宇治初時@自家創作料理

营业中

休息中

實測星期六12:10到 要等40分鐘睇咗店主同衛詩雅嘅訪問蝦濃湯粉絲係每日限量同埋特登請咗位專家人手拆蝦殼🫡🔹 櫻花蝦。蝦濃湯粉絲+肥牛 ($55+$15)自家製湯底真係好特別味道有啲似叻沙加冬蔭功酸酸辣辣 又有啲creamy揀咗人類辣(中辣) 真係幾辣😂粉絲係韓式粉絲 做到掛湯效果蝦有三隻 全部剝好哂殼肥牛份量好多 舊舊都大大塊 ᕦ(ò_óˇ)ᕤ食完超飽 絕對可以當正餐食👍🏽┄┅┄┅┄┅┄┅┄┅┄┅┄┅┄┅┄

叫咗兩碗分別就係推介嘅櫻花蝦濃湯粉絲同埋鯛魚濃湯粉絲。配料係幾足嘅，因為有菜有豆腐，又有啲木魚片，蝦嘅本身亦都剝咗，又有一大堆櫻花蝦同埋魚片。湯底味道係幾濃郁，但係櫻花蝦濃湯同埋鯛魚濃湯根本係同一個湯底，個感覺有啲似食緊喇沙。佢所謂嘅濃湯底並不是100%用蝦或者鯛魚煲出嚟，個感覺似係加咗椰漿同埋味精。等候嘅時間亦都過長，又冇位俾你食，得嗰一張圓枱仔。除非你叫外賣啦。所以呢，只係試一次就足夠，外賣都唔會再試。

葵廣好多人介紹的宇治初時，今日早上11點黎到原來要12點半先可以拎外賣的，我去拎個陣已經超多人， 真心覺得佢可以早啲開鋪就好， 因為等到我好肚餓， 而且又好多人得緊。佢話已經係第一批了，最早了，算係葵廣最紅的小店? 在這間小店的粉絲，都真係吃過最好食的濃湯粉絲！佢好入味的，我叫左蝦款，勁似龍蝦湯，D 湯想留來煮麵食，但粉絲份量唔多，唔夠飽。聽人講魚款都好好食，今次無試到，宇治初時好似係老闆個名黎，見到佢係入邊煮緊。

鯛魚濃湯粉絲 - $50近期熱店，試完真係大推！湯底濃厚，味道好像是忌廉蕃茄湯味，粉絲會掛滿湯汁，配埋滑滑的鯛魚片，非常惹味，忍唔住飲哂個湯🥹另外佢地仲有蝦湯粉絲，聽聞味道好像是龍蝦湯般。建議大家想試的話，一去到葵廣就落單先，因為等候時間都頗長。

湯底夠濃、可選不同辣度要注意都會幾辣下魚片份量很足，有種吃不完的感覺數量都有八至九塊個人喜歡吃的味道好多人排隊、即叫即整、需時等待唯沒有得坐著慢慢品嚐有外賣提供

這店是葵涌廣場近期網絡熱推的小店之一, 位於小食店的集中地, 人流頗盛, 店旁設有一張高圓枱, 好讓客人可立食, 唯流轉速度慢, 供不應求, 需有等的心理準備。接近 15:00 來到, 除了鯛魚濃湯粉絲和小食外, 其他麵類均已售罄。為免連最後一款粉絲也吃不到, 便急急落單, 卻忘了其兩食優惠, 鯛魚濃湯粉絲加涼拌魚皮, 唯有留待下次有機會才品嚐。鯛魚濃湯粉絲 (宇治醬 - 天使) $50鯛魚濃湯粉絲賣相吸引, 有適量的木魚碎蓋面。鯛魚份量不少, 雖有細骨, 但軟身。鯛魚肉質脆口, 對於不太喜歡吃魚的我也感到眼前一亮。湯底以自家研發的宇治醬烹調, 辣度有小天使(唔辣), 天使(小辣), 人類(中辣)和魔鬼(大辣), 聽聞人類的辣度頗辣, 首次品嚐還是先選天使。呷一口湯頭, 濃稠creamy, 味道似喇沙, 辣道輕微, 惹味開胃, 當中混有菜脯和雞髀菇, 增添口感。粉絲Q彈, 掛上濃湯, 十分搭配。

一直想試近日炙手可熱的濃湯粉絲，可惜之前平日夜晚來過兩次都未能嘗到。趁着今天放假，12點便準時到達門口，三顧草廬後終於成功買到！———————————————————————⭐️⭐️⭐️⭐️⭐️鯛魚濃湯粉絲 $50湯底超級濃郁！味道有點像喇沙湯但沒有任何油膩感覺，全部喝光亦沒有覺得口渴。還有些少酸味，非常開胃！有四種辣度可選擇（無辣、小辣、中辣、大辣），作為十小辣人士我選了小辣，但小辣辣味並不明顯，相信下次可以挑戰中辣。鯛魚片質感十分結實，有點脆脆的口感，新鮮無腥味！不愛吃魚的都可以一試！而粉絲選用了韓國粉絲，非常掛湯。而且份量比想像中多！相信雀仔胃人士吃完一碗應該會感到滿足。⭐️⭐️⭐️⭐️櫻花蝦，蝦濃湯粉絲 $55另外亦叫了同樣熱門的蝦濃湯粉絲。湯底與鯛魚那碗其實是一樣的，但這款加了櫻花蝦，為湯底添加鮮味。蝦有三大隻，味道屬正常鮮蝦。本來看到蝦頭還連着，以為蝦是連殼上，但原來蝦身的殼已經脫掉，十分方便在葵廣掃街時食用，店家心思令人感動！———————————————————————雖然我已經是平日中午12時來，但在海量外賣單下仍然等候了40分鐘，其間人流絡繹不絕！相信這股熱潮仍會繼續，大家想一嘗傳說

星期二，十二點二來到店買櫻花蝦 蝦濃湯粉絲。排隊得兩三個人，估唔到要等四十五分鐘。雖然十二點開鋪，但原來十一點已經可以打定電話落單。收銀姐姐態度幾好 粉絲用的是韓式粉絲般，較香港食開係粗啲。如果唔連湯食，粉絲無乜味。個湯係幾濃，無叫辣，食到個湯有甜味，食落有啲似泰式嘅湯，有啲椰奶香。因為有啲豆腐同娃娃菜料，食落感覺幾健康。啲豆腐似百福豆腐嗰隻，好嫩好滑。蝦剝埋殼唔駛自己郁手都幾方便，因為蝦頭留著，都可以‘損’埋蝦頭嘅汁。因為就咁食粉絲無味，都連啲湯都飲左幾多，食完會出現食完味精嘅頸渴感覺。因為等九個字，太肚餓去左食其他嘢，返到黎再食濃味湯。對於我黎講有啲影響左對佢嘅觀感，如果乜都唔食齋食碗粉絲可能會覺得好好食。

很好食，非常香濃的蝦湯底，一滴不漏的飲曬！ 粉絲份量足夠、蝦貼心地剝了殼，真的很有心做。粉絲低熱量，真的很適合女士，減肥之選。不過真的等待時間較長，想食的朋友仔，要早少少叫定啦！

第1次試櫻花蝦，叫左中辣，聞落覺得好香，飲一啖湯幾好味，但跟手已經覺得個心臟好痛，扯住扯住，跳得好快，咁我以為自己唔舒服啫，所以食左2啖就俾左男朋友食，佢覺得幾好味，咁就由佢食啦，隔左差不多1個月，今日試另1款，魚果款，原來同櫻花蝦個湯底係1樣既，又係飲啖湯先，點知又係一食無耐就心臟扯住扯住痛，今次食左幾片魚片，同3啖粉絲，都係痛，所以以後唔敢再食，好想知道佢落左d咩野響個湯底，我唔知咩原因，究竟係因為佢湯底有食材令我敏感定係味精太重所致😔😔但唔會有答案

可能係今日遲左黎葵涌廣場，真係好想試吓嗰個鮮蝦粉絲，因為聽同事講佢碗嘢幾十蚊足足有幾隻鮮蝦。但真係今日遲咗收工過嚟只可以試到鯛魚粉絲，不過都真係好好食，絕對唔會有失望希望下次可以試到蝦粉絲啦。

成日聽到有人推介呢間野，話佢地既湯底好濃郁好好食，經過左幾次都排哂長龍，呢日見到少人啲就諗住去食下，點知落單果陣話要等35分鐘，因為佢地除左堂食原來都好多人會叫外賣，但難得一場黎到點都要等下架啦。咁我就叫左個宇治櫻花蝦。蝦濃湯粉絲既外賣，無叫分湯但都好貼心咁所有外賣都會分湯，因為避免啲粉絲林哂。啲湯倒出黎果陣就見到有好多櫻花蝦，啲湯係既色係勁橙，食落去湯底好濃郁好creamy，都幾重蝦味。下次會想試埋佢既鯛魚濃湯粉絲，不過我就覺得份量上算少，做正餐既話會唔夠飽。

之前都係食開鯛魚粉絲 今日試咗蝦粉絲，蝦好大隻，好鮮甜，仲要去咗殼！湯底都係一如既往嘅好味！好香，揀埋人類辣，我鐘意食辣，啱哂我！食咗d先記得影相每個禮拜至少要食一次。支持小店 。加油加油！

星期六，去葵廣掃街，第一次試食宇治初時，假日一定多人，預咗要等起碼半個鐘。去到舖位，見到排晒隊，order咗櫻花蝦，話要等至少50分鐘，OK，照等。結果等了60分鐘，才收到食物，立即試食，好好味，等咁耐都是值得的。2男2女做到無停手，動作都算快，只係訂單真係太多，要等好耐好耐。佢地仲有涼拌魚皮，睇落都吾錯，但係我食唔落咁多野，只好留返下次再試，魚皮加鯛魚有一個套餐，好似係90蚊，值得一試 職員態度良好，有禮貌，要keep住啊！

痴線勁好味 !!!第一次喺openrice留言就畀咗呢間舖頭!知道葵廣呢間好hit!！！今日去試咗, 真係好好味!！！好味到要download openrice嚟留個言!！！今日食咗蝦濃湯粉絲同埋魚皮,非常好味! ！！啲蝦仲要係新鮮蝦，剝曬殼 店主真係非常用心!！！個湯係出面食唔到嘅味道!好惹味!！！店主自家製嘅醬真係好正！！！ 仲要有得揀唔同辣度! 真係好鬼正 ！！！ 本人詞窮 所以只能夠講好好味嚟形容 ,之後一定會keep住幫襯！！！