宏富雲南米線

营业中

休息中

大大話話幫襯左幾年呢間米線鋪稱得上調景嶺嘅清泉，因為附近選擇少劣食多更顯得呢間鋪cp值高，但不幸地可能openrice多讚導致人流增加餐廳不勝負荷又或者換左師傅，所以近個幾月不論湯底或米線質素都直線下降，以前湯底令人回味宜家只係一碗有味嘅水連麻辣油都變得單調，米線以前軟硬適中宜家軟到爛。 希望店方可以關注一下問題，要做好一個招牌要幾年時間但做衰個朵只係一個月。真心唔希望一間好食嘅食店淪為劣食始終調景嶺選擇唔多。

本身自己住呢度，好鍾意食譚仔嘅。咁前幾年樓下開譚仔勁開心啦~咁近就有得食，奈何樓下呢間譚仔分店水準唔係咁掂。之後我媽就叫我試吓街市嗰間啦，話幾好食。初時我都唔信㗎，有乜理由會好味過我食開嘅譚仔。不過點知一試就迷上咗😂係咁頻頻去食。佢啲餸夠多選擇，尤其係個肉卷同豬肚，真係好好味😍仲有埋杯嘢飲，抵!仲有，同樓下間譚仔比較下，食完後真係要瘋狂地飲水，因為好鹹! 但街市呢間米線係唔會有呢個問題!總結!真係超好食!!!!我平時ot完都趕返去last order😂

幾年前我好中意食譚仔 慢慢就食到厭 但呢間野真係好好食 成日食 。我建議叫小辣 因為中辣有層厚辣油 好油同無咁好食。呢間係堂食同拎走一樣咁好食 唔同譚仔果啲 外賣拎走就難食到。呢間係同譚仔唔同既味道 佢個湯好清 但係好夠味 行過都真係試下利申：非打手 真係好食既

這間米線店鋪在彩明街市－邊，每逢午飯時間見到有人龍係度排隊等位或等外買。此間米線除左價錢平,味道比乜哥米線還要出色。這間米線的配料出色地方係用料新鮮。我多數選擇豬扒,肉卷,春卷,豆卜等等。套餐一般$37色一杯飲品。所以非常抵食。

呢間店係正街市入面真係夠曬貼地呀，午餐時段都會有好多學生黎食架，所以如果想食又唔想排咁耐隊就要盡量避免中午黎喇！我每次黎食都會叫炸雞中翼米線(小辣)，再加個凍奶茶，呢個餐真係超級推介呀！首先雞中翼炸到岩岩好，一咬入口有少少油流落個口到，再即刻食啖米線，簡直就係完美！如果食完小辣覺得唔夠喉？佢仲有中辣大辣俾你簡！而我既朋友就叫咗個豬頸肉米線(中辣)飲凍華田，豬頸肉好林好入味亦又係一個完美既組合！飲品沖得一d都唔hea，味道岩岩好，一d都唔好淡！ 最後埋單一個人40蚊有找仲要包埋野飲，絕對係其中一個午餐既選擇！學生午餐必食推介: 宏富雲南米線

星期日中午落樓下街市食個米線，呢間米線每到中午時間就好多人排隊，主要因為佢比連鎖米線店好味好多！我今次叫既係魚腐清湯米線，每碗米線都有少量韭菜，腐皮，芽菜，芫荽，酸菜，佢既湯底係豬骨湯底，如果食得辣，可以試埋佢個麻辣，都好惹味！如果叫淨魚腐就有5粒，非常推薦魚腐，魚肉釀左係豆卜入面，好彈牙好味。每叫一碗米線都會送一杯凍熱飲，32蚊真係好抵食。唯一缺點係米線份量少左啲，男仔可能未必夠。

28蚊一餸（送餐飲），分量可以，屬於香辣型，三種辣度選擇，香中帶辣，味道像家庭廚房煮的，炸醬是用甜豆瓣醬加肉沫煮成，還可以。平民價，所以學生黨比較喜歡吃。但總括來講，算不錯了

禽日放伋去左將軍澳,同個朋友去睇小小野,睇完野之後搵地方食野去左依間雲南米線,坐低叫野食好快有野到食左1個炸醬牛肉米線,炸醬好多好濃密,味道真係唔錯撈埋之後食落好有口感,咬落去唔硬唔軟米線都幾彈牙,同埋份量幾大下,一個人食岩岩夠飽同埋廿幾蚊一碗,唔算太貴