安南越式牛肉粉

营业中

休息中

這間餐廳用手機落單，午市人人都是食套餐，手機落單都是點套餐一碗粉加一杯加$3野飲，結帳竟是收單杯飲嘢是$22，問店員怎樣處理，回應無得改，話你係單點，但我又想問，見有食客口頭向侍應落單要一碟飯加飲品，但侍應又唔會問要單點或套餐，擺明用手機落單有屈人正價飲品

今日去咗安南食lunch因為覺得越南嘢通常都穩陣啲，叫咗蝦膏酸辣檬粉同安南海鮮粉。見到個酸辣粉嚇咗一跳，第一次喺越南餐廳見到會放蟹柳。碗嘢完全冇任何蝦味，只係放咗辣椒醬如果唔係應該同水一樣無味。本身有肉碎，但係過咗5分鐘先有個侍應拎過嚟話廚房未俾。我問佢係咪即係漏咗唔記得，佢即刻話喺廚房關佢事。安南海鮮粉湯底完全冇味。其實價錢唔係特別平，暫時這間餐廳應該是香港數一數二最難吃的越南餐。直頭係何一不可再唔會再幫襯。

有幾次去開杏花邨shopping都想食呢間安南越南粉 。今次見行過見唔使等位又有卡位就同小朋友一齊去食咗一次👐🏻野食都快送到！👌味道尚可! 份量都足夠招牌嘅牛肉～ 味道的確唔錯!! 而且牛肉既量都幾多所以都幾岩我胃口☺️另外都仲叫多咗個撈檬佢用平碟放！ 個份量都唔少嘅😆牛肉粒幾好食☺️自己可以因應自己嘅喜好落個汁不過我落嗰時唔記得先搖勻 搞到唔夠味😭小食都叫左個春卷 有6件加埋生菜! 不過不失, 但好似有d辣! 都可以接受到! 👌😁

趁去開杏花邨開完會,個肚有D餓,就食個簡單午餐才回公司吧！在安南叫了香茅牛肉撈檬,牛肉絲份量足,入口美味,撈檬口感清新!啱哂唔想食飯既我😊跟餐叫了杯凍奶茶,味道吸引!也只需$69,真係超值!

收咗工唔知食咩好，見到開咗間越南嘢又唔洗等位，就入去試下，入到去見到個梳化卡位污糟咗，就叫個職員幫我沬一沬，佢就用塊濕布求其沬，張凳依然係濕咗一大撻，然後就好晦氣咁走咗去，想我點坐呢？之後我就自己搵咗另一張枱坐😓香茅雞翼湯河 $63一上枱我呆咗，我啲河粉呢？會唔會少得可憐🥴湯底我放咗啲辣椒粒同青檸汁入去調味，但飲落依然都係好淡味，只食到少少青檸同辣椒味，如果我冇調味的話，應該係冇味嘅😑主菜個4 隻雞翼好細隻，煎得好乾爭爭，好似食緊柴皮咁，不過都醃得幾入味，同埋慶幸河粉煮得啱啱好，唔會太淋同散開哂🙂.食完埋單出去收銀處，我企咗係度好耐都見唔到有任何職員，最後尾有個職員係廚房行返出嚟，先施施然幫我處理😅.總括而言，食物質素 + 服務同價錢都完全唔成正比，完全冇服務可言，竟然仲會收服務費？😧食物質素都有待改善🥲

今天天氣不太冷，但想吃湯粉或麵，周日去開鰂魚涌附近食越南河粉，知道杏花新城開了新店就去試試。因下午茶時段，不用等位（也有數枱客了），坐下點了雞絲湯粉及香茅豬扒湯粉。不用5分鐘就送來熱辣辣的湯粉，喝一口真的熱辣辣，豬扒也是熱的，外皮有點脆，肉質還有點鬆軟，反而雞粉略為少咗D。後上熱奶茶，熱檸蜜也是熱的。新店環境乾淨，整體對我來說，套餐有湯粉及飲品，價錢合理，今天的體驗非常不錯。唯一就係食緊嘅時候，店員在掃地，擔心D塵在空中飛。