宏 (已搬遷) 新店位置

/早已聽聞宏的綠茶很不錯!今天跟了朋友們來試一下.叫了一個綠茶芭菲. 大塊的脆餅放在綠茶雪糕之上, 我就急不及代把 脆片加上綠茶雪糕一起吃, 綠茶雪糕還可以, 香但沒有甘味. 雪糕之下是綠茶jelly, jelly 沒有太大特別,不太甜不太濃味. jelly 之下 是很可怕的cream cream creammmmmm!! 看到都飽死了啊!!然後最底是粟米片.配搭還不錯,還有,比吃一餐更飽! 但我還是認為 綠茶不是出色得非吃不可的地步.

話說上星期朋友仔生日,當晚朋友們已訂好台訂好蛋糕食生日飯,點知我忽然間話病就病,最後我都係....去唔到!!我之前講過會同佢食蛋糕的,講左就要還,佢同我講想食綠茶蛋糕,忽然醒起公司附近,5分鐘腳程就有間非常出名的綠茶蛋糕店 "宏",其實平時出入都會有想入去試下,不過我覺得甜品都係Share食會開心點!所以經過了好多次都無入去!真好,美其名是陪人補祝生日,但暗地是自己也開心,可以試一試呢間舖~因為放工時間,人流並不多,又不用等位,仲可以坐四人桌~咁我就行左去餅櫃睇下有咩心水,得兩個人,不可能KO一個大蛋糕吧!就揀了Cut Cake .....呢度堂食有最低消費,沒記錯應該是50元吧.....朋友要左呢度的抹茶雪芳蛋糕,其實有點似天使蛋糕,在抹茶蛋糕外面,抹上一層忌廉,忌廉面再加一層不則綠茶,多了一份Artistic 的感覺,抹茶蛋糕的抹茶味挺濃郁的,有點回甘,蛋糕濕潤度比較低,不過加了忌廉就剛剛好!忌廉打得尚算綿密,整體ok,但個人認為全個蛋糕索價 $300實在有點貴,好吃但不值....因為有最低消費,我都多叫一個"原粒草莓蛋糕卷 "(大)"以求湊夠數....其實我那天早上,老闆外遊空運

早前經常見到飲食Bloggers在Facebook上載宏的抺茶甜品相片, 都有興趣一試, 但畢竟路途遙遠, 不打算為1件抺茶蛋卷過海... 仲要咁多忌廉... (最怕食勁多忌廉的甜品) 龍媽一早Plan好今日的飲食路線, 先食老趙, 再食宏, 同一條街, 行過對面馬路就係, 好就腳... (其實我懷疑有人想食宏, 所以先揀老趙)店子小小, 裝修簡潔亮麗, 店內非常光猛, 潔淨得近乎『蠟蠟靚』, 座椅亦很舒適, 店員穿著整潔, 笑容滿面, 彬彬有禮, 雅致的餐具, 配上美輪美奐的食物造型, 與方才的食店大相逕庭... 當然, 價錢亦是兩碼子的事...蛋糕茶套餐 $50-- 一人餐, 任何$30元蛋糕, 配上等斯里蘭卡白毫紅茶...價值$30的抺茶蛋卷, 體型龐大, 鬆軟的海綿蛋糕包裹著幼滑的抺茶忌廉, 表面灑上抺茶粉, 裡裡外外都散發著誘人的濃厚抺茶氣息... 抺茶的甘香, 戰勝了我對大量忌廉的恐懼, 一吃而盡, 好味!!! 盛載著上等斯里蘭卡白毫紅茶的壺子, 小小的不失可愛, 與透明的中空保溫小杯子, 湊成一對, 相影成趣... 讓人驚喜的是, "上等"2字不是空口說白話, 茶味香濃得

星期六既晚上,為左歡迎特地來港既舊同學,我地特登去左大名鼎鼎既宏食野~7點零去到,估唔到唔使等位,因為好少人...飯+麵, 一次過滿足2個願望!不過天婦羅質素好差,表皮唔夠脆仲有D韌...蝦亦完全唔覺得有蝦味,應該係雪藏貨呢...蕎麥麵既重心: 醬油毫無特色,甚至咸味都不足,蕎麥麵又太軟, 一D都唔好食...豬頸肉味道都唔錯,醃得幾入味~不過太薄啦...唔太夠食呢~但沙律則幾新鮮呀~細心切成絲等我地可以分開幾次食,同天婦羅好夾~其他都係一般質素既食物,一向精明既小妹馬上比同伴奚落啊...只有抹茶卷蛋為我地帶來少少驚喜...CREAMY既抹茶CREAM澀中帶甜滑漏非常,可惜一人只得少少...

為左食綠茶蛋卷，特登個dinner食得唔太飽，點知BF食完dinner個肚已經冇位食，話只可以陪我食。咁唯有行下１２蚊店買啲家品諗住行下消化下。點知行完去到宏已經九點十，原來佢地收十點半。侍應話冇大size綠茶蛋卷，一份set比兩件細嘅我，我冇問題，所以就５０蚊嘅set兩個人食，BF食左兩啖全部比曬我食，啲cream真係好香綠茶味唔太甜，杯紅茶仲有回甘味，食完要求侍應加熱水，真係好香，上次好想買盒返屋企沖，但真係小小貴，又覺得係甜品加紅茶同埋個特別茶杯先咁好味，就算買左返去都會keep住返食佢嘅綠茶卷，同綠茶巴菲。

一年幾前曾跟朋友在宏吃晚餐，過左咁耐已經冇咩印象，只記得抹茶甜品幾好食，鹹點就普普通通，唔值得食。呢日路過宏，甜品癮又發作，於是買左一個細抹茶卷蛋同一個salty caramel嘅macaron,外賣拎返屋企食~店員將兩樣食物放左係個紙袋入面，之後我就離開餐廳去搭車返屋企等車搭車都過左半小時, 返到屋企又未肚餓唔食住, 於是放左入雪櫃,再過左兩個鐘之後我先係雪櫃拎返出嚟食,一打開見到兩樣甜品都安然無恙, 真係要讚下個包裝macaron放入膠袋入面, 再有貼紙痴住個紙袋, 剛好保護埋下面個卷蛋搣開貼紙後清楚見到兩個甜品仍然保持良好首先食個卷蛋先, 雖然細細舊, 但份量好紮實,蛋糕好鬆軟, 而d cream又好幼滑最緊要係, d抹茶味真係好香濃!! 唔似有d地方嘅抹茶甜品, 根本食唔出抹茶味, 或者d味好假, 或者好甜.宏用抹茶做主打, 水準當然唔會差!不過因為細舊, 所以三兩下就食完了因為之前放左入雪櫃, 所以專登留macaron後面食, 等佢攤返暖少少,可能因為個卷蛋太好味, 所以唔覺得個macaron特別好食,雖然係冇一般macaron咁甜, 但鹽味同焦糖味亦唔突出幾啖食完, 平平無

朋友提起這裡的綠茶蛋糕，沒有說太多美妙的說話卻露出一個回味無窮的表情，讓我這天在演唱會前禁不住跟她到­來走一趙。聽名字並不能確實感覺到是日本餐廳，內裡的裝修也如是，可是透明的玻璃櫃前放滿了不同款式的蛋糕­，確實讓人停下腳步來。找個位置坐下來之後，大概是因為時間尚早，也不算太多人，這間店標榜著「純日本麵，­日本甜品專家」，當然要一試這裡的美食喔。這天天氣太熱，所以我禁不住叫了一個冷麵。還害怕味道太淡甚至無味，可是也有驚喜，味道不錯，清清甜甜的冷­麵醬讓人清新起來，朋友選的湯味味道也尚佳。再來當然就是綠茶蛋糕了，第一口咬下去，嗯有種濃郁的綠茶味，­不苦卻帶甘，又有蛋糕的甜味中和，再加上軟綿綿的質感，確實很值得一讚。在疲累的生活中吃到這口美食，真的­很幸福喔。希望下次再有機會來這店，嘗試一下其他款式的蛋糕，和朋友邊聊天邊享受甜點，為人生一大樂事也。

朋友係抹茶fans,順道送我兩件兩件品嚐，我好幾次經過亦沒有衝動買因不覺得有何吸引，好彩今次是朋友送的，蛋卷上滿佈抹茶粉，初口品嚐沒什麼任何味道，再嚐多兩口才感受到少許抹茶味，蛋卷是鬆軟的，但未至於另我要encore,感謝朋友送的，但自己買就應該不會了

同少女A &友人C在油麻地區食過晚飯, 由於他們還想吃些甜品, 好吧! 就行上佐敦吃甜品吧! 來到今期佐敦大熱嘅日式甜品店門外已經見內部客人頗多, 大部份就是80後和90後, 我們每人一杯一件甜品, 怎樣計80個大洋也躲不了,因為最平的茶壺茶也要$40, 雖則熱水任沖, 捲蛋(大)的雲呢拿忌廉$38, 再加埋一OVER $80是必然的了, 誠然這裏的蛋糕/甜品的確有她的一手, 當日就試了最大路的雲呢拿忌廉捲蛋蛋糕, 本來並不是想食這味道的, 但當晚她們的客人流量大好多蛋糕在落單一瞬間那邊廂已經被另一服務員搶走了, 改了兩次才吃到這雲呢拿忌廉捲蛋蛋糕啊! 海綿蛋糕體的保濕度高但絕非出水那種, 忌廉份量亦是恰度好處, 而綠茶捲蛋的綠茶味非常之突出, 太座要的綠茶LATTE異常的骰, 杯容量大概只是100 -110ml中間, 無疑茶味重且超順滑, 顏色也是極之吸引食慾的綠, 綠茶的雪芳蛋糕,無論是賣相/ 食味 / 質地完部做到精實無誤, 少女A的綠茶雪糕按她說也很好味呢!而那壺錫蘭紅茶只能說咪就係清得來有點濃濃茶味嘅紅茶囉!所以, 再來店座低食嘅機會不大了, 反而會想在這店的其他分店買蛋糕回

這天下午， 撇下肯恩英雄與其他超人夥伴， 四號獨自來到這兒搜索情報。這間叫“宏”的甜品店相當弔詭。矗立在一個標榜食物價錢大眾化的佐敦舊區， 賣著與尖沙咀區價錢相若的甜品， 但食客依然絡繹不絕光顧。“是否有邪惡活動在這裡結集？ 一定要徹底徵查一下.....” 四號心裡暗忖...四號是在閒日來到這兒。食店逢星期一至五下午茶時段有比較優惠的tea set供應。原來下午茶餐也有不少選擇。最後四號點了兩個下午茶餐。 第一個set是小卷蛋連斯里蘭卡紅茶。 第二個是手打冷烏冬。 每個餐的價錢都只是$29，不用加一。先來的是卷蛋連紅茶。選了最出名的抹茶卷蛋。紅茶盛在一個很的式的小茶壺內。雖然茶葉很碎， 但因為茶壺裝有茶隔， 不用怕茶葉在沖飲時被倒出來。茶杯一樣小巧精緻， 有着雙層玻璃的設計， 保溫效果優良。 一壺茶大蓋可以倒出四杯茶。一邊呷著茶等着烏冬的時候，細心的侍者意會到四號應該會把卷蛋留至吃完烏冬後才會享用。“要不要先把卷蛋放回冷櫃晚點才拿出來？” 侍者提議。“好，麻煩了” 四號當然沒有異議，心裡給了這名男侍應一個thumb up，很貼心的服務。當茶壺裡的茶差不多倒光時那侍應生立刻主動為四號添茶

今日約了朋友傾d野，諗住係呢間宏到飲杯野傾一陣，我們两個人叫左两杯野飲大約$85左右啦，點知個waiter話每人最低消費面$50，咁我又唔肚餓，咪話叫件cake 外賣囉，佢意竟然話外賣唔計，我當堂O 晒咀，咁都得！！ 呢間餐廳好似快餐店咁，但又有最低消費，堂食同外賣要分單計，真係Q!!

4人食飯日,好耐冇4人一齊聚下了,想搵間可以有熟食同甜品,同可以坐得耐的餐廳食飯,本身想去Italian Tomato or 夢見屋 ,但又想試新野,於是便選擇了宏,以抹茶蛋卷出名。有得試食。果然以蛋卷出名。平日的八點前時段,冇乜人。熟食方面,是日式的麵、烏冬和飯。要了套餐,有主菜(飯+烏冬)、飲品及甜品。蘋果斯里蘭卡紅茶,是茶包。炸豬扒飯套餐,$120,豬扒飯+海藻烏冬+菜,甜品後上。看起來份量很多,其實豬扒飯及海藻烏冬都是小小一碗的,不怕吃不下浪費呢,豬扒飯,炸豬扒太乾了,肉質又硬,飯也是硬硬地的。海藻烏冬,篇身幼細,有一點點的海藻,口感有點像蕎麥麵,清清地的味道。有菜食,感覺健康點。用來點炸豬扒的沙律醬。七味粉。真正的主角出場了-抹茶蛋卷,小小的一個,好濃抹茶味,抹茶忌廉豐富,好好味呀。朋友的香草蛋卷聽說都好味。熟食真係好一般,甜品都值得一試,抹茶蛋卷好好味呀。

由於之前看過食評，今天一早就到佐敦去試下！Menu裏主要都是set lunch,包括主餐、dessert加餐飲。我們點了滑蛋喬麥面和叉燒喬麥面。個滑蛋好流心，正！另外，上菜時，待應很細心俾了七味粉。個七味粉盒都幾funny 七味粉盒子餐飲有芒果茶及蘋果茶，芒果茶有很濃的芒果味，幾有特色！到萬衆期待的dessert, 我們點了抹茶蛋卷和士多啤梨蛋卷，味道不是太特出而且不算太新鮮。總結來說，有點失望，味道不是十分特出，又不是太有特色不明白為何咁多好評。

年前吃過宏的抹茶蛋卷，味道不錯幾日前行經佐敦食午餐，卻難食到令一直少寫食評的我忍唔住發火，不吐不快當日一入到去，男侍應面無表情都算了問佢野又唔耐煩我同朋友用餐期間，佢不斷行前行後，隻手不斷㩒支原子筆，好嘈食物質素，亦只能劣評我同朋友分別叫左牛肉/菇的海藻麵午餐淡而無味的豉油湯...........麵就普普通通..........跟餐的加洲卷d飯好實，唔多覺有醋味由於好熱，柯打左2杯凍蘋果茶，中晒伏難飲到不能形容，冇咩蘋果味同茶味，早知飲水算（午餐冇野飲，呢杯野over $40@）我飲左一啖就放棄了最左個抹茶卷都叫正常....不過也只係正常埋單每位$13x-14x，sorry真係唔會有下次...............

有個fd生日，我地就揀左呢間日本餐廳食。貌似係比較grand咁同埋未試過咁就去左食啦。 我叫左個溫泉蛋喬麥麵，原來仲送個沙律架。 隻溫泉蛋溏心甜甜地咁好正呀，果d喬麥麵好特別，有一種特別嘅味道唔識形容。係好食嘅。 另外我個fd叫左一個餐，係有一件抹茶蛋卷送嘅，真係好正呀，佢d蛋糕我個人係好推薦架。