官塘友清湯腩雲吞麵

营业中

休息中

經過見到下午茶送熱飲所以就入去食碗粉麵，店員友善有禮，就決定食招牌清湯牛腩河🐮-牛腩都幾多，煮得夠𣺉但有咬口，最驚喜會有蘿蔔，清甜多汁冇喳，多兩舊就更好😋，河粉正常水準，湯底幾清甜唔會太油膩，大量蔥花，凍飲要加$3，奶茶偏甜左少少，但簡簡單單做下午茶可以接受，算係平靚正！

今日好想食米線，諗住近近地黎呢到食，叫左牛腩雲吞米線試下，一黎到，個碗本身已經夠細。。。連個底係勁窄，啲米線真係可以幾啖就食晒。.雲吞好細舊，雖然啲蝦真係好彈牙，但麻油味太重，遮蓋晒其他味🤢完全無店舖所講咁鮮味。.呢度既牛腩，係我食過以黎，最細舊，舊舊好似度住 1.5cm x 1.5cm咁切🤷🏻‍♀️.我未試過可以咁快食完一個中午，亦未試過咁少份量既米線。唔會再幫襯🤢$38雙拼呢個價錢，我寧願去食車仔麵/茶記好過！

餐廳位於商場內，餐廳座位較迫，冷氣足夠，店員友善。雲吞牛腩湯米粉38元，大大碗，面層舖滿餸，雲吞有三粒，體積正常，蝦肉爽口彈牙，牛腩是清湯腩，可以品嚐出牛腩的原汁原味，牛腩份量足夠，有嚼勁但不韌，米粉質地過硬，蘿蔔有一件，軟嫩超甜，湯底為牛骨湯，清甜不油膩，葱粒是獨立分開，方便食用。總括而言，作為傳統食品，味道尚可接受。

官塘友官塘廣場地下,官塘A1出口,位置方便,店舖門囗大大招牌主打 招牌清湯腩 或其他 粉麵,也有改良飯類。今次食是下午茶,埸地和衛生ㄧ般,下午茶分别是免费䁬飲,價錢港幣36元。我選擇请湯腩河粉。5塊大牛腩 炆得叫做ㄧ般,ㄧ大塊 一大根蔥毫不吝星鍾意食蔥朋友啱曬啦 ,下午茶,旺區算好平靚正,好低, 送埋嘢飲,仲想點呀。 觀塘工業區 位置 人頭 人頭湧湧 所以餐廳 設計 到時給忙碌 的食客提供一個方便嘅 多選擇嘅 的餐廳 ,叫做怱怱忘忘食個餐。除了粉麵外,也做西餐,例如,英式吉列豬扒。飲品也多樣化。

是日晚餐想輕食途經觀塘廣場入咗呢間粉麵店叫咗個紫菜四寶河有好多紫菜 四粒丸分別係魚片頭墨魚丸豬肉丸魚皮餃 個湯好清飲完都唔會口乾 河粉係幼身個款整體嚟講味道都ok 但略嫌太細碗下次會試埋呢度嘅雲吞

同朋友係觀塘打完波又唔想食米飯咁飽就搵到呢間粉麵鋪食下!呢間既牛雜全部都又入味又淋!同埋牛雜份量都唔少牛腩既口感岩岩好又唔會太硬因為有d鋪頭既牛腩煮得唔夠耐既話就會比較un而呢個情況就冇出現係觀塘友身上蘿蔔大大舊又冇渣米線煮得淋身因為我個人係鐘意食淋身既米線既所以就岩我口味!另外再叫左碟菜同朋友share員工既服務態度都好好牛雜麵都係佢地推薦既而又真係幾出色!我都作為一個觀塘友呢d小店係值得支持!

今日，行經觀塘廣場，喺附近見到一個banner介紹呢間清湯腩雲吞麵, 結果入咗去試下。招牌非常之大，一定唔會搵唔到呢間鋪頭。坐位都算寬闊，坐得都舒服的。除左有麵類之外，呢度仲有飯同泡飯食。最後，我都係叫左呢度嘅皇牌清湯腩河食。 牛腩非常之大舊同埋軟腍，不過唔算太入味。而碗湯真係好清湯，食落去成碗面都係淡淡的。碗麵附送左一舊白蘿蔔，白蘿蔔冇喳、好清甜。而佢比既蔥非常之大羹，一啲都唔吝嗇，啱晒鍾意食蔥嘅朋友。👍🏾👍🏾

我間唔中會響果個商場返工,有時真係食到唔知食咩好...其實呢個商場有兩間呢類嘅店,兩間我都試過,最後我係選擇左食呢間!以前食親牛腩都係有腩汁相伴,但食過呢間之後,我應該食唔返以前果啲了~以前係啲腩汁完全遮蓋晒牛腩嘅肉味...肉質方面,食落去完全唔覺得硬,亦唔會咸,正正可以品嘗肉本身嘅香味...同埋最正,其實係舊籮白!!!因為我平時唔係好食,但呢舊,真係返唔到轉頭係超級清,少少甜湯飲落去亦無覺得好勁味精...推介推介!!!

呢間店喺呢個位置，開咗唔算太耐，只是有幾年時間。今日同其他同事一齊出去呢間店試吓~其實起初都有俾專門店嘅字眼吸引咗，覺得專門店應該都會係幾專注做呢到嘅招牌菜，清湯腩及雲吞麵，但見到餐牌又唔係喎… 店舖將某些出品，改良咗啲加入飯類，有更加多選擇，可能依家生意難做啦… 要多元化先吸引多啲人嘅…所以，就試咗呢到嘅海南雞飯，其實小編都周圍去試食，都食咗好多間嘅海南雞飯，呢到嘅海南雞飯唔算唔好，但又未可以話好好，味道都係一般。但同事就覺得咖啡唔會太辣，味道可以。對小編嚟講，只可算中午匆匆忙忙頂肚食店，要舒舒服服咁食就唔好阻住小店做生意了…

今晚冇約人，自己一個就去左官塘友清湯牛腩雲呑麵，不用等位。今晚叫左個牛腩雲吞湯米粉，牛腩唔錯，雲吞雖然細粒但蝦肉幾爽，蘿蔔就一般，湯底幾好味。麵、河粉、米線、米粉同價，加料或加底$10，加紫菜$5，加酸辣、麻辣、沙嗲醬$3。

與廈門朋友遊觀塘帶朋友去尋找觀塘區美食，去觀塘廣場逛逛。嘗試一下香港工廠區食店。我都係第一次食呢間店，都無平常心隨便食下。估唔到呢間咁好食。APM美食廣場食左咁多次都唔夠呢間好食。真係平靚正！！清湯牛腩河，湯底清甜，蘿白無渣。係香港食咁多日，第一次聽到廈門朋友話好食。海南雞飯觀塘另一間都無呢間好食。深水埗間咸牛肉三文治🥪呢麵都無觀塘呢間好食。官塘清湯友腩雲吞麵，係香港食左咁多間我都覺得呢間係值得贊下佢。有回頭其他我都好少回頭，食過無咩特別我都好少會寫。呢間就另外

假期同朋友出咗去官塘廣場買嘢！路過發現呢間雲吞舖！肚餓就入去食碗嘢先地方幾乾淨但環境實在太過擠迫！兩個人坐一張四人枱仲要同人哋share坐仲要個位置非常之細！餐牌好簡單一係湯麵一係撈麵！我揀咗雲吞湯麵！朋友揀咗牛腩麵！我嘅雲吞湯麵首先嚟到的確雲吞幾好味,咬落去蝦都幾新鮮。個麵爽口嘅，湯頭都吾錯始終都係感覺份量比較細我諗我都要食多一碗先夠！朋友話佢嘅牛腩麵好食。個湯加咗腩汁唔錯！反而奶茶有大排擋水準...整體上都可以。如果呢餐當下午茶的話份量都可以入去一試

晏晝兩點零鐘勁肚餓！找完朋友經過官塘廣場！見到呢間「官塘友清湯腩餐廳」又有飯餐又有各種小食又有清湯牛腩！所以入內試試...三點多果個時間唔算好多人！店裡坐不了幾桌！不過地方就逼啲～好多野食想叫，但見清湯牛腩最多人點，決定跟風！叫個牛腩麵...三分鐘已經有得食，賣相不錯！至於牛腩~半肥瘦！牛肉味濃郁，又夠“林”又夠入味~另外湯底都有好濃既牛腩汁味~覺得呢度D湯比九記嘅仲清甜D。牛腩下面仲有D白蘿蔔潻！有多汁又清甜又無渣，好好味吖啲生面煮得好爽，一啲都唔淋！呢餐都算滿足！食物整體不錯，超越普通粉麵檔水平員工極有禮，敬業樂業！

來過幾次，經常塞滿人的店，晚上來食也很多人，但可以輕鬆一點，下午食到打仗咁。文雞飯——雞嫩滑多肉，新鮮，薑蓉也好味，雞油飯不油膩，有酸蘿蔔絲做配菜很開胃，夠大碟，很滿足。鮮蝦雲呑米——一碗有五粒大大粒，咬開材料十足很有驚喜，湯底清甜，食後不會口渴，但麵底較少，多一點就prefect喇！食完成身油煙味。。間唔中有蚊滋滋擾。。服務態度良好

今日去了附近一間酒樓吃午餐，卻發現適合兩個人吃的選擇不多，媽媽胃納較細，點炒粉麵必定吃不完，就走到觀塘廣場補餐🙈之前吃過這間雲吞蝦仁🍤大大隻，又爽口，賣相亦不錯👍🏻今天再吃水準依舊另點了清湯腩河一碗清湯腩份量多，每件牛腩都夠稔很入味，蘿蔔亦很清甜，連腩汁湯也有牛腩味😋好吃！這店大概是家族經營，店員頗多，而且都很有禮貌，對待行動不方便的客人也很體貼，環境衛生也合格，價格也是同區少見抵食👍🏻糧尾仍想吃好吃的不妨來試試！加碟油菜也只需$16