影片
开饭介绍
此店以日本定食為主，其中以吞拿魚做的菜式最為馳名。
继续阅读
营业时间
今日营业
12:00 - 15:00
18:00 - 00:30
星期一至五
12:00 - 15:00
18:00 - 00:30
星期六至日
12:00 - 16:00
18:00 - 00:30
以上资料只供参考，请与餐厅确认详情
是日random 路經呢一間店幾年前食過係好味但係座位好迫，所以冇再去。今日路過五點幾就嚟六點嘅時候竟然好多位咁就入去試吓再食，結果六點打後又爆場。爆都有原因嘅食物真係OK唔錯👍🏻因為本人weekend會去做gym，所以孭住個大背囊。初時入去冇人，所以求其放喺座位上面就算。點知後來越嚟越多人。所以要拎起背囊。都唔緊要，但餐廳職員無視我求救，個樣表現一面「好L煩。」問題你連俾個籃我放地下都冇。事關我衰，唔捨得放個2萬蚊backpack 係地下…唯有求其勾住咗個櫈背…實在唔好意思，又影響後面食客。講呢一段嘢就係因為個開頭同服務員嘅互動已經有少少影響咗飲食嘅心情。平心而論講返啲食物係OK正嘅，但係因為坐得咁迫，根本就係趕住你食完就要即刻走…後邊有人等…咁其實你應該整到好似一蘭嗰啲面壁位而唔係四人枱兩pair人你眼望我眼大家又唔識，但係又同台食飯 食得尷尬，又傾唔到偈而且食到咁大壓力逼住你快啲食完要走。所以下次唔會再嚟呢一間。
继续阅读
真係食咗呢間嘢好多年，記得係日本人處理所有嘢都打理得好好，除咗位置有少少迫之外，但絕對係夜晚去到銅鑼灣嘅宵夜首選，營業時間去到12點，做完嘢都可以過嚟食，食材全部都好新鮮，Wasabi都比得好足，最鍾意食吞拿魚，同埋三文魚子，尖沙咀嗰間都好好，銅鑼灣呢間入口都好就腳，甜品價格都相當合理，雖然魚生飯稍為少少貴，但係如果適當地選擇可能$120或者$150都可以食到成個set其實咁樣都係唔錯嘅選擇夜晚宵夜嚟講
继续阅读
我喺呢間餐廳食魚生飯定食嘅時候，發現碗飯入邊有蟲。我問咗Waitress，佢即刻幫我換咗一份。雖然咁樣影響到我嘅食慾，令到我對餐廳嘅衛生情況產生疑問，但整體嚟講碗飯係好好食嘅。喺埋單嘅時候，我本來以為會有少少折扣，但係個Waiter就同我講”當然冇折啦，因為我哋已經幫你換咗一份新嘅魚生飯”。我覺得咁樣嘅處理方法，令到我覺得有啲失望。希望如果下次發生同類型嘅事情，餐廳可以處理得好啲🙇🏻♀️🙇🏻♀️🙇🏻♀️🙇🏻♀️🙇🏻♀️
继续阅读
這一間 @doraya.hk ，我唔敢叫佢做小店，因為原來總共有3間分店。朋友介紹十幾年前已經來過，覺得很好，只是不十分就腳(我比較少來銅鑼灣這一邊)，等到今日先有機會來幫襯。這店以"藍鰭吞拿魚"專門店為招牌，其實我不十分懂「藍鰭」和普通吞拿魚的分別，聽過咁多，應該是高等魚獲吧。點講都好，講到食一碗高質素的魚生飯，來這裡肯定無錯。今餐我就是點了他們的藍鰭吞拿魚丼，這一碗丼給我的滿足程度，比起好多所謂高質omakase，完全KO，非常好味！當然，不能夠用一碗丼跟一餐廚師發辦去互相比較，但食飯都係為好味，與其畀五六七百蚊食一餐普普通通的omakase lunch，我寧願來這裡兩百蚊食一碗高質丼。另外點了一份燒油甘魚鮫，這店是用西京燒的方法做，銀雪魚西京燒就食得多，油甘魚鮫西京燒我還真是第一次食，非常肥美香滑，一流！值得一提，銅鑼灣店開到凌晨12:30am(之前開到2am!)，雖然現在的我不再是夜遊人，對我來說，這才是香港的食肆精神！超級贊！我肯定會再來！再來！再再再來！
继续阅读
同朋友講起刺身丼，好多個都會話：試下Doraya呀，佢地啲呑拿魚好正！🤤👍🏻今日出開銅鑼灣，諗唔到食咩就去試下。叫左呑拿魚四色丼定食，嘩😳，刺身份量都幾多，鋪滿飯面！！！貌相十足😍❤️睇到都已經好有食慾😋一啖中Toro入口，嘩嘩😳，魚生好新鮮😳，點解呢個價錢可以有甘既質素😳，性價比超高🤤🤤🤤👍🏻👍🏻👍🏻同行朋友因為唔太食生野，叫左熟食，呢個西京燒銀雪魚都唔可以睇少😳，魚肉好嫩好好味。下次會再幫襯，想試哂唔同既菜式，十分推薦Doraya！👍🏻👍🏻👍🏻
继续阅读