安娣瑪萊

营业中

休息中

趁小朋友學校假期，約埋朋友一家去中環AIA 燒錢。玩完搭天星過尖沙咀。 去到海港城又話要去玩具反斗城～放晒阿媽啲電！正當我地大人腰酸骨痛想早啲搵間餐廳之際，就喺玩具反斗城前面有間裝修唔錯嘅泰國餐🇹🇭。門口餐牌仲做緊4人套餐。唔諗咁多攞飛食飯！唔洗等好耐有張大枱俾我地，環境舒服，座位好寬敞。香茅椰糖烤串雞翼呢隻雞翼烤得非常出色！表面平平無奇，一拎上手已聞到香噴噴嘅椰香，無諗過烤雞翼會肉嫩多汁，仲要微微脆口！老實講，食一隻真係唔夠。招牌海南雞飯真係無得輸！我地一家好鍾意食海南雞，食過唔少餐廳嘅海南雞飯，並唔係時時會食到唔肥、唔油、又香又滑又大大碟嘅海南雞。auntie MALAY 嘅海南雞飯，令我念念不忘。啖啖肉都嫩滑，加埋佢嘅醬汁同雞油飯。小朋友好快就清晒碗飯！大蝦冬陰功份量好足，料好多！酸酸辣辣好開胃，大蝦新鮮無死實實，大既分到6碗。小食拼盤值得推介，串燒同豬頸肉好好食，好香好入味。蝦餅同肉碎生菜包正正常常。泰式奶茶～好正！話梅蜂蜜梳打～正正！餐飲包檸茶檸水，加錢可以轉特式飲品。我見泰奶有推介，即刻點杯試試。超讚！我哋仲叫咗大蝦雞絲喇沙、椰香青咖喱雞。份量好足，套餐款式多，地方闊落鬆動

最喜愛星馬菜的我當日行過呢間餐應。先比店內環境吸引住，樓底高、色彩豐富的傢俬令人引象深刻，樓面店員話有窗邊海景位就入去試下。我哋點了海南雞半隻，酸辣鳳爪沙律，小食拼盤，香茅椰糖烤雞翼，瑪萊肉骨茶，紅咖喱豬肉，豬肉船麵，森巴蝦仁通菜班，班蘭咖椰多士。海南雞加油飯：雖然有點肥有啫哩，雞肉嫩滑, 油飯好香好食，飯都粒粒分明夠咬口。酸辣鳳爪沙律：汁醬好開胃，辣度都刺激的，鳳爪都幾大隻，嗜辣的話會推介呢度前菜開一開胃。瑪萊肉骨茶味道好濃味，豬肉都算腍。不過湯唔夠熱。如果有火加住熱會好啲。泰式紅咖喱豬肉望落以為好辛辣，食落原來微辣，還帶點甜，伴飯食一流。泰式豬肉船麵：諗唔到有星馬菜泰式船麵～竟然都幾正宗地道，牛湯底濃郁好有泰式風味，最欣賞佢個豬皮脆口掛湯。森巴蝦仁通菜：蝦仁數量算多，份量十足。最後甜品班蘭咖椰多：麵包外脆內軟，斑蘭醬好香甜，食完一件已經邪惡但好滿足。

今日一家人去海港城逛街，小朋友去玩具反斗城掃貨。掃到又累又餓， 向前走一會就見到Auntie Malay, 名稱都幾特別，原來係一間泰式餐廳，又唔駛排隊，於是入去試下。一坐低就有蝦片食，岩晒小朋友。見到個4人餐做緊promotion, 又唔算貴喎， 就order左1set 4人餐。頭盤係小食拼盤同燒雞翼， 無得輸。 串燒好香口，燒~雞~翼，我~鍾~意~食。 生菜包都幾辣，堅果隻辣，我就食到lam lam脷，老婆就食到噴火。冬陰公湯，足料，但無想像中果種泰式辣，偏重椰香。青咖哩雞，真係有驚喜，我認為全場最好食，咖哩香而不漏，少辣，配上茄子，好出色。海南雞配油飯，海南雞算中上， 油飯就好出色。果種油香會令你不自覺地扒飯， 真係一邊扒飯，一邊有罪惡感。 雞絲喇沙就椰香味重，辣味輕，算係配合香港人口味既fusion菜。呢個時候，已經好飽。 多士同甜品，交比小朋友。 見佢地食晒，就知唔錯。

今晚放工約了屋企人係尖沙咀晚飯，行了一陣海港城。係海運大廈地下一層行了一圈搵餐廳，經過Auntie Malay門面見到有套餐，見價錢有折就入去試下！今餐點了一個4人餐，頭盤先來小食拼盤及椰糖烤雞翼，頭盤算豐富有沙嗲，燒豬頸肉，蝦餅，肉碎生菜包，燒魷魚。正常水準值得推介蝦餅好彈牙，生菜包略嫌比較辣。雞翼全翼燒得非常香及惹味。最欣賞船麵湯底很濃郁，豬肉夠腍，份量亦很夠4人完全一人一大碗。紅咖哩豬肉汁醬夠味，用嚟送海南雞個雞油飯 都好唔錯。森巴蝦仁通菜，辣度適中，係通菜煮得比較硬。最尾甜品有班蘭咖央多士及泰式糕點，咖央醬的味道很夾多士。最後食埋甜品我地一家人都覺得好飽。重要打包2碗雞油同海南雞拎走添。  總括嚟講，以平均2佰多少少係咁舒適嘅環境下食一餐家庭飯，真係唔錯！        

夜晚經過見幾吸引❤️餐廳的二人餐選擇種類頗多有兩款款式選擇☺️試左其中一款比較少嘗試怡保白咖啡奶泡香甜易入口，值得一試！冬陰功湯酸辣香甜，有淡淡椰香，仲有兩大隻蝦😆最有驚喜係滷水豬手，十分入味，入口軟軟糯糯，滿滿膠原蛋白又唔肥膩，仲有半粒溏心滷蛋青咖哩雞肉質彈牙，唔會乾乾柴柴，配飯一流🤣🤣🤣試咗蝦仁通菜，比試清淡，但有淡淡醬香👍🏼👍🏼最後飯後甜品有清甜嘅椰子凍，滿足埋第二個胃🤣🤣

慶祝屋企長老生日飯局，揀咗佢哋鍾意嘅星馬菜。佢哋第一次試呢間(非常好彩有海景位)，都話有驚喜!!我哋叫咗一個四人餐，上菜超快，同埋冇諗過份量會咁多，最後要打包走(因為唔想嘥同埋個油飯真係好好味!!)

因為喺海港城工作，好多餐廳都有折，所以平時放Lunch 多數會一個人去商場內嘅餐廳食下午茶，因為menu會平過午餐之餘，用埋同場員工優惠就更抵! 呢餐就食咗Auntie Malay 嘅下午茶餐，包括海南雞飯配肉骨茶（$78），再加多咗一份酸辣無骨鳳爪沙律（$22）。海南雞飯配肉骨茶係我一向都中意嘅組合，係兩樣新加坡菜經典: 海南雞嫩滑，配辣椒醬、薑蓉同甜豉油、油飯; 肉骨茶味道濃得嚟但唔會太過苦藥材味，一碗仔份量剛剛好。酸辣無骨鳳爪沙律質感爽口，味道清新開胃，下次都會想試其他嘢。餐廳嘅下午茶時間唔算多人，環境寧靜舒適，去唔使同人迫~用埋同場優惠85折，埋單$85左右

呢間餐廳已經成為我係海港城嘅飯堂無他，喇沙同海南雞就係有吸引力令人成日想心思思返去食今次下午茶想食D咸嘢但唔想太多粉麵飯兩個人，叫咗三個餐一個喇沙餐一個椰糖雞全翼拼咖央多一個生菜包加鳳爪（呢個組合小小怪）乜都有D！呢度個喇沙湯不嬲超濃郁兩個人分享啱啱好生菜包同鳳爪正想發揮值得一提係隻椰糖雞翼！超大隻又Juicy，勁好食！加埋餐廳招牌咖央多士朋友笑話係KXC餐不過呢個高質兼唔貴包埋飲品先$48！完全係快餐價！建議兩個人來值得點多一客分享不過三杯嘢飲唔知點分下次帶隻隨行杯裝走

睇咗８點幻彩詠香江之後，去咗Auntie Malay，見佢可以試嗮招牌菜，所以叫左2人套餐星馬風味！瑪萊巴生肉骨茶，個湯底好足料，係藥材味星馬肉骨茶，冬天喝完之後好滿足。招牌海南雞配三色醬，建議加$5轉油飯，果然香好多，無得輸。咖喱牛筋牛肋肉，牛筋煮得好腍，咖喱會加椰汁，唔係辣個種。班蘭咖椰多士，外脆內軟，椰漿香味好突出，做到多士牛油椰漿1:1:1。另外升級咗$15轉話梅蜂蜜梳打，甜而不膩，口感清新；再加$10轉羅漢果龍眼冰，消暑解渴，值得一試。最後想推介的係酸辣無骨鳳爪沙律，超級辣！但係超惹味，只可惜得三件，份量較少。整體嚟講，呢度嘅食物味道一流，服務亦都非常好，環境舒適。以呢個價錢嚟講，會員優惠平多$60蚊，性價比算高！

和家人吃晚飯，餐前小食有炸蝦片，菜式試左豬肉船麵，湯底濃、味甜（走辣），上面配料有芽菜、通菜、豬肉碎、豬肉片、肉丸、炸豬皮，口感豐富、美中不足係個湯唔夠熱。海南雞煲仔飯份量夠兩至三個人食，有飯焦，要撈埋蔥油豉油，海南雞不過不失，肉偏韌，有臘腸同芋頭粒，$158 性價比還好。另外還試了香茅椰塘烤雞全翼，一上碟熱辣辣，惹味，要趁熱食；肉碎生菜清新但頗辣，上湯菜心清淡，甜品試了班蘭咖耶多士及香蕉薄餅，較欣賞前者。

位於尖沙咀海運大廈的「安娣瑪萊」主打新派馬來西亞菜式，與朋友品嚐美食同時，更可以望到迷人維港海景，相當享受🥳✨香茅椰糖烤雞全翼雞翼烤至焦香入味，口感細嫩，帶有椰糖獨特東南亞風甜味✨特色小食拼盤包括瑪莱雞肉沙嗲，烤鱿魚，肉碎生菜包，燒豬頸肉，香脆蝦餅，性價比很高的拼盤，豬頸肉油潤肥美，肉碎生菜包爽脆健康，雞串燒嫩滑惹味，充滿沙嗲醬香味✨泰式滷水豬手(全隻)份量十足巨型豬手，經過長時間炆煮，豬手皮入口即化，充滿鹹香滷水汁味道，骨膠原滿滿✨香茅燒豬頸肉帶有炭香味燒豬頸肉，相當滋味，火喉控制得剛好，香脆焦香✨椰香黃咖喱牛筋牛肋肉咖哩帶有濃郁椰香，配上牛筋腩，炆至軟腍，入口即化，很下飯的菜式✨瑪萊肉骨茶正宗馬來西亞肉骨茶，中藥味香濃突出，帶有微微辣香，一字排及五花腩份量十足，肉質軟腍，充滿肉香✨招牌大蝦雞絲喇沙喇沙湯底香濃，椰味十足，配上大蝦、雞絲等配料，大蝦爽彈，雞絲嫩滑，口感豐富惹味✨海南雞煲仔飯香脆金黃飯焦配上嫩滑海南雞肉，雖然簡單但很滋味✨上湯浸時菜✨森巴蝦仁通菜✨班蘭咖椰多士麵包烘至香脆，咖央醬味道突出，中間夾上牛油，配搭很夾，令人停不到口

一行三人晚飯，吃過餐前小吃炸蝦片及荔枝茶後，便被品嚐了五道菜式和兩度甜品：馬來燒雞翼上枱熱辣辣，肉質嫩滑，而且有少少甜味，食落覺得好惹味，一上枱要即刻食。海南雞煲仔飯面頭有香茅、班蘭葉等香料，仲有芋頭及臘腸粒，要自己加入蔥油及豉油再撈勻來吃。飯焦脆，雞肉嫩滑，冬天食最適合。豬肉船麵湯底濃郁份量頗大。生菜包辣度適中，份量亦是很大；上湯菜心清甜；班蘭多士薄身香脆，份量略嫌太少；香蕉薄餅有四件配上雪糕，一冷一熱味道不錯。

今日去咗海港城嘅安娣瑪萊食午市套餐，呢個位置超方便，真係要推薦畀大家！我哋試咗佢哋嘅招牌大蝦雞絲喇沙。湯底用椰奶煮成，濃郁香辣，每一口都充滿泰國風味。大蝦新鮮彈牙，雞絲滑溜，簡直係一個味覺享受。仲有佢哋嘅招牌海南雞飯，呢個真係好抵食。雞肉全都係無骨嘅，嫩滑入味，食落去好滿足。油雞飯油香四溢，配上清雞湯，仲有三色醬汁，包括黑醬油、自家製薑茸同辣椒醬，唔同口味都試到。呢度嘅環境非常舒適又有海景，適合一家大細聚餐。無論你鐘意辣定唔辣，呢度都一定有啱你口味嘅選擇。真係非常值得一試！

晏晝去咗海港城尖沙咀嘅 Auntie MALAY 食佢哋嘅lunch set，真係要讚一讚佢哋！首先，呢個位置超方便，隨時行過去都得。我試咗佢哋嘅招牌大蝦雞絲喇沙，分量非常足，湯底濃郁又香辣，大蝦新鮮彈牙，雞絲滑溜，真係食到我超滿足！再加咗個班蘭咖椰多士，鬆軟香甜，咖椰醬超香，真係食到停唔到口。另外，加$10升級咗個特飲羅漢果龍眼冰，甜甜嘅羅漢果同龍眼非常解渴，口感清爽。呢度真係一家大細一齊嚟食都啱，味道好，環境又舒適，非常值得推介！

今日同朋友逛完街後，嚟左安娣瑪萊坐低食下午茶，仲好彩坐到窗邊位，睇到維港海景同埋日落，氣氛一流！佢哋嘅 Tea Menu 選擇都OK多，價錢由 $48 起，性價比算高 泰式肉碎炒飯 配 Auntie's 秘製脆雞件 ($78) - 炒飯粒粒分明，啱啱好嘅辣度加上泰式肉碎嘅惹味香氣，非常開胃！雞件外脆內嫩，雞肉多汁，亦炸得香口肉碎生菜包 配 酸辣無骨鳳爪 ($58) – 清新唔肥膩，生菜包爽脆，包住惹味嘅肉碎，口感豐富。配埋酸酸辣辣嘅無骨鳳爪，非常醒胃，適合low-carb diet! 班蘭咖椰多士 ($38)甜品當然唔少得去馬來西亞必食既班蘭咖椰多士！麵包夠薄, 烘到外脆內軟，配上冰凍嘅班蘭味咖央醬同牛油，外熱內冷嘅口感真係正，甜度啱啱好，甜品控必試! 坐喺窗邊睇住維港海景，仲可以欣賞日落，以尖沙咀同海港城嚟講，呢種vibes真係唔係隨便搵到，好啱朋友聚會或者shopping後休息嘅好地方！