宜加

营业中

休息中

記得當年在港大唸書時，很多住hall的同學都經常會去西環的宜加吃宵夜！蘿拔妹沒有住hall，宜加離大學也有一段距離，所以都沒去過幾次。這次剛巧和朋友來到西環，晚飯又吃得不是太飽，那剛好來個飯後甜點囉！一行五人各自點了一客糖水，再share了幾款甜品：芒果珍珠涼粉一來到發覺甜品非常大碗呢！芒果份量大概有半個，味濃而且甜味不假，帶有微酸，不錯。涼粉爽滑，糖水不會過甜。唯一不足的是珍珠好像煮得有點不夠熟，有些內裡還呈白色，不過咬口十足，如果煮軟一點確是不錯的甜品！芒果糯米滋糯米滋皮雖然有點厚，但勝在富糯米香，而且非常chewy！內裏的芒果微酸，剛好為甜膩的糯米皮來個對比，不錯不錯。芒果班戟班戟好像是雪了很久，不過芒果味還是突出，cream有奶香但雪得有點實。班戟皮如果有蛋香會更好啊！說真的，宜加的甜品說不上驚人，和某些連鎖甜品店也是差不多。但這間老小店有的不僅是食物，還有人情味。看見老闆和員工和學生聊天，非常感受到這是西環老區可愛的特色。地鐵進駐，西環肯定變天。唯一可做的就是多光顧小店，幫助他們努力經營下去保留這份人情味。

忙碌一整天後，加上在office 遲了走的關係，所以決定順便吃個晚飯才回家。由於家住南區，而公司在金鐘，可以選擇的方向只有向東-銅鑼灣或向西-西環。想起銅鑼灣就聯想到人和人還有人，而晚飯選擇雖然多，但也不便宜和比較適合一相一對或大伙兒。所以最後決定搭“叮叮”到堅尼地城。不用一會兒就蕩到接近西環尾。看看時間...都差不多9時，所以趕快地選擇一間餐廳吃個晚飯就好了。最後還是到了這熟悉的店-宜加。由中學、大專、現在都還是會到這裡吃飯。哈，我也太長情吧！言歸正傳，這裡其實也夠特別，特別之處是它的晚市套餐供應至10點，另一方面又供應甜品，真會做生意。可能正正為附近港大的大學生而設。看著餐牌，心裡都知道要吃什麼了。我點了A的蛋包咖哩雞球飯，雖然吃過無數次，但始終還是它。餐飲叫了凍奶茶，而很快就送到面前。等了一會兒，我的最愛終於送到。當然，相機食先！賣相也不錯吧！滿滿的飯鋪上一層薄薄的蛋皮，加上咖哩汁和剛炸起的雞球就是我的晚餐。二話不說，把蛋皮弄破，把咖哩汁和飯撈在一起就可以開餐了。其實這個蛋包飯也有點兒騙人，那麼薄的蛋皮就叫蛋包飯。而咖哩汁和那雞球就不過不失。咖哩汁就偏咸，而雞球就比較沒有味。由於

其實我通常都係d比較小人既時間黎呢求主要係因為佢幾平亦都算坐得幾舒服, 當時味道係絕對無問題主要要講既係佢個炸雞炒飯好掂,d飯係珍珠米,而且炒得好分明而且個炸雞我食過咁多次都係啱啱炸起既(多人既時段我就唔知喇)雖然兩樣野無話係好match,不過個材料又ok,又夠熱,非常好

八月初(晴)每年八月初是各大專院校迎新的日子，去年才已新鮮人身分踏足這熟悉又陌生的校園，不經不覺間我們又要為著收新生而忙碌．這天是名乎其實的站了一整天，神經跟隨著心情都是整天繃緊的，最可怕是工作從早上到傍晚不但之，那些兩天積下來的資料才是痛苦來源，大家都被它們弄得頭痛不堪．困在細小的房間內，大家都好像緊張得快要爆炸．這時，唯一可以舒緩氣氛，也是大家極度需要的，是一頓晚飯．已經沒有時間走出去吃飯，只得叫外賣．港大附近就有幾間學生常常叫外賣的餐廳，這天就叫了位於大馬路的宜加．老實說，因為大家實在是太投入工作，所以醒起要吃飯時已是八時多，送得來已經過了九點．平時的我早已不許自己在進食，但今天實在忍不住，還叫了個幾重量級的溫泉蛋泡菜牛肉飯，再加火龍果汁．在這刻，吃飯的原因是因為要繼續戰鬥，先要回應身體對大腦發出的呼叫，才能撐下去，堅持直至所有活動結束．所以說，吃飯，是為了繼續戰鬥下去，和各位同樣困了在房間內的戰友們繼續堅持下去．話雖如此，這個外賣的溫泉蛋泡菜牛肉飯還算是幾好吃的；牛肉是薄切肥牛片，肥膏比牛肉味重，但起碼煮得不硬不韌，一咬即斷，也因浸著牛肉汁，所以味道濃郁；上面淋些辣辣紅紅的杰身

知道外賣需時, 所以預早落單. 等候時間在預算之內。叫了雞蛋煎腸粉和熱綠豆沙.雞蛋煎腸粉($15)：腸粉不削不林; 葱稍多, 蛋太少; 食到最後可見頗多油在盒底綠豆沙($9)：吃完整盒腸粉才吃綠豆沙, 但依然熱辣辣的, 可推斷糖水一煲起上碗時熱度十足質地夠沙, 是傳統綠豆沙; 豆量適中, 不太稀又不是豆多如粥; 略甜, 但合我口味(我愛較甜的糖水)是碗很好味、吃完讓我很滿足的糖水.外賣每項加$0.5

食左個優惠午餐$26連野飲咖哩雞扒飯啲咖哩幾好味，係塊雞扒乾啲加$3要左珍珠奶茶，杯奶茶係港式奶茶味，不過不失啦…$26一個餐，今時今日嚟講，真係好抵路過的可試試，嗰度啲甜品都唔錯架﹗

這星期來了兩次, 兩次也是豬軟骨拉麵 + 可樂(另上冰)lunch: 豬軟骨拉麵 + 可樂 $35dinner: 豬軟骨拉麵 + 可樂 $39已有幾個月沒有來了, 發覺豬軟骨拉麵的豬軟骨少了...味道及texture還是好的, not too hard nor too soft.友人的炸雞球炒飯好似幾正!!

平時成日經過俾佢d相呃o左，所以呢日同男朋友去食消夜o黎個小小o既慶祝我o地叫o左個海鮮拉麵，餃子同黃金南瓜露落order唔使3分鐘個海鮮拉麵就得喇，都有d心知不妙...拉麵同湯底冇味都算喇，d海鮮(包括一件魚柳，蝦同帶子)全部都只係將雪藏o野翻炸都算喇但係... 點解d所謂o既海鮮全部都係涼o既？唔係連炸定先等有order再拎去翻炸都懶呀嘛？d食物放o係室溫咁耐，唔好話味道，連安唔安全都係一個問題!!!d餃子又係，得o個6隻雪藏餃子拎去煎一煎都收$19，唔明點解d人話呢度抵食個南瓜露好d，起碼係暖o既，不過味道同texture都怪怪o地呢間o野永不錄用!!!

講真;服務態度一般...冇話特別殷勤,亦冇話態度差...但食物呢,係令人喜出望外的...而且好抵食...事緣討論區有朋友駕車過來找我吃宵夜..晚飯都未落隔,最多只能吃甜品...十二時多,兜左幾個字,見到呢間仲開緊...泊好車,入內叫左....芒果班戟$18---都可以丫...價$合理,可以講抵食哩!!朱古力味木糠布甸$18---佢將之為一開八,嘩!少D功夫都唔得..味道又不錯珍珠奶荼$14--- 一飲有驚喜,原來係港式絲祩奶荼,香滑有奶味,略嫌珍珠稍硬..之後我多買了2個布甸外賣回家,味道不錯,值得再去

今日放學後 , 同媽子去食糖水 媽子要了酒釀丸子 , 而我的是清心丸 我的清心丸很合我心意 , 清清甜甜 , 甜度剛剛好, 算不錯我偷食了少少媽子的酒釀丸子 , 原先以為會好甜 , 點知食落覺得好正 , 仲偷食多幾下這兩款屬於冬季糖水 , "宜家"處理得幾好 , 甜而不膩。

8月15日, 食完金水壽司之後極度唔滿足, 所以同呀比已經唸住去食個開心宵夜補番數! 返到西環經過見到新開咗間宜加, 木製裝修環境光猛十分搶眼~ 入去坐低睇一睇menu, 哦! 原來係以前隔離街間宜記甜品開過黎的~ 數數手指, 宜記已經係第三次搬竇了…::: XO醬蘿蔔糕 ::: $12因為未食飽, 所以要叫個小食滿足番我地個胃~ 小小一碟但蘿蔔糕都幾多! 蘿蔔糕挺身, 酒樓貨色, 而且煎得頗脆~ XO醬下得足, 但同蘿蔔糕唔係好黐得埋, 好似唔係一齊炒咁的… 但食落都好香口, 整體味道不錯!::: 綠豆冰 ::: $19mmm… 係紅豆冰的變奏版~ 椰汁加綠豆沙, 仲加咗d西米. 綠豆微微起沙, 本身是不錯, 但混上半杯椰汁實在係too much, 兩者味道溝埋亦唔討好… 所謂的冰亦係大大粒, 難以同椰汁綠豆同食… 呢個配塔好有勇氣, 但麻麻好味~ 我估淨叫個綠豆沙會好味d...由之前唔三唔四嘅茶餐廳, 到而家都算幾骨子嘅小店… 其實都算一直進步的~ 除咗甜品小食, 宜加亦兼賣飯餐, 中西式焗飯甚至日式拉麵都有… 下次有機會都會一試的.

今日同媽咪一齊食LUNCH見卑路乍街開左間新野，就冧住試下一入到去，竟然一個人都無，我地就係第一個客不過可能佢啱啱先開鋪啦跟住媽咪叫左個燒汁肥牛飯配好立克$28我冧左一陣先落單，但個侍應叫極都無反應，好似借左聾耳陳隻耳咁不過佢落單嗰陣D態度都OK我就叫左溫泉蛋泡菜肥牛飯配紅豆冰$28+$6個溫泉蛋好正啊...但係一撈勻落D飯度就有D唔夠 (我覺得)媽咪要左我少少泡菜黎試下但佢話D泡菜凍冰冰，唔好食D肥牛睇落去色澤就爭D，睇落去好似好老咁，食落都係一般整個飯總括黎講都係一般不過佢有D類似粉絲咁嘅透明麵條鋪係面，撈勻整個飯黎食又幾好個紅豆冰都OK但係我唔鐘意D紅豆粒粒分明，硬硬地咁同埋D冰粒超大舊，阻住哂我食D紅豆媽咪個燒汁肥牛飯其實差唔多，只不過係溫泉蛋泡菜轉左做燒汁總括黎講媽咪嗰個飯好食D而個好立克就VERY　ＧＯＯＤ好好味！其實呢間野應該係專攻甜品市場，不過今日無食到，下次再試過啦ＰＳ　唔好意思，小女第一次寫食評，有咩不是請唔好見怪，多多包容！今次唔記得帶相機，所以無相睇，請見諒！