入門經常打開所以夏日不太舒服且服務一般；食物款式不多而且出的時間耐少少，首先講到炸春卷及炸餃子味道OK，皮蛋瘦肉粥味道一般而且用料不多，鳳眼蝦餃在點心之中不俗而且新鮮算美味，小籠包及咸薄餅味道不過不失且份量OK。炸春卷及炸餃子和皮蛋瘦肉粥價錢平只是$13.8，羅漢齋辨麵，用料不過不失口感又不錯。每人消費$55其實可以再平

今日係我姨甥仔幼稚園畢業大日子，晚上就約齊全家去食爸媽飯堂，係丫，兩老連朝早飲茶都黎呢度飲架，老人家真係唔嫌悶架呢度隻生日乳豬如果大家想食，記得佢地一定要預訂，唔係walk in就有架！我對隻乳豬無乜興趣，我最愛既係佢肚入面既炒飯，有豬油既加持，仲有加左我最愛既芋頭，我一個人都可以食到3大碗丫呢度啲乳鴿都幾好食，夠味同都好香口佢地其他既小炒都ok既，不過就等得耐囉，唔知係咪星期六爆場既關係，追啲姐姐都話要等多陣呢度就都算好食，不過坐得好迫，成日俾人撞到張椅，下次都係閒日先再食了

約左成班同事 成15個人 都係搵唔到邊間餐廳方便 都係選擇啲酒樓 食成圍飯先夠食 但又唔想咁死版 諗諗下見季季紅個一圍套餐 有乳豬食 咁要試下喇招牌乳豬出動 將隻乳豬裡面加入啲飯 之後燒完啲乳豬味留哂係飯到 香到爆😋😋😋😋😋一隻乳豬 兩種食法確係唔錯 呢個size都夠哂15個人食有多醬油雞 同其他地方食到既差不多松魚 呢碟廚房首先會將條魚開邊油炸 之後再用啲熟油加蔥lum落魚身 令條魚昇華🐠🐠🐠最後一碟龍蝦依麵 都好夠味 啲肉質又唔錯👍🏼

假期諗住入下沙田行下，一路諗下究竟有咩嘢食呢？哈哈我就諗下，不如飲茶啦！今晚就見到季季紅，不如試下啦！估唔到真係失望。入到去，環境想像中冇咁好，最大問題係有烏蠅，我真係好驚 。個窗口望出去 ，個場好似殘殘舊舊咁 ，我見朋友平時去過季紅買嗰隻有米豬 ，又幾特別呀！ 起碼印象唔係差。冇諗過去到酒樓，原來係咁服務又唔係太好，嘢食又叫樣樣都冇，又唔係好味道。揀嚟揀去叫咗四樣點心，決定食完再去第度食過。春捲都係普普通通 點心拼盤，失望燒賣、素餃， 食過就算

本人於 2017 年 3 月 24 日晚約 8點半度，响季季紅門口經過，本身想買飯盒食，又見到佢有外賣燒味飯賣，咪買嚟試下囉。叫左燒鴨飯，到燒味哥哥就嚟包盒飯時，我問佢拎薑蓉，咁佢即刻好惡咁話：“包左喇，下次早啲講吖。” 我心諗，我以為你係比現成 pack 好嘅薑蓉嘛，同埋你都係揭番開個飯盒啫，唔會難得過你斬燒鴨啩，我都諗住唔比咪算囉。點知佢鬧完我之後，望一望我，仲嬲啲咁再重覆一次：“下次早啲講吖”, 跟住就一大 pat 薑蓉咁筆落啲飯度。我完全明白呢位哥哥嘅心路歷程，好明顯佢望到我個樣傻下傻下知道恰得, 就放心再兇你一次，再諗咁鍾意薑蓉丫喇，比你囉。番到去食，食過呢啲飯都知道都係食頭頭尾尾㗎啦，再加埋啲飯比薑蓉浸過哂，真係咸到驚有腎病，咁就冇左廿二蚊。食唔飽唯有再落去買其他野食，經過季季紅門口見到佢地咁慘淡嘅情況。其實呢間野雖然唔係好食，但都不致於生意咁差，鬼咩，請左啲咁嘅伙記。其實之後我都有响地廳堂食過一次，以前有個做左好耐嘅女經理冇做，成班職員而家好似烏合之眾咁，玩下玩下响度 “扮工”, 啲野又貴又難食。唉，真係祝呢間野好運。

琴晚14個人去食包房，有k唱有麻雀，食左$43xx , 食左二十幾樣野包括有米豬。 只有扣肉差小小。其他冇咩大問題wo。蝦係海蝦，又送壽包，生果，糖水。唔明點解咁多負皮。

3月5號阿媽生日一家人食飯慶祝，諗住近近地係屋企附近簡簡單單食餐飯，就選擇咗特色風味酒家，見菜牌做小菜優惠點指定兩個餸送煲豬肺湯，好似好吸引，好就點龍蝦，乳鴿，梅菜扣肉，蒸石班，加碟菜，仲有送既湯，一家人夠食啦，大家傾下計餸到啦，起筷，龍蝦配媽媽最鍾意既伊麵，味道幾好，之後湯到了，一淡飲入口，難飲過茶餐廳d例湯，阿媽同家姐都話，湯料好少，得6件一蚊港幣大細既豬肺，十足十加水番渣煲淡而無味，飲落口唔夠熱，不特止，飲得到只有好重牛奶味，一點杏汁味都無，極之難飲，乳鴿燒到皮好脆，但係肉味偏淡，扣肉熱辣辣上枱，點知食一口超咸，要即刻飲汽水先中和到，肉質又嚡唔夠林，梅菜又苦，極之難食，蒸魚等咗好耐終於上枱，魚肉勁林，入口覺得梅既，就知唔係新鮮魚，最後浸豆苗，唔知點解菜湯又係食到好重奶味道囉，唔通所有湯都係由奶水溝既，今餐超難食，食唔曬，又唔夠飽，阿媽生日唔想掃興，就無即時投訴了，但以後唔會再幫襯呢間，又唔足料又咁難食既酒家

星期日梗係同屋企人飲茶☕️☕️今日經過沙田河畔附近得一間酒樓，就決定試吓星期日正午唔需要等位👍🏼上到酒樓..環境衛生各方面一般食物質素方面不過不失服務完全冇😕叫好耐都冇人理，侍應自己有自己傾蟹子鳳眼餃味道唔錯，蝦肉彈牙😋😋算係依間比較好食既點心安蝦咸水角: 8成空氣，2成肥肉，不過都香脆煎蘿蔔糕: 粉太多，蘿蔔小，味道一般😕煎釀茄子 (賣相👎🏻)太過油，鯪魚肉腥又有骨😥雞包仔: 皮厚，味道一般季季紅蝦餃皇 (特點): 皮厚，蝦唔新鮮，唔熱，應該擺左一段時間

第一次入到去比人趕的酒樓，個樓面話2個人一定要榙枱，但洒樓並不是全院滿座及樓下亦沒有人等位。及亦見有人一個人坐一張枱（不是未齊人）。總之作為顧客比人罵，我以後一定不會來這間罵人趕客的酒樓。😤